ხობის მუნიციპალიტეტის სოფელ ყულევის ტერიტორიაზე ნავთობგადამმუშავებელი კომპლექსის მშენებლობისათვის შერჩეული სახელმწიფო ტყის ფონდის მიწებიდან 115 ჰა ფართობის ამორიცხვის შესახებ

საქართველოს მთავრობის

განკარგულება №319

2007 წლის 20 ივნისი

ქ. თბილისი

ხობის მუნიციპალიტეტის სოფელ ყულევის ტერიტორიაზე ნავთობგადამმუშავებელი კომპლექსის მშენებლობისათვის შერჩეული სახელმწიფო ტყის ფონდის მიწებიდან 115 ჰა ფართობის ამორიცხვის შესახებ

1. „სახელმწიფო ტყის ფონდის მიწებიდან ფართობების ამორიცხვისა და ჩარიცხვის შესახებ“ დებულების დამტკიცების თაობაზე“ საქართველოს მთავრობის 2007 წლის 10 მაისის №96 დადგენილების შესაბამისად მოწონებულ იქნეს ხობის რაიონის გამგეობის (2006 წლის 25 აგვისტოს №37 დადგენილება), შპს „ბლექ სი ინდასტრი“-ს (2007 წლის 15 ივნისის №B SI-2/06/2007 წერილი) წინადადება, საქართველოს მიწის გამოყენებისა და დაცვის სახელმწიფო კომისიის რეკომენდაცია (კომისიის 2007 წლის 12 ივნისის სხდომის ოქმი №18) და ხობის მუნიციპალიტეტის სოფელ ყულევში ნავთობგადამმუშავებელი კომპლექსის მშენებლობისათვის შერჩეული, სახელმწიფო ტყის ფონდის ბალანსზე რიცხული 115 ჰა მიწის ფართობი (სარეგისტრაციო №45/15/01/146) ამოირიცხოს სახელმწიფო ტყის ფონდიდან საქართველოს კანონმდებლობის შესაბამისად განკარგვის მიზნით.

2. შპს „ბლექ სი ინდასტრი“-მ განახორციელოს საქართველოს გარემოს დაცვისა და ბუნებრივი რესურსების სამინისტროს მიერ შერჩეულ და მითითებულ საკომპენსაციო ტერიტორიაზე ტყის განაშენიანების ღონისძიებები.

3. განკარგულება ძალაშია ხელმოწერის დღიდან.

პრემიერ-მინისტრი                     ზ. ნოღაიდელი