„ადგილობრივი თვითმმართველი ერთეულებისათვის საქართველოს სახელმწიფო ბიუჯეტიდან თანხის გამოყოფის შესახებ“ საქართველოს მთავრობის 2007 წლის 14 თებერვლის №70 განკარგულებაში დამატების შეტანის თაობაზე

საქართველოს მთავრობის

განკარგულება №371

2007 წლის 11 ივლისი

ქ. თბილისი

„ადგილობრივი თვითმმართველი ერთეულებისათვის საქართველოს სახელმწიფო ბიუჯეტიდან თანხის გამოყოფის შესახებ“ საქართველოს მთავრობის 2007 წლის 14 თებერვლის №70 განკარგულებაში დამატების შეტანის თაობაზე

„ადგილობრივი თვითმმართველი ერთეულებისათვის საქართ­ველოს სახელმწიფო ბიუჯეტიდან თანხის გამოყოფის შესახებ“ საქართველოს მთავრობის 2007 წლის 14 თებერვლის №70 გან­კარგულების თანახმად რეგიონებში განსახორციელებელი პროექტებისათვის სახელმწიფო ბიუჯეტიდან გამოიყო ასიგნებები. ჭიათურის მუნიციპალიტეტის გამგეობის მიერ გამართული ტენდერების შედეგად მიღებულია გამოყოფილ ასიგნებათა ნაწილის – 235 ათასი (ორას ოცდათხუთმეტი ათასი) ლარის ეკონომია. აღნიშნულიდან გამომდინარე:

1. შეტანილ იქნეს ცვლილებები „ადგილობრივი თვითმმართველი ერთეულებისათვის საქართველოს სახელმწიფო ბი­უჯეტიდან თანხის გამოყოფის შესახებ“ საქართველოს მთავრობის 2007 წლის 14 თებერვლის №70 განკარგულებაში და პირველი პუნქტის „თ“ ქვეპუნქტს დაემატოს „თ.ვ“, „თ.ზ“, „თ.თ“ და „თ.ი“ ქვეპუნქტები:

„თ.ვ) ნინოშვილის, აბაშიძის, მოსკოვის, ჭავჭავაძის, სტალინის, თხელიძის ქუჩების დახაზვა – 40 ათასი ლარი;

თ.ზ) ნინოშვილის, აბაშიძის, მოსკოვის, სტალინის, თხე­ლიძის ქუჩებზე საგზაო ნიშნების მოწყობა – 15 ათასი ლარი;

თ.თ) დამატებით, მრავალსართულიანი და მრავალბინიანი საცხოვრებელი სახლების გადახურვა (ძირითადად ქალაქის პერი­ფერიულ დასახლებებში) – 60 ათასი ლარი;

თ.ი) სტალინის, ტაბიძის, ჭანტურიას ქუჩების ადმინის­ტრაციული შენობის წინამდებარე მოედნის, მაღაროელთა მოედანთან დამაკავშირებელი ხიდის გზის საფარის ორმული შეკეთება – 120 ათასი ლარი.“.

2. განკარგულება ძალაშია ხელმოწერის დღიდან.

პრემიერ-მინისტრი            ზ. ნოღაიდელი