დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | სენაკი-ფოთი-სარფის საავტომობილო გზის ბობოყვათი-ჩაქვისა და მახინჯაური-ბათუმის მონაკვეთების რეაბილიტაციის შესახებ | |
|---|---|
| დოკუმენტის ნომერი | 193 |
| დოკუმენტის მიმღები | საქართველოს მთავრობა |
| მიღების თარიღი | 20/05/2005 |
| დოკუმენტის ტიპი | საქართველოს მთავრობის განკარგულება |
| გამოქვეყნების წყარო, თარიღი | საქართველოს მთავრობის განკარგულებების კრებული, 5, 20/05/2005 |
| სარეგისტრაციო კოდი | 000000000.00(0).000.000000 |
საქართველოს მთავრობის
განკარგულება №193
2005 წლის 20 მაისი
ქ. თბილისი
სენაკი-ფოთი-სარფის საავტომობილო გზის ბობოყვათი-ჩაქვისა და მახინჯაური-ბათუმის მონაკვეთების რეაბილიტაციის შესახებ
სენაკი-ფოთი-სარფის საავტომობილო გზაზე ბოლო 15-18 წლის მანძილზე არ შესრულებულა სარეაბილიტაციო სამუშაოები, რამაც განსაკუთრებით გაართულა მდგომარეობა ბობოყვათი-ჩაქვის 9,5 კილომეტრიან და მახინჯაური-ბათუმის სამ კილომეტრიან მონაკვეთებზე; მათი რთული რელიეფური, გეოლოგიური პირობებისა და მძიმეწონიანი ავტოტრანსპორტის ინტენსიური მოძრაობის გამო მიწის ვაკისი და სავალი ნაწილი დეფორმირებულია, განვლადობა გართულებულია. საკურორტო სეზონის პერიოდში მოსალოდნელია ავტოტრანსპორტის მოძრაობის პარალიზება.
შექმნილი ფორსმაჟორული სიტუაციიდან გამომდინარე:
1. საქართველოს ფინანსთა სამინისტრომ (ვ. ჩეჩელაშვილი) სენაკი-ფოთი-სარფის საავტომობილო გზის ბობოყვათი-ჩაქვისა და მახინჯაური-ბათუმის მონაკვეთების რეაბილიტაციის სამუშაოების დაფინანსების მიზნით, სასწრაფოდ უზრუნველყოს საქართველოს 2005 წლის სახელმწიფო ბიუჯეტის კანონში ცვლილებების პროექტის წარმოდგენა აღნიშნული სამუშაოებისათვის 4,2 მლნ ლარის გათვალისწინებით.
2. საქართველოს ეკონომიკური განვითარების სამინისტროს სახელმწიფო საქვეუწყებო დაწესებულებამ – საავტომობილო გზების დეპარტამენტმა (რ. დალაქიშვილი) უზრუნველყოს სენაკი-ფოთი-სარფის საავტომობილო გზის ბობოყვათი-ჩაქვისა და მახინჯაური-ბათუმის მონაკვეთებზე სარეაბილიტაციო სამუშაოების დაუყოვნებლივ დაწყება და განახორციელოს შესაბამისი ღონისძიებები მათი დროულად დამთავრებისათვის.
პრემიერ-მინისტრი ზ. ნოღაიდელი
დოკუმენტის კომენტარები