დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | საქართველოს ეროვნული ანტიკორუფციული სტრატეგიის განხორციელების სამოქმედო გეგმის შესახებ | |
|---|---|
| დოკუმენტის ნომერი | 286 |
| დოკუმენტის მიმღები | საქართველოს მთავრობა |
| მიღების თარიღი | 07/07/2005 |
| დოკუმენტის ტიპი | საქართველოს მთავრობის განკარგულება |
| გამოქვეყნების წყარო, თარიღი | საქართველოს მთავრობის განკარგულებების კრებული, 7, 07/07/2005 |
| სარეგისტრაციო კოდი | 000000000.00(0).000.000000 |
საქართველოს მთავრობის
განკარგულება №286
2005 წლის 7 ივლისი
ქ. თბილისი
საქართველოს ეროვნული ანტიკორუფციული სტრატეგიის განხორციელების სამოქმედო გეგმის შესახებ
მმართველობის ეფექტიანი სისტემის ჩამოყალიბების, კორუფციაზე სამართლებრივი და საზოგადოებრივი რეაგირების გააქტიურებისა და კორუფციის პრევენციის მიზნით „საქართველოს ეროვნული ანტიკორუფციული სტრატეგიის დამტკიცების შესახებ“ საქართველოს პრეზიდენტის 2005 წლის 24 ივნისის №550 ბრძანებულების მე-2 პუნქტის შესასრულებლად:
1. საქართველოს იუსტიციის სამინისტრომ (კ. კემულარია):
ა) კოორდინაცია გაუწიოს საქართველოს ეროვნული ანტიკორუფციული სტრატეგიის განხორციელების სამოქმედო გეგმის შემუშავებას;
ბ) 2005 წლის 25 აგვისტომდე საქართველოს მთავრობის სხდომაზე განსახილველად წარმოადგინოს საქართველოს ეროვნული ანტიკორუფციული სტრატეგიის განხორციელების სამოქმედო გეგმის შეჯერებული ვარიანტი.
2. საქართველოს სამინისტროებმა, სახელმწიფო მინისტრების აპარატებმა თავიანთი კომპეტენციის ფარგლებში შეიმუშაონ რეკომენდაციები და წინადადებები საქართველოს ეროვნული ანტიკორუფციული სტრატეგიის განხორციელების სამოქმედო გეგმის შესახებ და 2005 წლის 10 აგვისტომდე წარუდგინონ საქართველოს იუსტიციის სამინისტროს.
3. განკარგულება ძალაშია ხელმოწერის დღიდან.
პრემიერ-მინისტრი ზ. ნოღაიდელი
დოკუმენტის კომენტარები