„სახელმწიფო პროგრამა“ იაფი კრედიტის“ „ექსპორტის წახალისების“ ქვეპროგრამის ფარგლებში შპს „სახელმწიფო უზრუნველყოფისათვის“ სესხის გაცემისა და სახელმწიფო შესყიდვების ერთ პირთან მოლაპარაკების გზით განსახორციელებლად ნებართვის მიცემის შესახებ“ საქართველოს მთავრობის 2008 წლის 11 აგვისტოს №538 განკარგულებაში ცვლილებების შეტანის თაობაზე

საქართველოს მთავრობი ს

განკარგულება №539

2008 წლის 13 აგვისტო

ქ. თბილისი

„სახელმწიფო პროგრამა“ იაფი კრედიტის“ „ ექსპორტის წახალისების“ ქვეპროგრამის ფარგლებში შპს „ სახელმწიფო უზრუნველყოფისათვის“ სესხის გაცემისა და სახელმწიფო შესყიდვების ერთ პირთან მოლაპარაკების გზით განსახორციელებლად ნებართვის მიცემის შესახებ“ საქართველოს მთავრობის 2008 წლის 11 აგვისტოს № 538 განკარგულებაში ცვლილებების შეტანის თაობაზე

მუხლი 1. საქართველოს ზოგადი ადმინისტრაციული კო­დექსის 63-ე მუხლის შესაბამისად „სახელმწიფო პროგრამა „იაფი კრედიტის“ „ექსპორტის წახალისების“ ქვეპროგრამის ფარგლებში შპს „სახელმწიფო უზრუნველყოფისათვის“ სესხის გაცემისა და სახელმწიფო შესყიდვების ერთ პირთან მოლაპარაკების გზით განსახორციელებლად ნებართვის მიცემის შესახებ“ საქართველოს მთავრობის 2008 წლის 11 აგვისტოს №538 განკარგულებაში შეტანილ იქნეს შემდეგი ცვლილებები:

1. განკარგულების სათაური ჩამოყალიბდეს შემდეგი რედაქციით:

„სახელმწიფო პროგრამა „იაფი კრედიტის“ „ექსპორტის წახალისების“ ქვეპროგრამის ფარგლებში შპს „სახელმწიფო უზრუნველყოფისათვის“ და შპს „ურეხისათვის“ სესხის გაცემისა და შპს „სახელმწიფო უზრუნველყოფისათვის“ სახელმწიფო შესყიდვების ერთ პირთან მოლაპარაკების გზით განსახორციელებლად ნებართვის მიცემის შესახებ“.

2. განკარგულების პირველი პუნქტი ჩამოყალიბდეს შემდეგი რედაქციით:

„1. ქვეყანაში არსებული საომარი მდგომა­რეობის გამო სურსათის მოსალოდნელი დეფიციტის თავიდან ასაცილებლად ხორბლის ფქვილის შეძენის მიზნით საქართველოს ეკონო­მიკური განვითარების სამინის­ტროსათვის „საქართველოს 2008 წლის სახელმწიფო ბიუჯე­ტის შესახებ“ საქართველოს კანო­ნის 39-ე მუხლით გათვალის­წინებული „ექსპორტის წახალი­სების“ ქვეპროგრამის ასიგნები­დან (ორგანი­ზაციული კოდი - 26 20 01) მიეცეს სესხად შპს „სახელმწიფო უზრუნველყოფას“ 12 500 000 (თორმეტი მილიონ ხუთასი ათასი) აშშ დოლარისა და შპს „ურეხს“ 1 000 000 (ერთი მილიონი) აშშ დოლარის ეკვივალენტი ლარი, 5 წლის ვადით, სესხით სარგებლო­ბი­სათვის წლიური 2-პროცენტიანი განაკვეთით.“.

3. განკარგულების მე-2 პუნქტი ჩამოყალიბდეს შემდეგი რედაქციით:

„2. პროცენტის დარიცხვა მოხდეს სესხის გაცემისთანავე, ხოლო მისი გადახდა დაიწყოს 24 თვის გასვლის შემდეგ. ამასთან, საშეღავათო პერიოდში დარიცხული პროცენტის გადახდა მოხდეს 24-36 თვეებზე განაწილებით.“.

მუხლი 2. საქართველოს ეკონომიკური განვითარების სამინისტრომ (ე. შარაშიძე) და ფინანსთა სამინისტრომ (ნ. გი­ლაური) მოახდინონ „სახელმწიფო პროგრამა „იაფი კრედი­ტის„ „ექსპორტის წახალისების“ ქვეპროგრამით (საორგანიზა­ციო კოდი 26 20 01) გათვალისწინებული ასიგნების შევსება „საქართველოს 2008 წლის სახელმწიფო ბიუჯეტის შესახებ“ საქართველოს კანონით საქართველოს ეკონომიკური განვითა­რების სამინისტროსათვის გათვალისწინებული ასიგნებიდან.

მუხლი 3. განკარგულება ძალაშია ხელმოწერის დღიდან.

პრემიერ-მინისტრი ვ. გურგენიძე