დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „მცხეთის მუნიციპალიტეტის ტერიტორიაზე რეგისტრირებული მრავალშვილიანი ოჯახების სასურსათო პაკეტით უზრუნველყოფის პროგრამის დამტკიცების შესახებ“ მცხეთის მუნიციპალიტეტის საკრებულოს 2013 წლის 12 აგვისტოს №36 დადგენილებაში ცვლილების და დამატების შეტანის თაობაზე | |
|---|---|
| დოკუმენტის ნომერი | 41 |
| დოკუმენტის მიმღები | მცხეთის მუნიციპალიტეტი |
| მიღების თარიღი | 07/10/2013 |
| დოკუმენტის ტიპი | მუნიციპალიტეტისა და თვითმმართველი ქალაქის საკრებულოს დადგენილება |
| გამოქვეყნების წყარო, თარიღი | ვებგვერდი, 15/10/2013 |
| სარეგისტრაციო კოდი | 010250000.35.153.016181 |
|
„მცხეთის მუნიციპალიტეტის ტერიტორიაზე რეგისტრირებული მრავალშვილიანი ოჯახების სასურსათო პაკეტით უზრუნველყოფის პროგრამის დამტკიცების შესახებ“ მცხეთის მუნიციპალიტეტის საკრებულოს 2013 წლის 12 აგვისტოს №36 დადგენილებაში ცვლილების და დამატების შეტანის თაობაზე
|
„ადგილობრივი თვითმმართველობის შესახებ“ საქართველოს ორგანული კანონის 43-ე მუხლის მე-2 პუნქტის, მე-16 მუხლის მეორე პუნქტის „ქ“ ქვეპუნქტისა, „ნორმატიული აქტების შესახებ“ საქართველოს კანონის მე-20 მუხლის მე-4 პუნქტის საფუძველზე,
მცხეთის მუნიციპალიტეტის საკრებულო ადგენს: |
| მუხლი 1 |
შეტანილ იქნეს ცვლილება და დამატება „მცხეთის მუნიციპალიტეტის ტერიტორიაზე რეგისტრირებული მრავალშვილიანი ოჯახების სასურსათო პაკეტით უზრუნველყოფის პროგრამის დამტკიცების შესახებ“ მცხეთის მუნიციპალიტეტის საკრებულოს 2013 წლის 12 აგვისტოს №36 დადგენილებაში ( სსმ. 010250000.35.153.016176 19.08., 2013.), კერძოდ:
1. დადგენილებით დამტკიცებული პროგრამის პრეამბულა, ნაცვლად „ბენეფიციარი 80 ოჯახი (4 და მეტი შვილი)“, ჩამოყალიბდეს შემდეგნაირად: „ბენეფიციარი - 90 ოჯახი (4 და მეტი 18 წლამდე ასაკის შვილი)“. 1.2.პროგრამის მე-3 მუხლის მე-4 პუნქტი ჩამოყალიბდეს შემდეგნაირად: „4. გამგებლის ბრძანებით კომისიის შექმნა და პასუხისმგებელი პირის გამოყოფა, რომელიც უზრუნველყოფს სასურსათო პროგრამის სრულყოფილად განხორციელებას“. 1.3.პროგრამის მე-3 მუხლის მე-5 პუნქტი შეიცვალოს და ჩამოყალიბდეს შემდეგი რედაქციით: „5. მოსარგებლისათვის ტერიტორიული ორგანოს რწმუნებულის მიერ სასურსათო პაკეტის გადაცემა, მიღება- ჩაბარების აქტით (ერთ ოჯახზე ერთი პაკეტი).". 1.4. პროგრამის მე-4 მუხლის სათაური შეიცვალოს და ჩამოყალიბდეს შემდეგი რედაქციით: „1 ცალი სასურსათო პაკეტის შემადგენლობა“. 1.5. პროგრამის მე-4 მუხლის ცხრილს დაემატოს მე-11 რიგითი ნომრით შემდეგი შინაარსის ტექსტი: „11. პაკეტის ღირებულება - 36 ლარი და 95 თეთრი“. |
| მუხლი 2 |
ძალადაკარგულად გამოცხადდეს მცხეთის მუნიციპალიტეტის საკრებულოს 2013 წლის 16 სექტემბრის დადგენილება №39 (სსმ. 010250000.35.153.016179. 20/09/2013).
|
| მუხლი 3 |
დადგენილება ამოქმედდეს გამოქვეყნებისთანავე |
|
დოკუმენტის კომენტარები