სს „საქართველოს ნავთობისა და გაზის კორპორაციის“ მიერ სახელმწიფო შესყიდვების გამარტივებული შესყიდვის საშუალებით განხორციელების შესახებ

საქართველოს მთავრობის

განკარგულება №1422

2013 წლის 1 ოქტომბერი

ქ. თბილისი

სს „საქართველოს ნავთობისა და გაზის კორპორაციის“ მიერ სახელმწიფო შესყიდვების  გამარტივებული შესყიდვის საშუალებით განხორციელების შესახებ

1996 წლის 8 მარტს გაფორმებული მთავრობათაშორისი ხელშეკრულების, ადგილსამყოფელ სახელმწიფოსთან ხელშეკრულებისა და „ნავთობსადენის მშენებლობისა და ოპერირების შესახებ“  ხელშეკრულების თანახმად, სს ,,საქართველოს ნავთობისა და გაზის კორპორაციის“ კუთვნილი და საერთაშორისო კონსორციუმის სარგებლობაში არსებული ბაქო-სუფსის მილსადენით და ადგილსამყოფელ სახელმწიფოსთან 2000 წლის 18 ოქტომბერს გაფორმებული ხელშეკრულების მიხედვით ბაქო-თბილისი-ჯეიჰანის მილსადენის ნავთობის დამატებითი მოცულობებით შევსების შესაძლებლობების შეფასების, ასევე ბაქო-სუფსის მილსადენსა და ბაქო-თბილისი-ჯეიჰანის მილსადენთან მიმართებით სატარიფო პოლიტიკის გადახედვის საკითხების სრული ანალიზის  მომზადების მიზნით, „სახელმწიფო შესყიდვების შესახებ“  საქართველოს კანონის 10¹ მუხლის   მე-3 პუნქტის „დ“ ქვეპუნქტის შესაბამისად, სს ,,საქართველოს ნავთობისა და გაზის კორპორაციამ“ იურიდიული მომსახურების შესყიდვა განახორციელოს გამარტივებული შესყიდვის საშუალებით.

პრემიერ-მინისტრი                                  ბ. ივანიშვილი