ადგილობრივი თვითმმართველი ერთეულებისათვის საქართველოს სახელმწიფო ბიუჯეტიდან თანხის გამოყოფის შესახებ

საქართველოს მთავრობის

განკარგულება №790

2007 წლის 17 დეკემბერი

ქ. თბილისი

ადგილობრივი თვითმმართველი ერთეულებისათვის საქართველოს სახელმწიფო ბიუჯეტიდან თანხის გამოყოფის შესახებ

1. „საქართველოს 2007 წლის სახელმწიფო ბიუჯეტის შესახებ“ საქართველოს კანონის 42-ე მუხლის მე-9 პუნქტით „საქართველოს რეგიონებში განსახორციელებელი პროექტე­ბი­სათვის“ გათვალისწინებული ასიგნებიდან საქართველოს ფინანსთა სამინისტრომ (ნ. გილაური) საახალწლო ღონის­ძიებების განსახორციელებლად  გამოუყოს 39 000 (ოცდაცხრა­მეტი ათასი) ლარი შემდეგ მუნიციპალიტეტებს:

ა) ახალგორის მუნიციპალიტეტს – 13 000 (ცამეტი ათასი) ლარი;

ბ) ერედვის მუნიციპალიტეტს – 10 000  (ათი ათასი) ლარი;

გ) ქურთის მუნიციპალიტეტს – 11 000 (თერთმეტი ათასი) ლარი;

დ) თიღვის თემს – 5 000 (ხუთი ათასი) ლარი.

2. „სახელმწიფო შესყიდვების შესახებ“ საქართველოს კანონის მე-10 მუხლის მე-3 პუნქტის „ე“ ქვეპუნქტის შესაბამისად მოცემული თვითმმართველი ერთეულების აღმასრულებელმა ორგანოებმა განკარგულების პირველი პუნქტით გათვალის­წინე­ბული სახსრებით შესყიდვა განახორციელონ ერთ პირთან მო­ლა­პარაკების საშუალებით.

3. განკარგულების შესრულების კონტროლი უზრუნველყოს საქართველოს ფინანსთა სამინისტრომ (ნ. გილაური),  ასევე კონ­ტროლის განხორციელება ეთხოვოს ყოფილი სამხრეთ ოსეთის ავტონომიური ოლქის ტერიტორიაზე დროებითი ადმინისტრა­ციულ-ტერიტორიული ერთეულის ადმინისტრაციის ხელმძღვა­ნელს დ. სანაკოევს.

4. განკარგულება ძალაშია ხელმოწერის დღიდან.

პრემიერ-მინისტრი                    ვ. გურგენიძე