„ტყითსარგებლობის წესის დამტკიცების შესახებ“ საქართველოს მთავრობის 2010 წლის 20 აგვისტოს №242 დადგენილებაში ცვლილების შეტანის თაობაზე

1. პირველი მუხლის მე-2 პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) სსიპ ‑ ეროვნული სატყეო სააგენტოს (შემდგომში - სააგენტო) მი­ერ გაწეული მომსახურების სახეები;“.

2. პირველი მუხლის მე-2 პუნქტის „ზ“ ქვეპუნქტი ამოღებულ იქნეს.

3. მე-2 მუხლის მე-6 პუნქტი ჩამოყალიბდეს შემდეგი რედაქციით:

„6. მინისტრი – საქართველოს გარემოსა და ბუნებრივი რესურსების დაცვის მინისტრი.“.

4. მე-2 მუხლის მე-9 პუნქტი ჩამოყალიბდეს შემდეგი რედაქციით:

„9. სამინისტრო – საქართველოს გარემოსა და ბუნებრივი რესურ­სების დაცვის სამინისტრო.“.

5.  მე-2 მუხლის მე-14 პუნქტი ჩამოყალიბდეს შემდეგი რედაქციით:

„14. ტყეკაფის გამოყოფა – ტყეკაფის მონიშვნის მასალების (ტყეკაფის აღ­რიცხვის უწყისი, ტყეკაფის პასპორტი, ტყეკაფის აბრისი UTM კოორ­დინატთა სისტემაში, თანდართული ელექტრონული ვერსიით – Shp-ფაი­ლი) შესაბამისი მართვის ორგანოს ტერიტორიული ორგანოს/ადმინის­ტრა­ციებისათვის წარდგენა  და კამერალური ან/და საველე შემოწმების შემდეგ ტყეკაფის მიღება-ჩაბარების აქტის შედგენა.“.

6. მე-2 მუხლს დაემატოს შემდეგი შინაარსის 26¹ და 26² პუნქტები:

„26¹. ტყეკაფის დახურვა - ტყეკაფის ათვისების ყველა ღონისძიებების ჯეროვნად (სრულად) განხორციელების შემდეგ მართვის ორგანოს მიერ უკვე ათვისებული ტყეკაფის დახურვისა და ნატურაში მიღება-ჩაბარების პროცედურა, რაზედაც მართვის ორგანოს მიერ დგება ტყეკაფის და­ხურვის მიღება-ჩაბარების აქტი და ხდება მერქნული რესურსების მარ­თვის ელექტრონულ სისტემაში მისი ატვირთვა.

26². ტყეკაფის გაუქმება - ტყეკაფის ათვისებამდე ამ ტყეკაფის არას­წორად გამოყოფის, ან გამოყოფილი ტყეკაფის ათვისების შეუძლებ­ლობის (მათ შორის, სოციალური ჭრის შემთხვევაში - ტყეკაფის გამო­ყო­ფი­დან ორი წლის განმავლობაში ტყეკაფის აუთვისებლობის) შემთხვე­ვაში მართვის ორგანოს მიერ ტყეკაფის გაუქმება, რაზედაც მართვის ორ­განოს მიერ ადგილზე დათვალიერების შემდგომ დგება ტყეკაფის გაუქმე­ბის აქტი და ხდება მერქნული რესურსების მართვის ელექტრონულ სისტემაში მისი ატვირთვა.“.

7. მე-3 მუხლის „ბ“ ქვეპუნქტი ამოღებულ იქნეს.

8. მე-4 მუხლის პირველი პუნქტის „ბ“ ქვეპუნქტი ამოღებულ იქნეს.

9. მე-7 მუხლის მე-2 პუნქტი ჩამოყალიბდეს შემდეგი რედაქციით:

„2. ძირნაყარი ხე-ტყის გაცემისას ტყეკაფი მომიჯნავე ტერიტო­რიი­საგან საიდენტიფიკაციო ნიშნით არ გაიმიჯნება. ხე-ტყის განთავსების ტერიტორია ფიქსირდება  GPS კოორდინატებით. ძირნაყარი  ხე-ტყის მო­ცულობა დგინდება საორიენტაციოდ.“.

10. მე-8 მუხლის მე-6 პუნქტი ჩამოყალიბდეს შემდეგი რედაქციით:

„6. ბარის ტყეებში მთავარი სარგებლობის პირწმინდა ჭრის ტყეკაფის ტერიტორია მოინიშნება სწორკუთხოვანი ფორმით. მთის ტყეებში მთავა­რი სარგებლობის და მოვლითი ჭრების ტყეკაფი მოინიშნება სატაქსაციო უბნის ფარგლებში. მოვლითი ჭრის სანიტარიული სახის ტყეკაფის მო­ნიშვნა დასაშვებია კვარტლის ფარგლებშიც. სპეციალური ჭრის ტყეკაფი მოინიშნება სპეციალური მიზნების განხორციელების პროექტის ან სხვა ტექნიკური დოკუმენტაციით განსაზღვრულ ტერიტორიაზე სრულად ან ეტაპობრივად.“.

11. მე-8  მუხლის მე-16  პუნქტი ჩამოყალიბდეს შემდეგი რედაქციით:

„16. ტყეკაფის მონიშვნის მასალების მართვის ორგანოში წარდგე­ნამდე, ტყითმოსარგებლის მიერ ტყეკაფის მონიშვნის შესახებ შესაბამისი ინფორმაცია დადგენილი წესით, ელექტრონული ფორმით ასახული უნ­და იქნეს მერქნული რესურსების მართვის ელექტრონულ სისტემაში. მართვის ორგანოს მიერ ხორციელდება ტყითმოსარგებლის მიერ წარდგე­ნილი ტყეკაფის მონიშვნის მასალებისა და მის მიერ მონაცემთა ერთიან ბაზაში ასახული შესაბამისი ინფორმაციის კამერალური შემოწმება. მათი შეუსაბამობის (გარდა მექანიკური შეცდომებისა, თუ აშკარაა, რომ სხვა რამ არ შეიძლებოდა ყოფილიყო ნაგულისხმევი) ან საქართველოს კანონ­მდებლობის მოთხოვნათა დარღვევების აღმოჩენის შემთხვევაში ხორცი­ელდება მონიშნული ტყეკაფის შემოწმება დადგენილი წესით.“.

12. მე-8 მუხლს დაემატოს შემდეგი შინაარსის 16¹ , 16² და 16³ პუნქტები:

„16¹. სოციალური ჭრების შემთხვევაში ტყეკაფის მონიშვნის მასალე­ბის წარდგენა ხორციელდება მართვის ორგანოს ტერიტორიულ სამსახუ­რებ­ში/ადმინისტრაციებში ტყეკაფის გამოყოფაზე უფლებამოსილი პირის მიერ.

16². ტყეკაფი გამოყოფილად ჩაითვლება ტყეკაფის მონიშვნის მასალე­ბის დადგენილი წესით შემოწმების შემდეგ შესაბამისი ტყეკაფის გამო­ყოფის მიღება-ჩაბარების აქტის გაფორმებისა და მერქნული რესურსების მართვის ელექტრონულ სისტემაში მისი ატვირთის შემდგომ.

16³ გამოყოფილი ტყეკაფის გახსნა (ათვისების დაწყება) ხორციე­ლ­დება მხოლოდ მართვის ორგანოს წერილობითი თანხმობის და მერქნუ­ლი რესურსების მართვის ელექტრონულ სისტემაში მისი ასახვის შემდ­გომ.“.

13. მე-8 მუხლის მე-17 პუნქტი ჩამოყალიბდეს შემდეგი რედაქციით:

„17. ტყეკაფის პასპორტში აისახება შემდეგი ინფორმაცია:

 ა) მართვის ორგანოს დასახელება, ტყითსარგებლობის საფუძველი (სანებართვო დოკუმენტის ნომერი და გაცემის თარიღი), ტყითმო­სარგე­ბ­ლის რეკვიზიტები, ტყეკაფის GPS კოორდინატები, ტყეკაფის მონიშვნის მა­სალების წარდგენის თარიღი, ინფორმაცია ტყეკაფის მომნიშნავი პირე­ბის შესახებ (ფიზიკური პირის შემთხვევაში სახელი, გვარი,  პირადი ნო­მე­რი, იურიდიული პირის შემთხვევაში – დასახელება, საიდენტიფი­კა­ციო ნომერი);

ბ) მონაცემები: სატყეო უბნის, სატყეოს, კვარტალის, სატაქსაციო უბ­ნის, ტყეკაფის ფართობის, კორომის შემადგენლობის, ხნოვანების, სიხში­რის, სიმაღლის თანრიგის, მოზარდ აღმონაცენის მდგომარეობის (საკმა­რისი, არასაკმარისი),  ჭრის სახის, მონიშნულ ხეთა რაოდენობის  შესახებ;

გ) მონიშნული ხეების სახეობის, დიამეტრის, ხის ხარისხის (კანონ­მ­დე­ბლობით დადგენილ შემთხვევებში – საშეშე, სამასალე მერქნის), გასა­ცემი მერქნის მოცულობის (საქმისი მერქანი-ლიკვიდური, შეშა ვარჯი­დან), ხის ხარისხების მიხედვით მოცულობის, მთლიანი მოცულობის შესახებ;

დ) ტყეკაფის ათვისებაზე მართვის ორგანოს თანხმობის შემდეგ - ტყე­კაფის გახსნის თარიღი;

ე) ტყეკაფის დახურვის ან ტყეკაფის გაუქმების შემთხვევაში - ტყე­კაფის დახურვის ან ტყეკაფის გაუქმების თარიღი.“.

14. მე-8 მუხლს დაემატოს შემდეგი შინაარსის  23-ე და 24-ე პუნქტები:

 „23. ტყეკაფის გამოყოფის, გახსნის, დახურვისა და გაუქმების დო­კუმენტების მერქნული რესურსების მართვის ელექტრონულ სისტემაში ატვირთვას ახორციელებს მართვის ორგანო.

  24. ტყეკაფის გამოყოფის, გახსნის, დახურვისა და გაუქმების აქ­ტე­ბის ფორმებს შესაბამისი ინდივიდუალური ადმინისტრაციულ‑სამარ­თ­ლე­ბრივი აქტის საფუძველზე ამტკიცებს მინისტრი, ხოლო აჭარის ავტო­ნომიური რესპუბლიკის ტერიტორიის ფარგლებში ‑ აჭარის ავტონო­მი­უ­რი რესპუბლიკის გარემოსა და ბუნებრივი რესურსების დაცვის სამმარ­თ­ველო.“.

15. 8¹ მუხლის პირველი პუნქტის „ბ.ა.“ და „ბ.ბ.“ ქვეპუნქტები ჩამოყალიბდეს შემდეგი რედაქციით:

„ბ.ა) I ხარისხის ხისთვის (შესაძლებლობის შემთხვევაში - ასევე ძირნა­ყარი ხისთვის) მოსახლეობის, საბიუჯეტო ორგანიზაციების, საჯარო სა­მართლის იურიდიული პირების (მათ შორის, საქართველოს კონსტიტუ­ციური შეთანხმებით აღიარებული საჯარო სამართლის იურიდიული პირის), თვითმმართველი ერთეულების მიერ დაფუძნებული არასამე­წარ­მეო (არაკომერციული)  იურიდიული  პირების მიერ გადახდილი უნ­და იქნეს „ბუნებრივი რესურსებით სარგებლობისათვის მოსაკრებლების შესახებ“ საქართველოს კანონის მე‑5 მუხლის მე‑2 პუნქტში მოყვანილი ცხრილის ტყის მერქნიან სახეობათა შესაბამისი ჯგუფის მე‑2 კატეგო­რიისათვის  დადგენილი მოსაკრებელი;

ბ.ბ) II ხარისხის, ასევე ძირნაყარი ხისთვის მოსახლეობის, საბიუჯეტო ორგანიზაციების, საჯარო სამართლის იურიდიული პირების (მათ შო­რის, საქართველოს კონსტიტუციური შეთანხმებით აღიარებული საჯარო სამართლის იურიდიული პირის), თვითმმართველი ერთეულების მიერ დაფუძნებული არასამეწარმეო (არაკომერციული)  იურიდიული  პირე­ბის მიერ გადახდილი უნდა იქნეს „ბუნებრივი რესურსებით სარგებ­ლო­ბი­სათვის მოსაკრებლების შესახებ“ საქართველოს კანონის მე‑5 მუხლის მე‑2 პუნქტში მოყვანილი ცხრილის ტყის მერქნიან სახეობათა შესაბამისი ჯგუფის მე‑4 კატეგორიისათვის დადგენილი მოსაკრებელი;“.

16. 8¹ მუხლის პირველი პუნქტის „გ“ ქვეპუნქტი ამოღებულ იქნეს.

17. მე-10 მუხლი ჩამოყალიბდეს შემდეგი რედაქციით:

„მუხლი 10. სოციალური ჭრა

 1. სოციალური ჭრა ხორციელდება არაკომერციული მიზნით მოსახ­ლეობის, საბიუჯეტო ორგანიზაციების, საჯარო სამართლის იურიდი­ული პირების (მათ შორის, საქართველოს კონსტიტუციური შეთანხმებით აღიარებული საჯარო სამართლის იურიდიული პირის), თვითმმარ­თველი ერთეულების მიერ დაფუძნებული არასამეწარმეო (არაკომერცი­ული)  იურიდიული  პირების  ხე-ტყით უზრუნველსაყოფად. საჯარო სა­მართლის იურიდიული პირების ხე-ტყით უზრუნველსაყოფად განაც­ხა­დის მართვის ორგანოში ორგანიზებულად წარდგენას  უზრუნველყოფს სახელმწიფო კონტროლის განმახორციელებელი ორგანო.

2. სოციალური ჭრის წესით გაიცემა ხე-ტყე, მათ შორის: ნახანძრალი, სახელმწიფო ტყის ფონდიდან ამორიცხულ ფართობებზე განხორციე­ლე­ბული ჭრებისა და სპეციალური ჭრების შედეგად მოპოვებული მერქნუ­ლი რესურსი, ტყეკაფამდე მისასვლელი სატყეო-სამეურნეო გზის მშენებ­ლო­ბისას ან/და მოწყობისას მოჭრილი მერქნული რესურსი, ტყითმოსარ­გებლისათვის (მათ შორის, ლიცენზიანტისათვის) ტყითსარგებლობის ვადის ამოწურვის ან  შეწყვეტის შემდეგ სახელმწიფო ტყის ფონდიდან გამოუზიდავი მერქნული რესურსი, მოვლითი ჭრებით მიღებული მერქ­ნუ­ლი რესურსი, ასევე მართვის ორგანოსთვის საქართველოს კანონმდებ­ლობით დადგენილი წესით გადაცემული მერქნული რესურსი.

3. სოციალური ჭრების ფარგლებში მერქნული რესურსი გაიცემა შემდეგი დოკუმენტების საფუძველზე:

ა) ბუნებრივი რესურსებით სარგებლობისათვის გათვალისწინებული შესაბამისი მოსაკრებლის გადახდის დამადასტურებელი დოკუმენტი;

ბ) ხე-ტყის დამზადების ბილეთის გაცემისათვის შესაბამისი მომსა­ხუ­რების საფასურის გადახდის დამადასტურებელი დოკუმენტი;

გ) ხე-ტყის დამზადების ბილეთი.

4. სოციალური ჭრებით მოსახლეობაზე გასაცემი I ხარისხის ხეზე მოთ­ხოვნას სახელმწიფო რწმუნებული – გუბერნატორი (აჭარისა და აფ­ხა­ზეთის ავტონომიური რესპუბლიკების შემთხვევაში – თვითმმართვე­ლი ერთეული) შესაბამის მართვის ორგანოს წარუდგენენ ყოველწლიუ­რად, 1 მაისამდე, ხის სახეობისა და მოცულობის მითითებით.

5. მართვის ორგანო ფაქტიური მდგომარეობის მიხედვით  განსაზ­ღვრავს I ხარისხის ხის სახეობრივ და მოცულობით შესაძლებლობებს  და აღნიშნულ ინფორმაციას 1 სექტემბრამდე აცნობებს მოთხოვნის წარ­მომდგენ  სუბიექტებს. 

6. მოსახლეობის მიერ თითოეული კონკრეტული მოთხოვნილი რე­სურსის დასაბუთებულობას შეისწავლის სახელმწიფო რწმუნებულის – გუბერნატორის (ხოლო აჭარისა და აფხაზეთის ავტონომიური რესპუბ­ლიკების შემთხვევაში – თვითმმართველი ერთეულის) მიერ შექმნილი კომისია. კომისიის მუშაობაში სახელმწიფო ტყის ფონდის მართვის უფლების მქონე ორგანოს წარმომადგენელი მონაწილეობას არ იღებს. კო­მისია ადგილზე შეისწავლის მოთხოვნის შესაბამისობას ფაქტობრივ მდგომარეობასთან, რაზედაც დგება კომისიის დასკვნა. დასკვნა თანდარ­თულ ფოტოსურათებთან ერთად წარედგინება სახელმწიფო რწმუნე­ბულს – გუბერნატორს (ხოლო აჭარისა და აფხაზეთის ავტონომიური რესპუბლიკების შემთხვევაში – თვითმმართველი ერთეულს).

7. სახელმწიფო რწმუნებული - გუბერნატორი (ხოლო აჭარისა და აფხაზეთის ავტონომიური რესპუბლიკების შემთხვევაში – თვითმმარ­თველი ერთეული) მართვის ორგანოში დაზუსტებულ შუამდგომლობას წარადგენს მართვის ორგანოს მიერ განსაზღვრული I ხარისხის ხის სახეობისა და მოცულობის ფარგლებში. შუამდგომლობაში მითითებული უნდა იყოს ინფორმაცია თითოეული მოქალაქის გვარის, სახელის, პირადი ნომრისა და მოქალაქისათვის გასაცემი I ხარისხის ხის სახეობისა და მოცულობის მითითებით. შუამდგომლობას თან უნდა ახლდეს კომისიის შესაბამისი დასკვნა და ფაქტობრივი მდგომარეობის ამსახველი ფოტოსურათები.

8. I ხარისხის ხის მოპოვების მიზნით მოსახლეობის მიერ ხე-ტყის დამზადების ბილეთი აღებული უნდა იქნეს მიმდინარე კალენდარული წლის დასრულებამდე.

9. სოციალური ჭრების ფარგლებში გასაცემი I და II ხარისხის ხეების, ასევე ძირნაყარი ხეების გაცემაზე დასაბუთებულ მოთხოვნას შესაბამის მართვის ორგანოს წარუდგენენ საბიუჯეტო ორგანიზაციები, საჯარო სამართლის იურიდიული პირები, მათ შორის, საქართველოს კონსტი­ტუციური შეთანხმებით აღიარებული საჯარო სამართლის იურიდიული პირი,  თვითმმართველი ერთეულების მიერ დაფუძნებული არასამეწარ­მეო (არაკომერციული) იურიდიული პირები.

10. დადებით (შესაბამისი მერქნული რესურსის მარაგის არსებობის შემთხვევაში), ან უარყოფით გადაწყვეტილებას მოსახლეობისათვის I ხარისხის ხის გაცემის საკითხზე შუამდგომლობის მიღებიდან ერთი თვის ვადაში იღებს მართვის ორგანო, რაც გამოიხატება მართვის ორ­განოს მიერ შესაბამისი ინდივიდუალურ-სამართლებრივი ადმინისტრა­ციული აქტის გამოცემით.

11. დადებით (შესაბამისი მერქნული რესურსის მარაგის არსებობის შემთხვევაში), ან უარყოფით გადაწყვეტილებას, I ხარისხის ხის გაცემის საკითხზე განაცხადის მიღებიდან ერთი თვის ვადაში, საბიუჯეტო ორგანიზაციების, საჯარო სამართლის იურიდიული პირების (მათ შო­რის, საქართველოს კონსტიტუციური შეთანხმებით აღიარებული საჯარო სამართლის იურიდიული პირის), თვითმმართველი ერთეულების მიერ დაფუძნებული არასამეწარმეო (არაკომერციული) იურიდიული  პირების შემთხვევაში, შესაბამისი მართვის ორგანოს მიერ წარმოდგენილი ბრძანების პროექტის წარდგენის საფუძველზე, იღებს სამინისტრო, ხოლო აჭარის ავტონომიური რესპუბლიკის ტერიტორიის ფარგლებში - აჭარის ავტონომიური რესპუბლიკის გარემოსა და ბუნებრივი რესურ­სების დაცვის სამმართველო - შესაბამისი ინდივიდუალური ადმინის­ტრაციულ-სამართლებრივი აქტის საფუძველზე, რომელსაც გამოცემის შემდეგ, ინფორმაციის სახით, უგზავნის სამინისტროს.

12. საბიუჯეტო ორგანიზაციების, საჯარო სამართლის იურიდიული პირების, თვითმმართველი ერთეულების მიერ დაფუძნებული არასამე­წარმეო (არაკომერციული)  იურიდიული  პირების მიერ ტენდერის გამო­ც­ხადებისა და სამშენებლო ან მასთან გათანაბრებული ისეთი მომ­სახურების შესყიდვის განხორციელების შემთხვევაში, რომელიც ითვა­ლისწინებს სამშენებლო მასალის სახით მერქნული რესურსის გამოყე­ნებას, დაინტერესებული პირის მიერ  სამინისტროს (აჭარის ავტონომი­ური რესპუბლიკის ტერიტორიის ფარგლებში - აჭარის ავტონომიური რესპუბლიკის გარემოსა და ბუნებრივი რესურსების დაცვის სამმართვე­ლოს) წერილობით განცხადებასთან ერთად წარედგინება შესაბამისი პროექტი, ან/და დამადასტურებელი დოკუმენტაცია, რომლის განსახორ­ცი­ელებლადაც მოთხოვნილია მერქნული რესურსი, სადაც მითითებული და დასაბუთებული უნდა იყოს ზემოთ მითითებული პროექტისათვის აუცილებელი მერქნული რესურსის მოცულობა.

13.  საქართველოს კონსტიტუციური შეთანხმებით აღიარებული სა­ჯა­რო სამართლის იურიდიული პირის მიერ მოთხოვნილი I ხარისხის ხის მოთხოვნის შემთხვევაში სამინისტროს (აჭარის ავტონომიური რეს­პუბლიკის ტერიტორიის ფარგლებში -  აჭარის ავტონომიური რესპუბ­ლი­კის გარემოსა და ბუნებრივი რესურსების დაცვის სამმართველოს) წერილობით თხოვნასთან ერთად წარედგინება საქართველოს საპატ­რიარქოსთან შეთანხმებული შესაბამისი პროექტი, ან/და მშენებლობის ნებართვა (არსებობის შემთხვევაში), რომლის განსახორციელებლადაც მოთხოვნილია მერქნული რესურსი და მშენებლობის განმახორ­ციე­ლებლის მიერ წერილობითი დადასტურება მოთხოვნის  ფაქტობრივ მდგომარეობასთან შესაბამისობის თაობაზე.

14. გადაუდებელი აუცილებლობით (ხანძრით, სტიქიური უბედუ­რებით ან/და სხვა ფორსმაჟორული გარემოებით) გამოწვეულ შემთხვე­ვებში, რომლებმაც შეიძლება საფრთხე შეუქმნან ადამიანის სიცოცხლესა და ჯანმრთელობას, საკითხი განიხილება მხოლოდ I ხარისხის ხის მოთ­ხოვნის შემთხვევაში, შესაბამისი მერქნული რესურსის მარაგის აუცილე­ბელი არსებობის პირობით. მერქნული რესურსი გაიცემა ამ მუხლით დადგენილი წესების დაცვით, გარდა დადგენილი ვადებისა.

15. მართვის ორგანო უფლებამოსილია, სოციალური ჭრებისას I ხა­რისხის ხის დამზადების შედეგად ტყის ფონდში დარჩენილი მერქნული რესურსი (ძირნაყარი) გასცეს მოსახლეობისათვის ამავე მუხლით დადგე­ნილი პროცედურების შესაბამისად.

16. მართვის ორგანოები სოციალური ჭრების განხორციელები­სა­თვის, საჭიროების შემთხვევაში უზრუნველყოფენ სატყეო-სამეურნეო გზების მოწყობასა და შეკეთებას.

17. იმ შემთხვევაში, თუ ლიცენზიის მფლობელის მიერ მოპოვებული ხე-ტყე მართვის ორგანოსთან შეთანხმებით გამოიყენება სოციალური ჭრის მიზნებისთვის სათბობი შეშით უზრუნველსაყოფად, საქართველოს მთავრობა უფლებამოსილია მიიღოს „ბუნებრივი რესურსებით სარგებ­ლო­ბისათვის მოსაკრებლების შესახებ“ საქართველოს კანონის მე-7 მუხ­ლის მე-4 პუნქტით გათვალისწინებული გადაწყვეტილება.

18. სოციალური ჭრების განხორციელებისას ხე-ტყის დამზადება და­იშვება 35⁰‑მდე დაქანების ფერდობებზე.

19. სოციალური ჭრების შემთხვევაში პირწმინდა ჭრების ტყეკაფები მოინიშნება ტყის განსაზღვრული უბნის ტერიტორიაზე არსებული ხე­ების რბილმერქნიან სახეობათა ერთდროული (პირწმინდა) მოჭრის მიზ­ნით, გარდა 20 წლამდე ასაკის ხეებისა, ხორციელდება მხოლოდ ვაკე რე­ლიეფის  5 გრადუსამდე დაქანების ფერდობებზე და ტარდება 10 ჰა-მდე ფა­რ­თობზე 8 სმ და მეტი ტაქსაციური დიამეტრის ხეების პირწმინდა ჭრით.

20. სოციალური ჭრები ხორციელდება მწიფე და მწიფეზე უხნეს კო­რომებში (გარდა მოვლითი ჭრებისა), აგრეთვე:

ა) 0,3 და 0,4 სიხშირის კორომებში, ამ წესის №3 დანართის შესაბამი­სად, გაბატონებული მერქნიანი სახეობების საკმარისი რაოდენობის მო­ზარდის არსებობისას, ჭრაში ინიშნება 28 სმ და მეტი ტაქსაციური დია­მეტრის ხეები (მათ შორის, პირველ რიგში ზეხმელი, ხმობადი და ფუ­ღურო ხეები);

ბ)  0,5 სიხშირის კორომებში ჭრა ინიშნება მხოლოდ იმ შემთხვევაში, თუ მერქნიან სახეობათა მოზარდი არის საკმარისი  რაოდენობით, რო­მელიც ტყეკაფზე ტყის აღდგენას უზრუნველყოფს (№3 დანართის გათვა­ლისწინებით), 0,5 სიხშირის კორომებში იჭრება მარაგის 25%-მდე;

გ) 0,6 და ნაკლები სიხშირის მარადმწვანე ქვეტყიან, მაყვლიან და გვიმრიან ტყის კორომებსა და მიკროუბნებში ჭრა არ ინიშნება, თუ მათი დაფარულობა 40%‑ზე მეტია. აღნიშნულ კორომებში დასაშვებია ბუნებ­რივი განახლების ხელშეწყობის ღონისძიებების განხორციელება, რომ­ლის წინაპირობას შეადგენს განახლებისა და შემდგომ ჭრისათვის ტერი­ტორიის მომზადება ქვეტყის გამოხშირვით ან ფანჯრული და ზოლებ­რივი პირწმინდა მოჭრით, ჩატარებული ჭრებიდან 5 წლის შემდეგ საკმა­რისი მოზარდის არსებობის შემთხვევაში (ამ წესის №3 დანართის გათ­ვალისწინებით) დასაშვებია ჭრის დანიშვნა;

დ) 0,6‑0,7 სიხშირის კორომებში იჭრება არსებული მარაგის 20%‑მდე, ხოლო 0,8 და მეტი სიხშირის კორომებში – არსებული მარაგის 30%‑მდე (კორომის სიხშირის 0,3 ერთეულით დაწევით). 0,7 და მეტი სიხშირის კორომებში, მარადმწვანე ქვეტყის, მაყვლისა და გვიმრის არსებობის შემ­თხვევაში (თუ მათი დაფარულობა 40%‑ზე მეტია) სიხშირე არდაიყვანება 0,6-ზე დაბლა;

ე) მოვლითი ჭრების სახეებს დაქვემდებარებული ტყის უბნებში ტყეკაფის მონიშვნა ხორციელდება მოვლითი ჭრებით დადგენილი ნორმებით;

 ვ) საკურორტო და მწვანე  ზონის ტყეებში ჭრის შედეგად სიხშირე არ დაიყვანება 0,4 სიხშირეზე დაბლა (განსაზღვრული ტერიტორიისათვის პრიორიტეტული ჯიშის შენარჩუნებით).

21. სოციალური ჭრის დროს 31⁰ – 35⁰-ის დაქანების ფერდობებზე ჭრა დასაშვებია მხოლოდ 0,7 და მეტი სიხშირის კორომებში, ჭრის ინ­ტენ­სივობა 5%-ით ნაკლებია, ვიდრე 30⁰ -მდე დაქანების ფერდობებზე არსე­ბული შესაბამისი სიხშირის კორომებისათვის. ხე-ტყის გამოზიდვა ტყეში სამანქანე გზამდე ხორციელდება საბაგირო და საჰაერო ტრანსპორტის ან ცოცხალი გამწევი ძალის გამოყენებით. 

22. სოციალური ჭრების დროს შესაძლებელია, გამოყენებულ იქნეს მთავარი სარგებლობის შესაბამისი ჭრის სახეები.

23. სოციალური ჭრის ტყეკაფებში პირველ რიგში მოინიშნება II ხა­რისხის ხეები, ასევე, კორომის მდგომარეობიდან (სიხშირიდან) გამომ­დინარე  – I ხარისხის ხეები.

24. სოციალური ჭრები არ ინიშნება:

ა) საქართველოს ტყის კოდექსის მე-15 მუხლით განსაზღვრული ორ­განოს მართვას დაქვემდებარებულ ტერიტორიებზე, გარდა ეროვნული პარკისა, აღკვეთილისა  და დაცული ლანდშაფტისა, ამ დაცული ტერი­ტორიების მენეჯმენტის გეგმით ან  დროებითი რეგულირების წესის შესაბამისად;

ბ) საქართველოს ტყის კოდექსის მე-16 მუხლით განსაზღვრული ორ­განოების მართვას დაქვემდებარებული ტერიტორიების განსაკუთ­რებუ­ლი ფუნქციური დანიშნულების უბნებში, გარდა ამ მუხლის მე‑20 პუნქტის „ვ“ ქვეპუნქტისა.

25.  სოციალური ჭრების ფარგლებში დამზადებას ექვემდებარება მერქნიანი მცენარეები, გარდა წითელი ნუსხით დაცული სახეობებისა. სოციალური ჭრების ფარგლებში წითელი ნუსხით დაცული სახეობები დამზადებას ექვემდებარება, თუ ხე არის ძირნაყარი, ზეხმელი, ფაუტი, ხმელი და ხმობადი.

26. წითელ ნუსხაში მითითებული, ბუნებრივად მოთხრილ-მოტე­ხილი, ფაუტი, ზეხმელი და ხმობადი მერქნიანი მცენარეები  მართვის ორგანოს მიერ სოციალური ჭრების განხორციელების მიზნით მოინიშ­ნება ამ წესის შესაბამისად. ამ შემთხვევაში ტყეკაფი გამოიყოფა მართვის ორგანოს ხელმძღვანელის ან მის მიერ უფლებამოსილი პირის გადაწყვე­ტილების საფუძველზე.

27. აუცილებლობის შემთხვევაში, სოციალური ჭრის წინა წლ(ებ)ის აუთვისებელ ტყეკაფებზე ხორციელდება ხელახალი ტყეკაფების გამო­ყოფა. ამ შემთხვევაში, ხეებზე გაკეთებულ ძველ ნუმერაციაზე საღებავით კეთდება აღნიშვნა „X“.

28. სოციალური ჭრის პროცესში I ხარისხის ხის ტყეკაფის აღრიცხვის უწყისში მითითებულ ხარისხთან შეუსაბამობის შემთხვევაში,  მართვის ორ­განოს მიერ რესურსის მომხმარებლის თანდასწრებით, შესაბამისი აქ­ტის შედგენით და  მოჭრილი ხის დასურათების შემდგომ ხდება ზემო­აღნიშნული I ხარისხის გადაყვანა II ხარისხში, ფაქტობრივი მდგომა­რეობის შესაბამისად, უკვე მოჭრილი ხის მოცულობის დაზუსტებით, აღრიცხვის მასალებში დამატებითი ინფორმაციის შეტანით.

29. დაცულ ტერიტორიებზე სოციალური ჭრები ხორციელდება მხოლოდ ადგილობრივი მოსახლეობის სოციალური მოთხოვნილების დაკმაყოფილების მიზნით.

 30. სოციალური ჭრის ფარგლებში მოპოვებულ მერქნულ რესურსზე არ გადაიხდება მომსახურების საფასური ხე-ტყის წარმოშობის დოკუ­მენტის გაცემისათვის ან/და სპეციალური ფირნიშებით მარკირები­სათვის. გადახდას ექვემდებარება მხოლოდ ხე-ტყის დამზადების ბილე­თის გაცემის მომსახურების საფასური.“.

18. მე-12 მუხლის მე-5 და 5¹ პუნქტები ჩამოყალიბდეს შემდეგი რედაქციით:

„5. სახელმწიფო ტყის ფონდიდან ამორიცხულ ტერიტორიაზე გან­ხორ­ცი­ელებული ჭრებისა და სპეციალური ჭრების შედეგად მოპოვე­ბული მერქნული რესურსი დაუკოტრავი სახით, სახეობების მიხედვით, საწყობდება სააგენტოს მიერ მითითებულ ტერიტორიაზე და მისი სააგენტოსათვის გადაცემა ხდება ამორიცხულ ფართობზე ჭრის ან სპე­ციალური ჭრის განხორციელების უფლების მქონე პირსა და სააგენტოს შორის გაფორმებული მიღება-ჩაბარების აქტით. ასეთი წესით დამზადე­ბული მერქანი სააგენტოს მიერ  არაკომერციული მიზნით მოსახლეობის, საბიუჯეტო ორგანიზაციების, საჯარო სამართლის იურიდიული პირების (მათ შორის, საქართველოს კონსტიტუციური შეთანხმებით აღიარებული საჯარო სამართლის იურიდიული პირის), თვითმმართველი ერთეუ­ლების მიერ დაფუძნებული არასამეწარმეო (არაკომერციული) იურიდი­ული პირების ხე-ტყით უზრუნველსაყოფად, გაიცემა ელექტრონული აუქციონის მეშვეობით ან მის გარეშე, სამინისტროს გადაწყვეტილებით, საქართველოს ფინანსთა სამინისტროსთან შეთანხმებით, სააგენტოს მომ­სა­ხუ­რების საფასურის გადახდის გარეშე. აღნიშნულ შემთხვევაში პირი იხდის მხოლოდ ამ დადგენილების 8¹ მუხლის მე-3 პუნქტის „ა“ ქვეპუნ­ქტით გათვალისწინებულ ბუნებრივი რესურსებით სარგებლობის მოსაკ­რე­ბელს.

5¹. აჭარის ავტონომიური რესპუბლიკის ტერიტორიის ფარგლებში სა­ხელმწიფო საკუთრებაში არსებული სახელმწიფო ტყის ფონდიდან ამო­რიც­ხულ ტერიტორიაზე განხორციელებული ჭრებისა და სპეციალური ჭრების შედეგად მოპოვებული მერქნული რესურსი დაუკოტრავი სახით, სახეობების მიხედვით საწყობდება  საჯარო სამართლის იურიდიული პირის–აჭარის სატყეო სააგენტოს (შემდგომში – აჭარის სატყეოსააგენტო) მიერ მითითებულ ტერიტორიაზე და მისი აჭარის სატყეო სააგენტოსა­თვის გადაცემა ხდება ამორიცხულ ფართობზე ჭრის ან სპეციალური ჭრის განხორციელების უფლების მქონე პირსა და აჭარის სატყეო სააგენტოს შორის გაფორმებული მიღება-ჩაბარების აქტით. ასეთი წესით დამზადებული მერქანი აჭარის სატყეო სააგენტოს მიერ გაიცემა ელექტ­რონული აუქციონის მეშვეობით ან მის გარეშე, აჭარის ავტონომიური რესპუბლიკის მთავრობის გადაწყვეტილებით, არაკომერციული მიზნით მოსახლეობის, საბიუჯეტო ორგანიზაციების, საჯარო სამართლის იური­დიული პირების (მათ შორის, საქართველოს კონსტიტუციური შეთანხმე­ბით აღიარებული საჯარო სამართლის იურიდიული პირის), თვითმმარ­თველი ერთეულების მიერ დაფუძნებული არასამეწარმეო (არაკომერცი­ული) იურიდიული პირების  ხე-ტყით უზრუნველსაყოფად.“.

19. მე-12 მუხლს დაემატოს შემდეგი შინაარსის მე-11 პუნქტი:

„11. სახელმწიფო ტყის ფონდიდან ტერიტორიის ამორიცხვამდე ხორ­ციელდება ამ ტერიტორიაზე არსებული მერქნული რესურსის წინასწარი აღრიცხვა. აღრიცხვის მომსახურების საფასურს იხდის ამორიცხვის ინი­ციატორი.“.

20. მე-14 მუხლი ჩამოყალიბდეს შემდეგი რედაქციით:

„მუხლი 14. ხე-ტყის დამზადების ბილეთის ობიექტი

1. ხე-ტყის დამზადების ბილეთი გაიცემა სოციალური ჭრისათვის გა­მო­ყოფილ კონკრეტული ტყეკაფ­ის ფარგლებში და ხე-ტყის დამზადების ბილეთის მოქმედების ვადაა მისი გაცემიდან 30 კალენდარული დღე.

2. ხე-ტყის დამზადების ბილეთი არის სოციალური ჭრის ტყეკაფზე ხე-ტყის დამზადების დაწყების განმსაზღვრელი დოკუმენტი.

3. II ხარისხის  ხე-ტყე კალენდარული წლის განმავლობაში ერთ კომლს (ოჯახს) შესაძლებელია მიეცეს არა უმეტეს 7 მ³-ისა. ამ მიზნით თვითმართველობის ორგანოების მიერ (გარდა თბილისისა) ხდება ფაქ­ტობ­რივად მაცხოვრებელი კომლის (ოჯახის) წარმომადგენლის (სახელი, გვარი, პირადი ნომერი) სიების  მართვის ორგანოსათვის წარდგენა, ხოლო დაცული ტერიტორიიდან გასაცემი II ხარისხის ხე-ტყის ოდენობა განისაზღვრება დაცული ტერიტორიის მენეჯმენტის გეგმითა და დრო­ებითი რეგულირების წესით. დადგენილ ვადებში ხე-ტყის სრული მოცუ­ლობით აუთვისებლობის  შემთხვევაში ბილეთი უქმდება და სააგენტოს მიერ გაწეული მომსახურების საფასური უკან არ ბრუნდება. ასეთ შემთ­ხვევაში, აუთვისებელი რესურსის მოპოვებით დაინტერესებული პირი შე­საბამისი მომსახურების გადახდის დამადასტურებელი ქვითრით წე­რი­ლობით მიმართავს მართვის ორგანოს ხე-ტყის დამზადების ბილეთის მისაღებად, რომელიც ვადაგასული ბილეთის საფუძველზე გასცემს ხე-ტყის დამზადების ახალ ბილეთს იმავე სახეობებისა (ჯიშის) და ოდე­ნობის ხე-ტყის დამზადებისათვის (შესაძლებელია შეიცვალოს ტყე­კაფი).“.

 21. მე-20 მუხლი ჩამოყალიბდეს შემდეგი რედაქციით:

„მუხლი 20. სახელმწიფო ტყის ფონდის უბნის მიჩენის წესი

1. სახელმწიფო ტყის ფონდის უბნის მიჩენა ხორციელდება საქარ­თველოს მთავრობის განკარგულების საფუძველზე.

2. ამ მუხლის პირველი პუნქტით გათვალისწინებული განკარგუ­ლე­ბის საფუძველზე ხელშეკრულება იდება მართვის ორგანოსა და სახელ­მწიფო ტყის ფონდის უბნის მიჩენით დაინტერესებულ პირს შორის.“.

22. 24-ე მუხლის მე-2 და მე-3 პუნქტები ჩამოყალიბდეს შემდეგი რედაქციით:

„2. ამ მუხლის პირველ პუნქტში აღნიშნული ადმინისტრაციული ორ­გა­ნოების დადებითი პასუხის შემდეგ სამინისტრო სახელმწიფო ტყის ფონ­დის მიჩენის შესახებ საქართველოს მთავრობის განკარგულების პრო­ექტს განსახილველად წარუდგენს საქართველოს მთავრობას.

3. სახელმწიფო ტყის ფონდის უბნის მიჩენის შესახებ საქართველოს მთავრობის განკარგულების საფუძველზე იდება ხელშეკრულება მართ­ვის ორგანოებსა და სახელმწიფო ტყის ფონდის უბნის მიჩენით დაინტე­რე­სებულ პირს შორის.“.

23. 25-ე მუხლის მე-2 პუნქტი ჩამოყალიბდეს შემდეგი რედაქციით:

„2. ამ მუხლის პირველი პუნქტით განსაზღვრული შემთხვევე­ბისა­თვის მოქალაქეთა ტყეში ყოფნისა და ტყითსარგებლობის  შეზღუდვა ან აკრძალვა ხორციელდება მიჩენის თაობაზე საქართველოს მთავრობის განკარგულებით.“.

24. 27-ე მუხლის პირველი და მე-2 პუნქტები ჩამოყალიბდეს შემდეგი რედაქციით:

„1. სახელმწიფო ტყის ფონდის უბნის მიჩენის მიზნებისათვის გამო­ყე­ნების უფლება წყდება საქართველოს კანონმდებლობის შესაბამისად და მიჩენის შესახებ საქართველოს მთავრობის განკარგულებისა და მხარეებს შორის დადებული ხელშეკრულების საფუძველზე .

2. სახელმწიფო ტყის ფონდის მიჩენილი უბნის ტერიტორიაზე ტყით­სარგებლობის შეზღუდვა, შეჩერება და აკრძალვა ხორციელდება მხარეთა შორის დადებული ხელშეკრულების, ამ უბნის მიჩენის შესახებ საქართ­ველოს მთავრობის განკარგულებისა და საქართველოს კანონმდებლობით დადგენილ სხვა შემთხვევებში.“.

25. 27² მუხლის პირველი პუნქტი ჩამოყალიბდეს შემდეგი რედაქციით;

„1. სახელმწიფო ტყის ფონდით სპეციალური დანიშნულებით სარ­გებ­ლობის უფლების მინიჭებისა და ამ ტერიტორიაზე სპეციალური ჭრების განხორციელების თაობაზე გადაწყვეტილებას მარტივი ადმი­ნისტრაციული წარმოების წესით სახელმწიფო ტყის ფონდის ტერიტო­რიაზე (მათ შორის, დაცულ ტერიტორიებზე, იქ სადაც დაშვებულია სა­ხე­ლმწიფო ტყის ფონდით სპეციალური მიზნით სარგებლობა) იღებს სამი­ნისტრო, გარდა საქართველოს ტყის კოდექსის 68-ე მუხლის მე-5 ნაწი­ლი­თა და 69-ე მუხლის მე-3 ნაწილით გათვალისწინებული შემთხვევებისა.“.

26. 27³ მუხლის  პირველი, მე-2 და მე-3 პუნქტები ჩამოყალიბდეს შემდეგი რედაქციით:

„1.სპეციალური დანიშნულებით ტყითსარგებლობით დაინტერესე­ბუ­ლი პირი განცხადებით მიმართავს სამინისტროს.

2. დაინტერესებული პირის განცხადება (თანდართული დოკუმენ­ტებით) ამ წესის 27¹ მუხლის „ა“, „დ“, „ე“, „ვ“ და „ზ“ ქვეპუნქტებით გათვა­ლისწინებულ შემთხვევაში შესათანხმებლად ეგზავნება საქართვე­ლოს კულტურისა და ძეგლთა დაცვის სამინისტროს, ხოლო საჭიროების შემთხვევაში საკითხი შესაძლებელია შეთანხმდეს სხვა დაინტერესებულ უწყებებთანაც.

3. ამ მუხლის მე-2 პუნქტით გათვალისწინებულ დაინტერესებულ უწყებებთან საკითხის შეთანხმებისა და შესაბამისი მართვის ორგანოს დასკვნის საფუძველზე სამინისტრო იწყებს გადაწყვეტილების მიღების პროცედურას, ხოლო ამ წესის 27² მუხლის მე-2 პუნქტით გათვალის­წინებულ შემთხვევაში საკითხს წარუდგენს საქართველოს მთავრობას.“.

27. 27⁴ მუხლის პირველი პუნქტი ჩამოყალიბდეს შემდეგი რედაქციით:

1. ამ წე­სის 271 მუხ­ლის „ა“, „დ“, „ე“, „ვ“ და „ზ“ ქვე­პუნ­ქტე­ბით გათ­ვა­ლის­წი­ნე­ბულ შემთხვე­ვა­ში და­ინ­ტე­რე­სე­ბუ­ლი პი­რის გან­ცხა­დე­ბა­ში უნ­და აღ­ინ­იშ­ნოს სა­ხელ­მწი­ფო ტყის ფონდით სპე­ცი­ალ­უ­რი და­ნიშ­ნუ­ლე­ბით სარ­გებ­ლო­ბის აუც­ილ­ებ­ლო­ბის მო­ტი­ვა­ცია, მი­ზა­ნი და ვა­დე­ბი. გან­ცხა­დე­ბას თან უნ­და და­ერ­თოს (მათ შორის ელექტრონული ფორმით):

ა) კერ­ძო სა­მარ­თლის იურ­იდ­ი­უ­ლი პი­რი­სა და ინ­დი­ვი­დუ­ალ­უ­რი მე­წარ­მი­სათ­ვის – მეწარ­მე­თა და არ­ას­ამ­ეწ­არ­მეო (არ­აკ­ომ­ერ­ცი­უ­ლი) იურ­იდ­ი­უ­ლი პი­რე­ბის რე­ეს­ტრი­დან ამ­ონ­აწ­ერი, ხო­ლო ფი­ზი­კუ­რი პი­რი­სათ­ვის – სა­ქარ­თვე­ლოს მო­ქა­ლა­ქის პი­რა­დო­ბის და­მა­დას­ტუ­რე­ბე­ლი მოწ­მო­ბის ან პას­პორ­ტის ას­ლი; სა­ჯა­რო სა­მარ­თლის იურ­იდ­ი­უ­ლი პი­რი­სათ­ვის – სა­დამ­ფუძნებლო დო­კუ­მენ­ტე­ბის ას­ლი;

ბ) სახელმწიფო ტყის ფონდით სპეციალური დანიშნულებით სარგებ­ლობისათვის შერჩეული ფართობის დაზუსტებული აზომვითი ნახაზი UTM კოორდინატთა სისტემაში, რომელიც დამოწმებული უნდა იყოს აზომვითი ნახაზის შემსრულებელი პირის მიერ, ამასთან, წარმოდგენილ უნდა იქნეს დაზუსტებული აზომვითი ნახაზის Shp-ფაილი ელექ­ტრონული ვერსია UTM კოორდინატთა სისტემაში;

გ) ხე-ტყის მოჭ­რის აუც­ილ­ებ­ლო­ბის და­სა­ბუ­თე­ბა;

დ) ინ­ფორ­მა­ცია სა­ხელ­მწი­ფო ტყის ფონ­დით სპე­ცი­ალ­უ­რი და­ნიშ­ნუ­ლე­ბით სარ­გებ­ლობისათ­ვის შერ­ჩე­ულ ფარ­თობ­ზე წი­თე­ლი ნუს­ხით და­ცულ მერ­ქნი­ან მცე­ნა­რე­თა სა­ხე­ობ­ებ­ის არსე­ბო­ბის შე­სა­ხებ.“.

28. 27⁴ მუხლს დაემატოს მე-5 პუნქტი შემდეგი რედაქციით:

„5. ჰიდროკვანძების, მილსადენების, გზების, კავშირგაბმულობის (გარ­და სახელმწიფო სამეურნეო ტყის ფონდში კავშირგაბმულობის საკო­მუ­ნი­კაციო ნაგებობის განთავსებისა), ელექტროგადამცემი კომუნიკა­ცი­ების, არხების ფუნქციონირებისათვის, მშენებლობისათვის, რეკონსტ­რუ­ქ­ციისათვის (რეაბილიტაციისათვის) ან დემონტაჟისათვის ან ამისათვის საჭირო საპროექტო ან/და საინჟინრო-გეოლოგიური სამუშაოებისათვის, წიაღის შესწავლისა და/ან მოპოვებისათვის, ნავთობისა და გაზის ოპერა­ციების ჩასატარებლად, სახელმწიფო ან/და საზოგადოებრივი მნიშვნე­ლობის ინფრასტრუქტურული პროექტების განხორციელებისათვის  სახე­ლ­მწიფო ტყის ფონდით სპეციალური დანიშნულებით  სარგებლო­ბაში გადაცემის შესახებ მინისტრის ბრძანებაში ან/და  საქართველოს მთა­ვ­რობის განკარგულებაში მიეთითება მართვის ორგანოსთან შეთანხმე­ბული, ტყითსარგებლობაში გადაცემული ფართის ტოლფასი ფართობი (ფართობები), ტყითსარგებლობასთან და რეკრეაციულ/საკონსერვაციო დანიშნულებისათვის საკომპენსაციო ღონისძიებების სახე, ამ ღონისძიე­ბების განხორციელების ვადები და ადგილმდებარეობა.“.

29. 27⁵ მუხლის  პირველი პუნქტი ჩამოყალიბდეს შემდეგი რე­დაქციით:

„1. ამ წესის 27⁴ მუხლით გათვალისწინებული დოკუმენტაციის სა­ფუძველზე გადაწყვეტილებას იღებს სამინისტრო ან საქართველოს მთავ­რობა, რის შესახებაც გამოიცემა შესაბამისი ინდივიდუალური ადმინის­ტ­რაციულ-სამართლებრივი აქტი.“.

30. თავი VI ამოღებულ იქნეს.

31. დანართი №4 ჩამოყალიბდეს შემდეგი რედაქციით:

„დანართი №4

სააგენტოს მიერ გაწეული მომსახურების საფასური

1. 2013 წლის 3 დეკემბრამდე გაცემული ხე-ტყის დამზადების ბი­ლეთები ინარჩუნებენ ძალას 2014 წლის 1 მარტამდე.

2. დადგენილება, გარდა ამავე დადგენილების პირველი მუხლის მე-14 პუნქტით გათვალისწინებული ძირითადი დადგენილების მე-8 მუხ­ლის 24-ე პუნქტისა, ამოქმედდეს 2013 წლის 3 დეკემბრიდან.

3. დადგენილების პირველი მუხლის მე-14 პუნქტით გათვალის­წი­ნებული ძირითადი დადგენილების მე-8 მუხლის 24-ე პუნქტი ამოქ­მედ­დეს გამოქვეყნებისთანავე.

4. დადგენილების პირველი მუხლის 28-ე პუნქტი არ გავრცელდეს ამ დადგენილების ძალაში შესვლამდე დაწყებულ სახელმწიფო ტყის ფონ­დით სპეციალური დანიშნულებით სარგებლობის უფლების მინიჭება­ს­თან დაკავშირებულ ადმინისტრაციულ წარმოებებზე. 

5. ამ მუხლის მე-4 პუნქტით გათვალისწინებულ შემთხვევებში, სა­ხელმწიფო ტყის ფონდით სპეციალური დანიშნულებით სარგებლობის უფ­ლების მინიჭებით დაინტერესებული პირი ვალდებულია, ტყის ფონ­დის შესაბამის მართვის ორგანოს შესათანხმებლად წარუდგინოს სპე­ციალური ტყითსარგებლობის შედეგად ბიომრავალფეროვნებისათვის მი­ყე­ნებული ზემოქმედების საკომპენსაციო ქმედებების პაკეტი.