„ხაშურის მუნიციპალიტეტის გამგეობის მოხელეთა დამატებითი საკვალიფიკაციო მოთხოვნების დამტკიცების შესახებ“ ხაშურის მუნიციპალიტეტის საკრებულოს 2013 წლის 7 ივნისის №43 დადგენილებაში ცვლილების შეტანის თაობაზე

   ა) დადგენილების პირველ მუხლის პირველი პუნქტი ჩამოყალიბდეს შემდეგი  რედაქციით:

,,1. დამტკიცდეს ხაშურის მუნიციპალიტეტის გამგეობის მოხელეთა შემდეგი დამატებითი საკვალიფიკაციო მოთხოვნები, გარდა ამ მუხლის მე-2, მე-3 და მე-5 პუნქტებით გათვალისწინებულ მოხელეთათვის:

ა) უმაღლესი განათლება;

ბ) საოფისე პროგრამების ცოდნა და ინტერნეტის მოხმარების უნარი;

გ) ამ დადგენილების №1 დანართში მითითებული საკანონმდებლო და ნორმატიული აქტების ცოდნა.“;

    ბ) დადგენილების პირველ მუხლს დაემატოს შემდეგი შინაარსის მე-5 პუნქტი:

      ,,5. დამტკიცდეს ხაშურის მუნიციპალიტეტის გამგეობის სახანძრო-სამაშველო  სამსახურის მთავარი სპეციალისტებისთვის, წამყვანი სპეციალისტებისთვის, უფროსი სპეციალისტებისთვის და სპეციალისტებისთვის  შემდეგი დამატებითი საკვალიფიკაციო მოთხოვნები:

ა) საშუალო განათლება;

ბ) სამუშაო გამოცდილება 2 წელი;

გ) ავტომობილის მართვის მოწმობა (მძღოლებისათვის B,C კატეგორია);

დ) გამოსაცდელი  ვადა  6 თვე.“.