დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „საქართველოს გარემოს დაცვისა და ბუნებრივი რესურსების სამინისტროს სახელმწიფო საქვეუწყებო დაწესებულების – სატყეო დეპარტამენტის მიერ გრძელვადიანი ტყითსარგებლობის პერსპექტიულ სალიცენზიო 10 ობიექტზე საექსპლუატაციო ტყის ფონდის დადგენის სამუშაოების სახელმწიფო შესყიდვის ერთ პირთან მოლაპარაკების საშუალებით განხორციელების თაობაზე” საქართველოს მთავრობის 2009 წლის 12 მაისის №355 განკარგულებაში ცვლილების შეტანის შესახებ | |
|---|---|
| დოკუმენტის ნომერი | 434 |
| დოკუმენტის მიმღები | საქართველოს მთავრობა |
| მიღების თარიღი | 16/06/2009 |
| დოკუმენტის ტიპი | საქართველოს მთავრობის განკარგულება |
| გამოქვეყნების წყარო, თარიღი | გამოუქვეყნებელი, 0, 16/06/2009 |
| სარეგისტრაციო კოდი | 000000000.00(0).000.000000 |
საქართველოს მთავრობის
განკარგულება №434
2009 წლის 16 ივნისი
ქ. თბილისი
„საქართველოს გარემოს დაცვისა და ბუნებრივი რესურსების სამინისტროს სახელმწიფო საქვეუწყებო დაწესებულების – სატყეო დეპარტამენტის მიერ გრძელვადიანი ტყითსარგებლობის პერსპექტიულ სალიცენზიო 10 ობიექტზე საექსპლუატაციო ტყის ფონდის დადგენის სამუშაოების სახელმწიფო შესყიდვის ერთ პირთან მოლაპარაკების საშუალებით განხორციელების თაობაზე” საქართველოს მთავრობის 2009 წლის 12 მაისის №355 განკარგულებაში ცვლილების შეტანის შესახებ
საქართველოს „ზოგადი ადმინისტრაციული კოდექსის” 63-ე მუხლის შესაბამისად „საქართველოს გარემოს დაცვისა და ბუნებრივი რესურსების სამინისტროს სახელმწიფო საქვეუწყებო დაწესებულების – სატყეო დეპარტამენტის მიერ გრძელვადიანი ტყითსარგებლობის პერსპექტიულ სალიცენზიო 10 ობიექტზე საექსპლუატაციო ტყის ფონდის დადგენის სამუშაოების სახელმწიფო შესყიდვის ერთ პირთან მოლაპარაკების საშუალებით განხორციელების თაობაზე” საქართველოს მთავრობის 2009 წლის 12 მაისის № 355 განკარგულებაში შეტანილ იქნეს ცვლილება და ჩამოყალიბდეს ახალი რედაქციით:
,,სახელმწიფო შესყიდვების შესახებ“ საქართველოს კანონის მე-10 მუხლის მე-3 პუნქტის ,,ე“ ქვეპუნქტის შესაბამისად საქართველოს გარემოს დაცვისა და ბუნებრივი რესურსების სამინისტროს სახელმწიფო საქვეუწყებო დაწესებულებამ – სატყეო დეპარტამენტმა სახელმწიფო სამეურნეო ტყის ფონდში არსებულ პერსპექტიულ სალიცენზიო 10 ობიექტზე გრძელვადიანი ტყითსარგებლობის საექსპლუატაციო ტყის ფონდის (ახმეტის, თელავის, თიანეთის, ადიგენის, საჩხერის, ხაშურის, ქარელის, გორისა და დუშეთის სატყეო უბნების მართვას დაქვემდებარებულ სახელმწიფო სამეურნეო ტყის ფონდში არსებულ პერსპექტიულ სალიცენზიო ობიექტებზე (საერთო ფართობი 20625 ჰა)) შეზღუდულ ვადებში დადგენის მიზნით ტყის აღრიცხვის სამუშაოების სახელმწიფო შესყიდვა განახორციელოს ერთ პირთან მოლაპარაკების საშუალებით ,,საქართველოს 2009 წლის სახელმწიფო ბიუჯეტის შესახებ“ საქართველოს კანონით სატყეო დეპარტამენტისათვის (ორგანიზაციული კოდი 38 06 03) განსაზღვრულ ასიგნებათა ფარგლებში.“ .
პრემიერ-მინისტრი ნიკა გილაური
დოკუმენტის კომენტარები