შპს „ბათუმის აეროპორტის“ 100-პროცენტიანი წილის მართვის უფლებით გაცემის შესახებ

საქართველოს მთავრობის

განკარგულება №377

2007  წლის  24  ივლისი

ქ. თბილისი

შპს „ ბათუმის აეროპორტის“ 100-პროცენტიანი  წილის მართვის უფლებით გაცემის შესახებ

    საქართველოს პრეზიდენტის 2003 წლის 11 მაისის №203 ბრძანებულებით დამტკიცებული „საწარმოთა მართვის სააგენ­ტოდან სხვა სუბიექტებზე აქციებისა და წილების მართვის უფლებით გადაცემის წესის“ მე-2 მუხლის მე-2 პუნ­ქტის „ა“ ქვეპუნქტის შესაბამისად:

1. შპს „ბათუმის აეროპორტის“ 100-პროცენტიანი  წილი მართვის უფლებით, 20 წლის ვადით, სიმბოლურ ფასად 1 აშშ დოლარად გადაეცეს შპს „ტავ ბათუმი ოფერეიშენსს“.

2. შპს „ბათუმის აეროპორტის“ 100-პროცენტიანი  წილის შპს „ტავ ბათუმი ოფერეიშენსისათვის“ მართვის უფლებით გადაცემის პირობებად განისაზღვროს:

ა) შპს „ბათუმის აეროპორტის“ არსებული დავალია­ნებების დაფარვა, მათ შორის – 2011 წლის 30 მაისიდან 2016 წლის 30 მაისამდე შპს „ბათუმის აეროპორტის“ 1 413 726 (ერთი მილიონ ოთხას ცამეტი ათას შვიდას ოცდაექვსი) ლარის ოდენობის რესტრუქტურიზებული ვალის გადახდა, თანაბარი ყოველწლიური გადახდების სახით;

ბ) სს „თბილისის საერთაშორისო აეროპორტისათვის“ უსაფრთხოების სისტემის მუშაობის ხარჯის დასაფარავად მხარეებს შორის წერილობით შეთანხმებული ყოველთვიური უსაფრთხოების თანხის გადახდა;

გ) მართვის ხელშეკრულების ვადის განმავლობაში შპს „ბათუმის აეროპორტის“ თანამშრომლების 85 - პროცენტის საქართველოს მოქალაქეებისაგან დაკომპლექტება.

3. შპს „ტავ ბათუმი ოფერეიშენსი“ შპს „ბათუმის აეროპორტის“ 100-პროცენტიანი წილის მართვისათვის ჰონო­რარის (მართვის ჰონორარი) სახით მიიღებს საწარმოს ყოველწლიურ წმინდა მოგებას.

4. განკარგულების შესრულების მიზნით საქართველოს ეკონომიკური განვითარების სამინისტრომ (გ. არველაძე) განა­ხორციელოს შესაბამისი ღონისძიებები  მოქმედი კანონმდებ­ლობის შესაბამისად.

    პრემიერ-მინსიტრი                   ზ. ნოღაიდელი