„სამხედრო ვალდებულებისა და სამხედრო სამსახურის შესახებ“ და „სამხედრო სარეზერვო სამსახურის შესახებ“ საქართველოს კანონებში 2007 წლის 11 ივლისს განხორციელებული ცვლილებების ამოქმედების ღონისძიებათა შესახებ

საქართველოს მთავრობის

განკარგულება №485

2007  წლის  12 სექტემბერი

ქ. თბილისი

„ სამხედრო ვალდებულებისა და სამხედრო სამსახურის შესახებ“ და „ სამხედრო სარეზერვო სამსახურის შესახებ“ საქართველოს კანონებში 2007 წლის 11 ივლისს განხორციელებული ცვლილებების ამოქმედების ღონისძიებათა შესახებ

საქართველოს შეიარაღებული ძალების გაერთიანებული შტა­ბის ეროვნული გვარდიის დეპარტამენტის ავტონომიური რესპუბლიკების, ქალაქებისა და რაიონების სამობილიზაციო გან­ყოფილებათა გაუქმებისა და რეზერვისტთა აღრიცხვის, გა­წვევის, სამობილიზაციო და სხვა ფუნქციების ადგილობრივი თვითმმართველობის ორგანოების შესაბამისი სამსახურების კომ­პეტენციაში გადაცემასთან დაკავშირებით:

1. საქართველოს თავდაცვის სამინისტრომ (დ. კეზერაშვილი) ამ განკარგულების ამოქმედებიდან ერთ თვეში უზრუნველყოს:

ა) საქართველოს შეიარაღებული ძალების გაერთიანებული შტაბის ეროვნული გვარდიის დეპარტამენტის რეორგანიზაცია;

ბ) საქართველოს შეიარაღებული ძალების გაერთიანებული შტაბის ეროვნული გვარდიის დეპარტამენტის ავტონომიური რეს­პუბლიკების, ქალაქებისა და რაიონების სამობილიზაციო განყოფილებათა, რეზერვის ოფიცრების, რიგითი შემადგენ­ლობისა და აღრიცხვიანობის არსებული მოქმედი და საარქივო დოკუმენტაციის გადაცემა ადგილობრივი თვითმმართველობის ორგანოების შესაბამისი სამსახურებისათვის.

2. ეთხოვოთ ადგილობრივი თვითმმართველობის ორგანოებს 2007 წლის ოქტომბრამდე უზრუნველყონ თავიანთი შესაბამისი სამსახურის უფროსებისა და თანამშრომელთა თანამდე­ბობებზე დანიშვნა და 2007 წლის ბოლომდე საჭიროების შემ­თხვევაში ადგილობრივი ბიუჯეტიდან დამატებითი ხარჯების გამოყოფა.

3. საქართველოს თავდაცვის სამინისტრომ 2007 წლის ბოლომდე უზრუნველყოს ადგილობრივი თვითმმართველობის ორგანოების შესაბამისი სამსახურისათვის მეთოდოლოგიური და პრაქტიკული დახმარების გაწევა.

4. განკარგულების შესრულების კონტროლი განახორ­ციელონ საქართველოს მთავრობის კანცელარიის რეგიონალურ საკითხთა დეპარტამენტმა (ჯ. ბაკურაძე) და საქართველოს შეი­არაღებული ძალების გაერთიანებულმა შტაბმა (ზ. გოგავა).

პრემიერ-მინისტრი                 ზ. ნოღაიდელი