„თიღვის მუნიციპალიტეტის სოციალური დახმარების პროგრამის დამტკიცების შესახებ“ თიღვის მუნიციპალიტეტის საკრებულოს 2012 წლის 28 დეკემბრის N16 დადგენილებაში ცვლილების შეტანის თაობაზე

ა) დადგენილებას დაემატოს მე-3 მუხლის მე-4 პუნქტი:

,,4.  ამ დადგენილების მე-5 დანართით დამტკიცებული „კომპაქტურ დასახლებაში მცხოვრები 1-დან 16 წლამდე დევნილთა ბავშვების საახალწლო დახმარების პროგრამის“ ფარგლებში განხორციელებული ღონისძიებები წარმოადგენს სოციალურ დახმარებას მატერიალური ფორმით, პროგრამის ფარგლებში მუნიციპალიტეტის გამგეობა უზრუნველყოფს შესაბამისი საჩუქრების შესყიდვას, დასახლებებამდე ტრანსპორტირებას და ბავშვებზე განაწილებას;“.

ბ) დადგენილებას დაემატოს შემდეგი შინაარსის №5 დანართი:

,,დანართი №5

კომპაქტურ დასახლებაში მცხოვრები 1-დან 16 წლამდე დევნილთა ბავშვების საახალწლო დახმარების პროგრამა

(ორგანიზაციული კოდი 90 6 01 12)

მუხლი 1. პროგრამის მიზანი

კომპაქტურ დასახლებებში მცხოვრებ 1-დან 16 წლამდე დევნილთა ბავშვების საახალწლო დახმარების უზრუნველყოფა.

მუხლი 2. პროგრამის ფარგლებში განსახორციელებელი ღონისძიებები

1. თიღვის მუნიციპალიტეტის გამგეობას დაევალოს:

ა) 2013 წლის 25 ნოემბრამდე შექმნას კომისია, რომელიც განსაზღვრავს თითოეული ბავშვისათვის გადასაცემი საჩუქრის მოცულობას (გადასაცემი საჩუქრის მოცულობა ყველა ოჯახისათვის განისაზღვროს თანაბარი ოდენობით);

ბ) 2014 წლის 1 იანვრამდე უზრუნველყოფილ იქნეს ბავშვებისათვის საჩუქრების მიწოდება.

მუხლი 3. პროგრამის ბიუჯეტი

პროგრამის ბიუჯეტი განისაზღვრება 4.0 ათასი ლარის ოდენობით.”.