დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | სოფლის მეურნეობაში დასაქმებული მოსახლეობისათვის დახმარების სახით გამოყოფილი სასუქიდან დარჩენილი მარაგის შემდგომი გამოყენების შესახებ | |
|---|---|
| დოკუმენტის ნომერი | 314 |
| დოკუმენტის მიმღები | საქართველოს მთავრობა |
| მიღების თარიღი | 30/06/2006 |
| დოკუმენტის ტიპი | საქართველოს მთავრობის განკარგულება |
| გამოქვეყნების წყარო, თარიღი | საქართველოს მთავრობის განკარგულებების კრებული, 6, 30/06/2006 |
| სარეგისტრაციო კოდი | 000000000.00(0).000.000000 |
საქართველოს მთავრობის
განკარგულება №314
2006 წლის 30 ივნისი
ქ. თბილისი
სოფლის მეურნეობაში დასაქმებული მოსახლეობისათვის დახმარების სახით გამოყოფილი სასუქიდან დარჩენილი მარაგის შემდგომი გამოყენების შესახებ
„სოფლის მეურნეობაში დასაქმებული მოსახლეობისათვის მინერალური სასუქით დახმარების შესახებ” საქართველოს მთავრობის 2006 წლის 22 თებერვლის №76 განკარგულების საფუძველზე საქართველოს სოფლის მეურნეობის სამინისტრომ შეისყიდა 18339.445 ტონა ამონიუმის გვარჯილა. მინერალური სასუქის რაოდენობა განისაზღვრა ადმინისტაციულ-ტერიტორიულ ერთეულებში საქართველოს პრეზიდენტის სახელმწიფო რწმუნებულების მიერ წარმოდგენილი კომლების შესახებ ინფორმაციის საფუძველზე. აღნიშნული განკარგულებით განსაზღვრულ ღონისძიებათა განხორციელების შემდეგ გაუნაწილებელი დარჩა 61.075 კგ სასუქი. კერძოდ: გარდაბანში – 19550 კგ, მარნეულში – 7600 კგ, ხობში – 19500 კგ, ადიგენში – 14425 კგ.
აღნიშნული მინერალური სასუქის შემდგომი გამოყენების მიზნით:
1. გაუნაწილებელი სასუქი გადაეცეთ გარდაბნის, მარნეულის, ხობის, ადიგენის რაიონების ხელმოკლე, მარტოხელა და ნაკლებშემოსავლიან კომლებს 25 კგ-ის ოდენობით.
2. განკარგულების შესრულების კონტროლი განახორციელონ საქართველოს სოფლის მეურნეობის სამინისტრომ (მ. სვიმონიშვილი) და საქართველოს მთავრობის კანცელარიის რეგიონალურ საკითხთა დეპარტამენტმა (ჯ. ბაკურაძე).
3. განკარგულება ძალაშია ხელმოწერის დღიდან.
პრემიერ-მინისტრი ზ. ნოღაიდელი
დოკუმენტის კომენტარები