საჯარო სამართლის იურიდიული პირის – მცირე და საშუალო საწარმოთა განვითარებისა და ხელშეწყობის ცენტრის ლიკვიდაციის შედეგების შესახებ

საქართველოს მთავრობის

განკარგულება №378

2006 წლის 11 აგვისტო

ქ. თბილისი

საჯარო სამართლის იურიდიული პირის – მცირე და საშუალო საწარმოთა განვითარებისა და ხელშეწყობის ცენტრის ლიკვიდაციის შედეგების შესახებ

„საქართველოს მთავრობის სტრუქტურის, უფლებამოსი­ლებისა და საქმიანობის წესის შესახებ” საქართველოს კანონის მე-5 მუხლის პირველი პუნქტის „ი” ქვეპუნქტის შესაბამისად:

1. საჯარო სამართლის იურიდიული პირის – მცირე და საშუალო საწარმოთა განვითარებისა და ხელშეწყობის ცენტრის ქონების მიღება და კანონმდებლობის შესაბამისად განკარგვა უზრუნველყოს საქართველოს ეკონომიკური განვითარების სამინისტრომ.

2. საჯარო სამართლის იურიდიული პირის – მცირე და საშუალო საწარმოთა განვითარებისა და ხელშეწყობის ცენტრის დებიტორულ და კრედიტორულ დავალიანებათა უფლებამონაცვლედ განისაზღვროს საქართველოს ეკონომი­კური განვითარების სამინისტროს საჯარო სამართლის იურიდიული პირი – საქართველოს ეროვნული საინვესტიციო სააგენტო.

3. განკარგულება ძალაშია ხელმოწერის დღიდან.

პრემიერ-მინისტრი          ზ. ნოღაიდელი