რუსეთის ფედერაციის აგრესიის შედეგად დაზარალებული მოსახლეობის ელექტროენერგიითა და ბუნებრივი აირით უზრუნველყოფისათვის საჭირო სამშენებლო-სამონტაჟო სამუშაოების შესრულების ღონისძიებათა შესახებ

საქართველოს მთავრობის

განკარგულება №426

2009 წლის 10 ივნისი

ქ. თბილისი

რუსეთის ფედერაციის აგრესიის შედეგად დაზარალებული მოსახლეობის ელექტროენერგიითა და ბუნებრივი აირით უზრუნველყოფისათვის საჭირო სამშენებლო- სამონტაჟო სამუშაოების შესრულების ღონისძიებათა შესახებ

რუსეთის ფედერაციის აგრესიის შედეგად და­ზა­რა­ლე­ბუ­ლი მოსახლეობის ელექტროენერგიითა და ბუნებ­რი­ვი აირით უზ­­რუნველყოფის მიზნით აშენებული ობიექტების განსაკუთ­რებული და სოციალურ-ეკონომიკური მნიშვნელო­ბი­დან გამომდინარე, „მშენებლობის ნებართვის გაცემის წესისა და სა­ნე­ბართვო პირობების შესახებ” საქართველოს მთავრობის 2009 წლის 24 მარტის № 57 დადგენილების 39-ე მუხლის მე-5 პუ­ნქ­ტის საფუძველზე გაიცეს მშენებლობის ნებართვა გამარ­ტი­­ვე­ბუ­ლი წესით კანონმდებლობის შესაბამისად:

ა) სს „ენერგო-პრო ჯორჯიას” მიერ განხორციელებული:

ა.ა) სო­ფელ საქაშეთამდე ელექტროენერგიის მიწოდე­ბი­სათვის 10 კვ ძაბვის 2 590 მ სიგრძის ელექტრო­გადამ­ცე­მი ხა­ზის მშე­ნებლობისათვის;

ა.ბ) სოფლების: ქვემო სობისის, ზემო სობისისა და ბერ­შუეთის ელექტროენერგიით მომარაგებისათვის 10 კვ ძაბვის 3,2 კმ სიგრ­ძის ელექტროგადამცემი ხაზის მშენებლობისათ­ვის;

ა.გ) ქარელის, გორის, კასპის, მცხეთის, ხაშურის, მარ­ნეუ­ლი­სა და თეთრიწყაროს მუნიციპალიტეტებში ჩასახლე­ბუ­ლი დე­ვ­ნილების ელექტ­რო­­ენერგიით უზრუნველყოფის მიზ­ნით ელე­ქ­­ტ­რო­­ენერგიის გა­მანაწილებელი ქსელის მშენებ­ლო­ბისა­თვის;

ბ) შპს „ნიუ ენერჯის” მიერ წეროვანში, წილკანში, ფრე­ზეთში, მცხეთაში, საგურამოში, ბაზალეთში, ქარელში, სუ­რამ­სა და ხაშურში ჩასახლებული დევნილების ბუნებრივი აირით უზრუნველსაყოფად გან­ხორციელებული მშენებლო­ბი­სა­თვის.

პრემიერ-მინისტრი      ნიკა გილაური