დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | გულრიფშის რაიონის კოდორის ხეობაში ინფრასტრუქტურის ობიექტების მშენებლობა-რეაბილიტაციის სამუშაოთა განხორციელების დამატებით ღონისძიებათა შესახებ | |
|---|---|
| დოკუმენტის ნომერი | 387 |
| დოკუმენტის მიმღები | საქართველოს მთავრობა |
| მიღების თარიღი | 15/08/2006 |
| დოკუმენტის ტიპი | საქართველოს მთავრობის განკარგულება |
| გამოქვეყნების წყარო, თარიღი | საქართველოს მთავრობის განკარგულებების კრებული, 8, 15/08/2006 |
| სარეგისტრაციო კოდი | 000000000.00(0).000.000000 |
საქართველოს მთავრობის
განკარგულება №387
2006 წლის 15 აგვისტო
ქ. თბილისი
გულრიფშის რაიონის კოდორის ხეობაში ინფრასტრუქტურის ობიექტების მშენებლობა-რეაბილიტაციის სამუშაოთა განხორციელების დამატებით ღონისძიებათა შესახებ
საქართველოს სახელმწიფო ბიუჯეტიდან გამოყოფილია სათანადო სახსრები გულრიფშის რაიონის კოდორის ხეობაში სკოლების, ადმინისტრაციული შენობების, კომუნიკაციების, აეროდრომის და ინფრასტრუქტურის სხვა ობიექტების მშენებლობა-რეაბილიტაციისათვის. ხეობის მძიმე კლიმატური პირობებიდან გამომდინარე სამუშაოთა დროულად შესასრულებლად:
1. აფხაზეთის ავტონომიური რესპუბლიკის მთავრობამ (მ. აკიშბაია) უზრუნველყოს რეაბილიტაციის სამუშაოთა განხორციელება ერთ პირთან მოლაპარაკების გზით, კანონმდებლობით დადგენილი წესის შესაბამისად.
2. „ლიცენზიებისა და ნებართვების შესახებ” საქართველოს კანონის პირველი მუხლის მე-2 პუნქტის შესაბამისად ნება დაერთოს საქართველოს გარემოს დაცვისა და ბუნებრივი რესურსების სამინისტროს სახელმწიფო საქვეუწყებო დაწესებულებას – სატყეო მეურნეობის დეპარტამენტს, რომ გულრიფშის რაიონის კოდორის ხეობაში მიმდინარე რეაბილიტაციის სამუშაოთა განხორციელების ხელშეწყობის მიზნით აფხაზეთის ავტონომიური რესპუბლიკის ეკონომიკის სამინისტროს გამოუყოს ტყეკაფი აჟარის სატყეო მეურნეობიდან ლიკვიდური მერქნის დასამზადებლად აუქციონის გარეშე.
პრემიერ-მინისტრი ზ. ნოღაიდელი
დოკუმენტის კომენტარები