ზოგიერთი საარჩევნო ღონისძიების ახალი ვადის განსაზღვრის თაობაზე

    იმის გათვალისწინებით, რომ საქართველოში მიმდინარეობს დამისამართების პროცესი და სხვადასხვა დასახლებულ პუნქტში ბევრ ქუჩას შეეცვალა სახელწოდება ან ექსპლუატაციაში შევიდა ახალი საცხოვრებელი ფართი, რომლებსაც მიენიჭა შესაბამისი მისამართი, ხოლო საარჩევნო უბნების საზღვრების დაზუსტების ვადა, საქართველოს ორგანული კანონის „საქართველოს საარჩევნო კოდექსი” 23-ე მუხლის მე-5 პუნქტის თანახმად, დასრულდა არჩევნების დღემდე არა უგვიანეს 50-ე დღისა (7 სექტემბერი), რაც შეუძლებელს ხდის საარჩევნო უბნების საზღვრებში აისახოს, აღნიშნული ვადის შემდეგ შექმნილი, ახალი მისამართები, რითაც ამ მისამართებზე რეგისტრირებულ ამომრჩეველს ეზღუდება ხმის მიცემის უფლება,

საქართველოს პრეზიდენტის 2013 წლის 27 ოქტომბრის არჩევნებისათვის საარჩევნო უბნების საზღვრების დაზუსტების ახალ ვადად განისაზღვროს არაუგვიანეს 2013 წლის 14 ოქტომბრისა.

ეს დადგენილება შეიძლება გასაჩივრდეს თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დავით აღმაშენებლის ხეივანი, მე-12 კილომეტრი, №6) მისი მიღებიდან  2 კალენდარული დღის ვადაში.

ეს დადგენილება ამოქმედდეს გამოქვეყნებისთანავე.