დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | თბილისი–წითელი ხიდის (აზერბაიჯანის საზღვარი) საავტომობილო გზის თბილისი–რუსთავის მონაკვეთის მოდერნიზაციის მიზნით განსახორციელებელ ღონისძიებათა შესახებ | |
|---|---|
| დოკუმენტის ნომერი | 495 |
| დოკუმენტის მიმღები | საქართველოს მთავრობა |
| მიღების თარიღი | 30/07/2008 |
| დოკუმენტის ტიპი | საქართველოს მთავრობის განკარგულება |
| გამოქვეყნების წყარო, თარიღი | გამოუქვეყნებელი, 0, 30/07/2008 |
| სარეგისტრაციო კოდი | 000000000.00(0).000.000000 |
საქართველოს მთავრობი ს
განკარგულება №495
2008 წლის 30 ივლისი
ქ. თბილისი
თბილისი–წითელი ხიდის (აზერბაიჯანის საზღვარი) საავტომობილო გზის თბილისი–რუსთავის მონაკვეთის მოდერნიზაციის მიზნით განსახორციელებელ ღონისძიებათა შესახებ
თბილისი–წითელი ხიდის (აზერბაიჯანის საზღვარი) საავტომობილო გზის თბილისი–რუსთავის მონაკვეთის მოდერნიზაციის აუცილებლობიდან გამომდინარე, ოპტიმალური მიმართულებების შერჩევისა და შესაბამისი ტექნიკურ-ეკონომიკური დასაბუთების დამუშავების მიზნით:
1. საქართველოს ეკონომიკური განვითარების სამინისტროს სახელმწიფო საქვეუწყებო დაწესებულებამ – საქართველოს საავტომობილო გზების დეპარტამენტმა უზრუნველყოს თბილისი–წითელი ხიდის (აზერბაიჯანის საზღვარი) საავტომობილო გზის თბილისი–რუსთავის მონაკვეთის მოდერნიზაციის ტექნიკურ-ეკონომიკური დასაბუთების დამუშავება;
2. საქართველოს ეკონომიკური განვითარების სამინისტროს სახელმწიფო საქვეუწყებო დაწესებულებამ – საქართველოს საავტომობილო გზების დეპარტამენტმა „საქართველოს 2008 წლის სახელმწიფო ბიუჯეტის შესახებ“ საქართველოს კანონით საქართველოს საავტომობილო გზების დეპარტამენტისათვის გზების პერიოდული შეკეთებისა და რეაბილიტაციის სამუშაოებისათვის გამოყოფილ (ორგანიზაციული კოდი 26 11 01 02 01) ასიგნებათა ფარგლებში განახორციელოს აღნიშნული გზის მოდერნიზაციის ტექნიკურ-ეკონომიკური დასაბუთების პროექტის მომზადება (გარემოზე ზემოქმედების შეფასების ჩათვლით) მოქმედი კანონმდებლობით გათვალისწინებული პროცედურებით.
3. საქართველოს ფინანსთა სამინისტრომ 2009 წლიდან საქართველოს სახელმწიფო ბიუჯეტის ფორმირებისას გაითვალისწინოს ზემოაღნიშნული გზის საპროექტო დოკუმენტაციის, მომსახურებისა და მოდერნიზაციის მიზნით საჭირო სამუშაოთა დაფინანსებისათვის აუცილებელი სახსრები.
4. ეთხოვოს ქ. თბილისის მერიას (გ. უგულავა), რომ აღნიშნული პროექტის შეუფერხებლად განხორციელების მიზნით თავის კომპეტენციას მიკუთვნებული საკითხების შეთანხმებისა და დროული გადაწყვეტისათვის სათანადო დახმარება გაუწიოს საქართველოს საავტომობილო გზების დეპარტამენტს.
5. განკარგულება ძალაშია ხელმოწერის დღიდან.
პრემიერ-მინისტრი ვ. გურგენიძე
დოკუმენტის კომენტარები