,,საქართველოს თავდაცვის სამინისტროს უწყებრივი მედლების დამტკიცების შესახებ’’ საქართველოს თავდაცვის მინისტრის 2008 წლის 16 აპრილის №223 ბრძანებაში ცვლილების შეტანის თაობაზე

1. ბრძანების პირველ პუნქტს დაემატოს ,,ი¹” ქვეპუნქტი შემდეგი რედაქციით:

,,ი¹) მედალი ,,ავღანეთში უსაფრთხოების  ხელშეწყობის საერთაშორისო ძალების შემადგენლობაში (ISAF)  სამშვიდობო მისიაში მონაწილეობისათვის’’ (დანართი №9¹);”.

2. ბრძანებას დაემატოს დანართი №9¹, თანდართული რედაქციით.

მედლით დაჯილდოების წესი

1. მედ­ლით ,,ავღანეთში უსაფრთხოების  ხელშეწყობის საერთაშორისო ძალების შემადგენლობაში (ISAF) სამშვიდობო მისიაში მონაწილეობისათვის’’ აჯილ­დო­ე­ბენ საქართვე­ლოს თავდაცვის სამინისტროს სისტემის სამ­ხედ­რო მო­სამ­სა­ხუ­რე­ებს ავღანეთში უსაფრთხოების ხელშეწყობის საერთაშორისო ძალების შემადგენლობაში (ISAF)  სამშვიდობო მისიაში ღირსეულად მონაწილეობისათვის.       

2. მასალა _ ლითონი ოქროს შეფერილობით.

 3. მედ­ლის ზო­გა­დი აღ­წე­რი­ლო­ბა:

 ა) ავერსი – ცენტრში გამოსახულია ჩრდილოატლანტიკური ხელშეკრულების ორგანიზაციის ემბლემა, ირგვლივ გამოსახულია მუხის ფოთლების გვირგვინი, რომლის ცენტრში, მედალიონის ქვემოთ  არის წარწერა ინგლისურ ენაზე ,,ISAF’’, ზედა მხარეს კი წარწერა ქართულ ენაზე ,,ძალა ერთობაშია’’.

ბ) რევერსი _ მედალიონის უკანა მხარეს, ცენტრში გამოსახულია ქართული წარწერა ,,ავღანეთში ღირსეული სამსახურისათვის’’. მედალიონის ქვემოთ ამოტვიფრულია ავღანეთის ტერიტორიის, ხოლო ზედა მხარეს - საქართველოს ტერიტორიის კონტურები. ამასთან, რევერსზე არის წარწერა ქართულ ენაზე ,,საერთაშორისო უსაფრთხოების მხარდამჭრი ძალები’’, რომელიც დაგვირგვინებულია შვიდქიმიანი ვარსკვლავით.

  4. მედლის ლენტი:  

  ა) ავერსი – ესკიზის შესაბამისად.

  ბ) რევერსი _ მეტალის ფირფიტა ამოტვიფრული ხუთნიშნა მედლის ნომრით.

 5. მედ­ლით ,,ავღანეთში უსაფრთხოების  ხელშეწყობის საერთაშორისო ძალების შემადგენლობაში (ISAF)  სამშვიდობო მისიაში მონაწილეობისათვის’’ სამ­ხედ­რო მოსამსახუ­რე­ებს აჯილ­დო­ებს სა­ქარ­თვე­ლოს თავ­დაც­ვის მი­ნის­ტრი.

 6. სა­ქარ­თვე­ლოს თავ­დაც­ვის მი­ნის­ტრის გადაწყვეტილებით მედ­ლით ,,ავღანეთში უსაფრთხოების  ხელშეწყობის საერთაშორისო ძალების შემადგენლობაში (ISAF)  სამშვიდობო მისიაში მონაწილეობისათვის’’ შესაძლებელია დაჯილდოვდნენ აგრეთვე უცხო ქვეყნის მოქალაქეები (სამხედრო მოსამსახურეები და სამოქალაქო პირები) საქართველოს სამხედრო მოსამსახურეებთან ერთად ავღანეთში უსაფრთხოების  ხელშეწყობის საერთაშორისო ძალების შემადგენლობაში (ISAF)  სამშვიდობო მისიაში ღირსეულად მონაწილეობისათვის.