დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | ქალაქ ქუთაისისათვის სახელმწიფო ქონებისა და სახელმწიფოს წილობრივი მონაწილეობით არსებული საწარმოების წილების საკუთრებაში გადაცემის შესახებ | |
|---|---|
| დოკუმენტის ნომერი | 453 |
| დოკუმენტის მიმღები | საქართველოს მთავრობა |
| მიღების თარიღი | 27/09/2006 |
| დოკუმენტის ტიპი | საქართველოს მთავრობის განკარგულება |
| გამოქვეყნების წყარო, თარიღი | საქართველოს მთავრობის განკარგულებების კრებული, 9, 27/09/2006 |
| სარეგისტრაციო კოდი | 000000000.00(0).000.000000 |
საქართველოს მთავრობის
განკარგულება № 453
2006 წლის 27 სექტემბერი
ქ. თბილისი
ქალაქ ქუთაისისათვის სახელმწიფო ქონებისა და სახელმწიფოს წილობრივი მონაწილეობით არსებული საწარმოების წილების საკუთრებაში გადაცემის შესახებ
„ადგილობრივი თვითმმართველი ერთეულის ქონების შესახებ“ საქართველოს კანონის მე-6 მუხლის შესაბამისად:
1. დამტკიცდეს საქართველოს ეკონომიკური განვითარების სამინისტროს გადაწყვეტილება ,,სახელმწიფო ქონებისა და სახელმწიფოს წილობრივი მონაწილეობით არსებული საწარმოების წილების, როგორც ძირითადი ქონების, ქ. ქუთაისის საკუთრებაში გადაცემის შესახებ“ (საქართველოს ეკონომიკური განვითარების მინისტრის 2006 წლის 18 სექტემბრის №1-1/979 ბრძანების მე-3 პუნქტი).
2. საქართველოს ეკონომიკური განვითარების სამინისტრომ (ი. ჩოგოვაძე) ზემოაღნიშნული ქონების გადაცემის მიზნით უზრუნველყოს კანონმდებლობით გათვალისწინებულ ღონისძიებათა განხორციელება.
3. განკარგულება ძალაშია ხელმოწერის დღიდან.
პრემიერ-მინისტრი ზ. ნოღაიდელი
დოკუმენტის კომენტარები