სახელმწიფო პროგრამა „იაფი კრედიტის“ „ექსპორტის წახალისების“ ქვეპროგრამის ფარგლებში შპს „სახელმწიფო უზრუნველყოფისათვის“ სესხის გაცემისა და სახელმწიფო შესყიდვების ერთ პირთან მოლაპარაკების გზით განსახორციელებლად ნებართვის მიცემის შესახებ

საქართველოს მთავრობი ს

განკარგულება №538

2008 წლის 11 აგვისტო

ქ. თბილისი

სახელმწიფო პროგრამა  „იაფი კრედიტის“ „ ექსპორტის წახალისების“ ქვეპროგრამის ფარგლებში შპს „ სახელმწიფო უზრუნველყოფისათვის“ სესხის გაცემისა და სახელმწიფო შესყიდვების  ერთ  პირთან  მოლაპარაკების  გზით განსახორციელებლად ნებართვის მიცემის შესახებ

„ სახელმწიფო პროგრამა „ იაფი კრედიტის“ „ ექსპორტის წახალისებისა“ და „ რეგიონალური ტურიზმის, სოფლის მეურ­ნე­ობისა და ხალხური რეწვის განვითარების“ ქვეპროგრამების დამტკიცებასა და მათ შესრულებასთან დაკავშირებულ ღო­ნის­ძიებათა შესახებ“ საქართველოს მთავრობის 2008 წლის 26 მარტის № 75 დადგენილების 5¹ პუნქტის საფუძველზე:

1. საქართველოს ეკონომიკური განვითარების სამინის­ტროსათვის „ საქართველოს 2008 წლის სახელმწიფო ბიუჯე­ტის შესახებ“ საქართველოს კანონის 39-ე მუხლით გათვალის­წინებული „ ექსპორტის წახალისების“ ქვეპროგრამის ასიგნები­დან (ორგანი­ზაციული კოდი – 26 20 01) შპს „ სახელმწიფო უზრუნველყოფას“ ქვეყანაში არსებული საომარი მდგომა­რე­ობის გამო სურსათის მოსალოდნელი დეფიციტის თავიდან ასაცილებლად ხორბლის მარაგის შესაძენად გამოეყოს სესხი 5 000 000 (ხუთი მილიონი) ლარის ოდენობით, 5 წლის ვადით,  სეს­ხით სარგებლობისათვის წლიური 2-პროცენტიანი განაკ­ვეთით.

2. პროცენტის დარიცხვა მოხდეს სესხის გაცემისთანავე, ხოლო მისი გადახდა დაიწყოს 24 თვის გასვლის შემდეგ. ამასთან, საშეღავათო პერიოდში დარიცხული პროცენტის გა­დახ­და მოხდეს 12-24 თვეებზე განაწილებით.

3. სესხის ძირითადი თანხის გადახდა დაიწყოს სესხის გაცემიდან 24 თვის გასვლის შემდეგ.

4. სესხის ძირითადი თანხისა და პროცენტის გადახდა მოხდეს ყოველთვიურად.

5. საქართველოს ეკონომიკური განვითარების სამინის­ტრომ ზემოაღნიშნული პირობების შესაბამისად გააფორ­მოს სესხის ხელშეკრულება, გასცეს სესხი და მოახდინოს გაცე­მული სესხის დოკუმენტური მონიტორინგი.

6. „ სახელმწიფო შესყიდვების შესახებ“ საქართველოს კანონის მე-10 მუხლის მე-3 პუნქტის „ე“ ქვეპუნქტის თანახმად სახელმწიფოებრივი და საზოგადოებრივი ღონისძიებების შეუზღუდავ ვადებში შეუფერხებლად განხორციელების მიზნით ნება დაერთოს შპს „ სახელმწიფო უზრუნველყოფას“ მოახდინოს შესყიდვა ერთ პირთან მოლაპარაკების გზით.

7. განკარგულების შესრულების კონტროლი განახორ­ციელოს საქართველოს ეკონომიკური განვითარების მინის­ტრმა ე. შარაშიძემ.

8. განკარგულება ძალაშია ხელმოწერის დღიდან.

პრემიერ-მინისტრი                 ვ. გურგენიძე