,,საჯარო რეესტრის ეროვნული სააგენტოს მიერ გაწეული მომსახურებისათვის დაწესებული საფასურის შესახებ“ საქართველოს კანონში დამატებებისა და ცვლილებების შეტანის თაობაზე

საქართველოს კანონი

„საჯარო რეესტრის ეროვნული სააგენტოს მიერ გაწეული მომსახურებისათვის დაწესებული საფასურის შესახებ“ საქართველოს კანონში დამატებებისა და ცვლილებების შეტანის თაობაზე

მუხლი 1. „საჯარო რეესტრის ეროვნული სააგენ­ტოს მიერ გაწეული მომსახურებისათვის დაწესებული საფასურის შესახებ“ საქართველოს კანონში (საქართვე­ლოს საკანონმდებლო მაცნე, №4, 17.01.2005, მუხ. 14) შეტანილ იქნეს შემდეგი დამატებები და ცვლილებები:

1. მე-6 მუხლის:

ა) პირველი პუნქტის „ზ“ ქვეპუნქტის შემდეგ დაემა­ტოს შემდეგი შინაარსის „თ“–„ლ“ ქვეპუნქტები:

„თ) უძრავ ნივთზე მიბმული ვალდებულების წარ­მოშობის რეგისტრაცია – 4 სამუშაო დღის ვადაში – 50 ლარი;

ი) უძრავ ნივთზე რეგისტრირებულ მიბმულ ვალ­დებულებაში ცვლილების რეგისტრაცია – 4 სამუ­შაო დღის ვადაში – 50 ლარი;

კ) უძრავ ნივთზე უფლების შეზღუდვის რეგის­ტრაცია – 4 სამუშაო დღის ვადაში – 50 ლარი;

ლ) უძრავ ნივთზე რეგისტრირებული უფლების შეზღუდვაში ცვლილების რეგისტრაცია – 4 სამუშაო დღის ვადაში – 50 ლარი.“;

ბ) მე-2 და მე-3 პუნქტები ჩამოყალიბდეს შემდეგი რედაქციით:

„2. საჯარო რეესტრის ხელმისაწვდომობისათვის დაწესებულია შემდეგი ვადები და განსაზღვრულია შემდეგი საფასურის განაკვეთები:

ა) უძრავ ნივთებზე უფლებათა რეესტრიდან ამონაწე­რის მომზადება – 1 სამუშაო დღის ვადაში – 15 ლა­რი;

ბ) მოძრავ ნივთებზე უფლებათა რეესტრიდან ამონაწერის მომზადება – 1 სამუშაო დღის ვადაში – 15 ლარი;

გ) საკადასტრო გეგმის მომზადება – 2 სამუშაო დღის ვადაში – 5 ლარი;

დ) საკადასტრო რუკის მომზადება – 4 სამუშაო დღის ვადაში:

დ.ა) ქაღალდზე შესრულებული ვერსია – 1 გვერდი – 10 ლარი;

დ.ბ) ელექტრონული ვერსია – 10000 მ² (1 ჰა)-ზე – 5 ლარი;

ე) ყადაღის არსებობის შესახებ ცნობის მომზადება – 1 სამუშაო დღის ვადაში – 7 ლარი;

ვ) მოთხოვნის მომენტისათვის ნივთსა და არამატე­რიალურ ქონებრივ სიკეთეზე უფლების, ყადაღის ან/და საგადასახადო გირავნობის/იპოთეკის შესახებ საჯარო რეესტრში დაცულ მონაცემებზე ინფორმაციის მომზადება – 4 სამუშაო დღის ვადაში – 10 ლარი;

ზ) ტექნიკური ინვენტარიზაციის არქივიდან უძრავ ნივთზე უფლებრივი მდგომარეობის შესახებ ინფორმა­ციის მომზადება – 4 სამუშაო დღის ვადაში – 7 ლა­რი;

თ) ტექნიკური ინვენტარიზაციის არქივიდან საინვენ­ტა­რიზაციო გეგმის მომზადება – 4 სამუშაო დღის ვადაში – 5 ლარი;

ი) ტექნიკური ინვენტარიზაციის არქივიდან ცნობა-დახასიათების მომზადება – 4 სამუშაო დღის ვადაში – 5 ლარი;

კ) ტექნიკური ინვენტარიზაციის არქივში დაცული დოკუმენტის ასლის მომზადება – 4 სამუშაო დღის ვადაში – 1 გვერდი – 0,50 თეთრი.

3. ამ მუხლის მე-2 პუნქტის „ა“ და „ბ“ ქვეპუნქტები არ ვრცელდება იმ შემთხვევებზე, როცა ამონაწერი მზადდება რეგისტრაციის შედეგად, ხოლო „გ“ ქვეპუნქტი – როცა საკადასტრო გეგმა მზადდება უძრავ ნივთებზე უფლებათა რეესტრში საკუთრების უფლება­დაურეგის­ტრირებელ უძრავ ნივთზე საკუთრების უფლე­ბის რეგისტრაციის შედეგად.“.

2. მე-7 მუხლის მე-2–მე-4 პუნქტები ჩამოყალიბდეს შემდეგი რედაქციით:

„2. ამ კანონის მე-6 მუხლის პირველი პუნქტის „ა“–„ე“ ქვეპუნქტებით გათვალისწინებულ შემთხვევებში საფასური გადაიხდება ერთეულ ნივთსა და არამატე­რიალურ ქონებრივ სიკეთეზე ერთეული უფლების მიხედვით, ხოლო „თ“–„ლ“ ქვეპუნქტებით გათვალის­წინებულ შემთხვევებში – ერთეულ უძრავ ნივთზე ერთეული ვალდებულებისა და ერთეული შეზღუდვის მიხედვით.

3. ამ კანონის მე-6 მუხლის მე-2 პუნქტის „ვ“ და „ზ“ ქვეპუნქტებით გათვალისწინებულ შემთხვევებში საფასური გადაიხდება ერთეული ნივთისა და არამატე­რია­­ლური ქონებრივი სიკეთის მიხედვით.

4. საფასური გადაიხდება ნაღდი ან უნაღდო ანგარიშ­სწორებით (მათ შორის, ონლაინ გადახდით).“.

3. მე-8 მუხლის:

ა) პირველი პუნქტის:

ა.ა) „ა“ ქვეპუნქტი ჩამოყალიბდეს შემდეგი რედაქციით:

„ა) ნივთსა და არამატერიალურ ქონებრივ სიკეთეზე რეგისტრირებული უფლების, უფლების შეზღუდვის, უძრავ ნივთზე მიბმული ვალდებულების და ყადაღის შეწყვეტის რეგისტრაცია;“;

ა.ბ) „დ“ ქვეპუნქტი ჩამოყალიბდეს შემდეგი რედაქციით:

„დ) რეგისტრირებულ მონაცემებში ტექნიკური ხარვეზის შესწორება;“;

ბ) მე-2 პუნქტის:

ბ.ა) „ა“ ქვეპუნქტი ჩამოყალიბდეს შემდეგი რედაქ­ციით:

„ა) უძრავ ნივთზე რეგისტრირებული უფლების, უფლების შეზღუდვის და უძრავ ნივთზე მიბმული ვალდებულების შეწყვეტის რეგისტრაცია – 4 სამუშაო დღის ვადაში;“;

ბ.ბ) „ვ“ ქვეპუნქტი ჩამოყალიბდეს შემდეგი რედაქციით:

„ვ) რეგისტრირებულ მონაცემებში ტექნიკური ხარვე­ზის შესწორება – 1 სამუშაო დღის ვადაში;“.

4. მე-9 მუხლის:

ა) პირველ პუნქტს დაემატოს შემდეგი შინაარსის „დ“ ქვეპუნქტი:

„დ) სარეგისტრაციო წარმოებაზე უარის თქმის საფუძველია ნივთზე ან არამატერიალურ ქონებრივ სიკეთეზე მოთხოვნის იდენტური რეგისტრირებული მონაცემის არსებობა. ამ შემთხვევაში საფასური ბრუნდება სრულად.“;

ბ) მე-3 პუნქტი ჩამოყალიბდეს შემდეგი რედაქციით:

„3. სარეგისტრაციო წარმოების და საჯარო რეესტრის ხელმისაწვდომობის შეწყვეტის ან უარის თქმის შემთხვევაში, გარდა ამ მუხლის პირველი პუნქტის „დ“ ქვეპუნქტით გათვალისწინებული შემთხვევისა, გადახდილი საფასური დაბრუნებას არ ექვემდებარება.“.

მუხლი 2. ეს კანონი ამოქმედდეს გამოქვეყნებიდან მე-15 დღეს.

საქართველოს პრეზიდენტის

მოვალეობის შემსრულებელი                             ნ. ბურჯანაძე

თბილისი,

2007 წლის 18 დეკემბერი.

№5648–IIს