დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | საქართველოს პრეზიდენტის 2005 წლის 17 დეკემბრის №1057 ბრძანებულებით ლიკვიდირებული საქართველოს პოლიგრაფიისა და საგამომცემლო საქმის სამსახურის ლიკვიდაციის ღონისძიებათა დასაფინანსებლად თანხის გამოყოფის შესახებ | |
|---|---|
| დოკუმენტის ნომერი | 37 |
| დოკუმენტის მიმღები | საქართველოს მთავრობა |
| მიღების თარიღი | 02/02/2006 |
| დოკუმენტის ტიპი | საქართველოს მთავრობის განკარგულება |
| გამოქვეყნების წყარო, თარიღი | საქართველოს მთავრობის განკარგულებების კრებული, 2, 02/02/2006 |
| სარეგისტრაციო კოდი | 000000000.00.00.000000 |
ს აქართველოს მთ ავრობის
განკარგულება №37
2006 წლის 2 თებერვალი
ქ. თბილისი
საქართველოს პრეზიდენტის 2005 წლის 17 დეკემბრის №1057 ბრძანებულებით ლიკვიდირებული საქართველოს პოლიგრაფიისა და საგამომცემლო საქმის სამსახურის ლიკვიდაციის ღონისძიებათა დასაფინანსებლად თანხის გამოყოფის შესახებ
საქართველოს პრეზიდენტის 2005 წლის 17 დეკემბრის №1057 ბრძანებულებით ლიკვიდირებული საქართველოს პოლიგრაფიისა და საგამომცემლო საქმის სამსახურის ლიკვიდაციასთან დაკავშირებით:
1. საქართველოს ფინანსთა სამინისტრომ (ა. ალექსიშვილი):
ა) „საქართველოს 2006 წლის სახელმწიფო ბიუჯეტის შესახებ“ საქართველოს კანონით გათვალისწინებულ საქართველოს მთავრობის სარეზერვო ფონდიდან საქართველოს პოლიგრაფიისა და საგამომცემლო საქმის სამსახურის აპარატის ლიკვიდაციის ღონისძიებათა დასაფინანსებლად საქართველოს ფინანსთა სამინისტროს გამოუყოს 18 990 (თვრამეტი ათას ცხრაას ოთხმოცდაათი) ლარი, ხოლო მისი დაქვემდებარების სულხან-საბა ორბელიანის სახელობის წიგნის სახელმწიფო პალატის ლიკვიდაციის ღონისძიებათა დასაფინანსებლად საქართველოს პარლამენტის ეროვნულ ბიბლიოთეკას – 51 131 (ორმოცდათერთმეტი ათას ას ოცდათერთმეტი) ლარი;
ბ) „საქართველოს 2006 წლის სახელმწიფო ბიუჯეტის შესახებ“ საქართველოს კანონით წინა პერიოდის დავალიანებათა დასაფარავად გათვალისწინებული ასიგნებებიდან საქართველოს პოლიგრაფიისა და საგამომცემლო საქმის სამსახურის აპარატის კრედიტორული დავალიანების დასაფარავად საქართველოს ფინანსთა სამინისტროს გამოუყოს 39 230 (ოცდაცხრამეტი ათას ორას ოცდაათი) ლარი, ხოლო მისი დაქვემდებარების სულხან-საბა ორბელიანის სახელობის წიგნის სახელმწიფო პალატის კრედიტორულ დავალიანებათა დასაფარავად საქართველოს პარლამენტის ეროვნულ ბიბლიოთეკას – 35 925 (ოცდათხუთმეტი ათას ცხრაას ოცდახუთი) ლარი.
2. საქართველოს ეკონომიკური განვითარების სამინისტრომ (ი. ჩოგოვაძე) უზრუნველყოს სულხან-საბა ორბელიანის სახელობის წიგნის სახელმწიფო პალატის ბალანსზე რიცხული ქონების საქართველოს პარლამენტის ეროვნული ბიბლიოთეკისათვის გადაცემა.
პრემიერ-მინისტრი ზ. ნოღაიდელი
დოკუმენტის კომენტარები