დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | სტიქიური მოვლენების შედეგად დაზარალებული ამბროლაურისა და ლენტეხის რაიონების მოსახლეობის დახმარების ღონისძიებათა შესახებ | |
|---|---|
| დოკუმენტის ნომერი | 122 |
| დოკუმენტის მიმღები | საქართველოს მთავრობა |
| მიღების თარიღი | 14/04/2005 |
| დოკუმენტის ტიპი | საქართველოს მთავრობის განკარგულება |
| გამოქვეყნების წყარო, თარიღი | საქართველოს მთავრობის განკარგულებების კრებული, 4, 14/04/2005 |
| სარეგისტრაციო კოდი | 000000000.00(0).000.000000 |
საქართველოს მთავრობის
განკარგულება №122
2005 წლის 14 აპრილი
ქ. თბილისი
სტიქიური მოვლენების შედეგად დაზარალებული ამბროლაურისა და ლენტეხის რაიონების მოსახლეობის დახმარების ღონისძიებათა შესახებ
ამბროლაურის რაიონის სოფელ გენდუშში დიდთოვლობისა და მეწყრის გამო მოსახლეობა (22 კომლი) განიცდის პირუტყვის საკვების მწვავე ნაკლებობას. ამასთან, ლენტეხის რაიონში მეწყრის გამო ჩაკეტილია სამ სოფელთან დამაკავშირებელი გზები. მოსახლეობა საჭიროებს სასიცოცხლოდ აუცილებელი სურსათით გადაუდებელ დახმარებას.
ზემოაღნიშნული რაიონების მოსახლეობისათვის დახმარების გაწევის მიზნით:
1. საქართველოს ფინანსთა სამინისტრომ (ვ. ჩეჩელაშვილი) საქართველოს მთავრობის სარეზერვო ფონდიდან გამოუყოს:
- ამბროლაურის რაიონის გამგეობას 5000 (ხუთი ათასი) ლარი თივის შეძენისა და სოფელ გენდუშში ტრანსპორტირებისათვის;
- ლენტეხის რაიონის გამგეობას 10000 (ათი ათასი) ლარი ლენტეხის რაიონის სამი სოფლისათვის სურსათის შესაძენად და ვერტმფრენით ტრანსპორტირებისათვის.
2. განკარგულება ძალაშია ხელმოწერის დღიდან.
პრემიერ-მინისტრი ზ. ნოღაიდელი
დოკუმენტის კომენტარები