ჰიდროელექტროსადგურების აქტივების პირდაპირი მიყიდვის ფორმით პრივატიზებისა და ელექტროენერგიის გამანაწილებელი კომპანიების აქტივების რეალიზების შესახებ

საქართველოს მთავრობის

განკარგულება №33

2007  წლის  27 იანვარი

ქ. თბილისი

ჰიდროელექტროსადგურების  აქტივების  პირდაპირი  მიყიდვის ფორმით პრივატიზებისა და ელექტროენერგიის გამანაწილებელი კომპანიების აქტივების რეალიზების  შესახებ

საქართველოს ენერგეტიკული სექტორის სტაბილურობის უზრუნველყოფისა და მდგრადი განვითარების მიზნით:

1. მოწონებულ იქნეს, ერთი მხრივ, საქართველოს მთავრობას, საქართველოს ეკონომიკური განვითარების სამინისტროს, სს ,,საქართველოს გაერთიანებულ სადისტრიბუციო ენერგოკომპანიასა” და შპს ,,აჭარის ენერგოკომპანიას” და, მეორე მხრივ, ,,ენერგო-პრო ეი.ეს”-სა და სს ,,ენერგო-პრო ჯორჯიას” შორის გასაფორმებელი  ,,ჰიდროელექტროსადგურებისა  და ელექტროენერგიის გამანაწილებელი კომპანიების აქტივების ნასყიდობის შესახებ” ხელშეკრულების პროექტი და საქართველოს მთავრობასა და ,,ენერგო-პრო ეი.ეს”-ს შორის გასაფორმებელი ურთიერთგაგების მემორანდუმის პროექტი.

2. საქართველოს ენერგეტიკის სამინისტრომ (ნ. გილაური) და ეკონომიკური განვითარების სამინისტრომ (გ. არველაძე) განკარგულების პირველი პუნქტის შესასრულებლად უზრუნველყონ სათანადო პროცედურების გატარება, ხოლო ხელშეკრულების ხელმოწერის შემდგომ – ხელშეკრულებით გათვალისწინებულ წინაპირობათა  განხორციელების კოორდინაცია და უზრუნველყოფა.

3. განკარგულება ძალაშია ხელმოწერის დღიდან.

პრემიერ-მინისტრი                                                   ზ. ნოღაიდელი