საჰაერო მიმოსვლის ლიბერალიზაციის ზოგიერთ ღონისძიებათა შესახებ

საქართველოს მთავრობის

განკარგულება №37

2005 წლის 2 მარტი

ქ. თბილისი

საჰაერო მიმოსვლის ლიბერალიზაციის ზოგიერთ ღონისძიებათა შესახებ

„საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-5 მუხლის „ ს“ ქვეპუნქტის შესაბამისად, თავისუფალი კონკურენციის მხარდაჭერის, საერთაშორისო ავიასატრანსპორტო ქსელის განვითარების, მომხმარებელთა უფლებების დაცვისა და მომსახურების პირობების გაუმჯობესების მიზნით:

1. მოწონებულ იქნეს საქართველოს ეკონომიკური განვითარების სამინისტროს მიერ წარმოდგენილი ურთიერთგაგების მემორანდუმის პროექტი საქართველოს აღმასრულებელ ხელისუფლებას (მთავრობას), დიდ ბრიტანეთსა და ჩრდილოეთ ირლანდიის გაერთიანებული სამეფოს მთავრობას შორის 2003 წლის 17 სექტემბერს ხელმოწერილ მემორანდუმში ცვლილებების შეტანის თაობაზე.

2. საქართველოს ეკონომიკური განვითარების სამინისტრომ (ა. ალექსიშვილი) საქართველოს მთავრობის სახელით ხელი მოაწეროს ურთიერთგაგების მემორანდუმს.

3. განკარგულება ძალაშია ხელმოწერის დღიდან.

პრემიერ-მინისტრი  ზ. ნოღაიდელი