დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | სომხეთის ატომური ელექტროსადგურის საჭიროებისათვის ბირთვული საწვავის ტრანსპორტირების უსაფრთხოების საკითხთა შემსწავლელი სამთავრობო კომისიის შესახებ | |
|---|---|
| დოკუმენტის ნომერი | 233 |
| დოკუმენტის მიმღები | საქართველოს მთავრობა |
| მიღების თარიღი | 09/06/2005 |
| დოკუმენტის ტიპი | საქართველოს მთავრობის განკარგულება |
| გამოქვეყნების წყარო, თარიღი | საქართველოს მთავრობის განკარგულებების კრებული, 6, 09/06/2005 |
| სარეგისტრაციო კოდი | 000000000.00(0).000.000000 |
საქართველოს მთავრობის
განკარგულება №233
2005 წლის 9 ივნისი
ქ. თბილისი
სომხეთის ატომური ელექტროსადგურის საჭიროებისათვის ბირთვული საწვავის ტრანსპორტირების უსაფრთხოების საკითხთა შემსწავლელი სამთავრობო კომისიის შესახებ
სომხეთის ატომური ელექტროსადგურის საჭიროებისათვის ბირთვული საწვავის ტრანსპორტირების უსაფრთხოების საკითხთა შესწავლის მიზნით:
1. შეიქმნას სამთავრობო კომისია შემდეგი შემადგენლობით:
გიორგი პაპუაშვილი - საქართველოს გარემოს დაცვისა და ბუნებრივი რესურსების მინისტრი, კომისიის თავმჯდომარე
გიორგი დოლიძე - საქართველოს საგარეო საქმეთა სამინისტროს უსაფრთხოების პოლიტიკის და ევროატლანტიკური ინტეგრაციის დეპარტამენტის ახალი საფრთხეებისა და შეიარაღების კონტროლის სამმართველოს უფროსი
სერგო კაკუშაძე - საქართველოს გარემოს დაცვისა და ბუნებრივი რესურსების სამინისტროს ბირთვული და რადიაციული უსაფრთხოების სამსახურის უფროსი
თეიმურაზ ლობილაძე - საქართველოს ეროვნული უშიშროების საბჭოს აპარატის თავდაცვის განვითარების დეპარტამენტის სამხედრო-ტექნიკურ საკითხთა განყოფილების მთავარი მრჩეველი
ლერი მესხი -საქართველოს გარემოს დაცვისა და ბუნებრივი რესურსების სამინისტროს ბირთვული და რადიაციული უსაფრთხოების სამსახურის განყოფილების უფროსი
დავით ნადარეიშვილი - საქართველოს ეკოლოგიურ მეცნიერებათა აკადემიის სწავლული მდივანი, ბიოლოგიის მეცნიერებათა კანდიდატი
ლერი ქურდაძე - თბილისის ივანე ჯავახიშვილის სახელობის სახელმწიფო უნივერსიტეტის ფიზიკის ფაკულტეტის ბირთვული ფიზიკის კათედრის გამგე
ზაურ ჩანქსელიანი - საქართველოს სოფლის მეურნეობის მეცნიერებათა აკადემიის აგრარული რადიოლოგიისა და ეკოლოგიის სამეცნიერო-კვლევითი ინსტიტუტის დირექტორი, პროფესორი
მარატ ციცქიშვილი - საქართველოს მეცნიერებათა აკადემიის პროფესორი
ზვიად ხარებავა - საქართველოს ეკონომიკური განვითარების სამინისტროს ეკონომიკური პოლიტიკის დეპარტამენტის უფროსი
ლევან ჯღარკავა - საქართველოს ფინანსთა სამინისტროს სახელმწიფო საქვეუწყებო დაწესებულების – საბაჟო დეპარტამენტის კონტროლის ორგანიზაციის სამმართველოს უფროსი.
2. კომისიამ დაადგინოს, თუ რა ხიფათის შემცველია სომხეთის ატომური ელექტროსადგურის საჭიროებისათვის ბირთვული საწვავის ტრანსპორტირება საქართველოს ტერიტორიის გავლით, აგრეთვე ადგილზე შეისწავლოს სომხეთის ატომური ელექტროსადგურის მიერ ბირთვული საწვავის მოხმარების შედეგად მიღებული რადიოაქტიური ნარჩენების შენახვა-ტრანსპორტირების საკითხი და ამ ელექტროსადგურის შესაძლო დახურვის მიზეზები.
3. კომისიამ ერთ თვეში წარმოადგინოს ინფორმაცია გაწეული მუშაობის შესახებ და წინადადებები საქართველოს მხარის მიერ განსახორციელებელ ღონისძიებათა თაობაზე.
4. განკარგულება ძალაშია ხელმოწერის დღიდან.
პრემიერ-მინისტრი ზ. ნოღაიდელი
დოკუმენტის კომენტარები