საქართველოს ფინანსთა სამინისტროსა და ირანის ისლამური რესპუბლიკის ეკონომიკურ საქმეთა და ფინანსთა სამინისტროს შორის 2002 წლის 14 დეკემბერს გაფორმებულ შეთანხმებაში დამატების შეტანის თაობაზე

საქართველოს მთავრობის

განკარგულება №188

2005 წლის 19 მაისი

ქ. თბილისი

საქართველოს ფინანსთა სამინისტროსა და ირანის ისლამური რესპუბლიკის ეკონომიკურ საქმეთა და ფინანსთა სამინისტროს შორის 2002 წლის 14 დეკემბერს გაფორმებულ შეთანხმებაში დამატების შეტანის თაობაზე

1. ცნობად იქნეს მიღებული საქართველოს ფინანსთა სამინისტროს ინფორმაცია საქართველოს ფინანსთა სამინისტროსა და ირანის ისლამური რესპუბლიკის ეკონომიკურ საქმეთა და ფინანსთა სამინისტროს (რომელიც წარმოადგენს ირანის გაზის ეროვნულ კორპორაციას – იგეკ) შორის 2002 წლის 14 დეკემბერს გაფორმებული ირანის ისლამური რესპუბლიკისადმი საქართველოს ვალის რესტრუქტურირების შესახებ შეთანხმებაში დამატების შეტანის თაობაზე.

2. ,,სახელმწიფო საგარეო კრედიტის აღებასთან ან კრედიტისათვის სახელმწიფო გარანტიის გაცემასთან დაკავშირებით ხელშეკრულებების (გარდა საერთაშორისო ხელშეკრულებებისა) დადებისა და საქართველოს პარლამენტში რატიფიკაციისათვის წარდგენის წესის დამტკიცების შესახებ“ საქართველოს პრეზიდენტის 2005 წლის 11 მარტის № 135 ბრძანებულების თანახმად საქართველოს ფინანსთა სამინისტროსა და ირანის ისლამური რესპუბლიკის ეკონომიკურ საქმეთა და ფინანსთა სამინისტროს (რომელიც წარმოადგენს ირანის გაზის ეროვნულ კორპორაციას – იგეკ) შორის 2002 წლის 14 დეკემბერს გაფორმებული ირანის ისლამური რესპუბლიკისადმი საქართველოს ვალის რესტრუქტურირების შესახებ შეთანხმებაში დამატების შეტანის თაობაზე ხელშეკრულება წარედგინოს საქართველოს პრეზიდენტს და ეთხოვოს მას, მიიღოს გადაწყვეტილება აღნიშნული ხელშეკრულების საქართველოს პარლამენტში სარატიფიკაციოდ წარდგენის შესახებ.

3. განკარგულება ძალაშია ხელმოწერის დღიდან.

პრემიერ-მინისტრი ზ. ნოღაიდელი