,,ახმეტის მუნიციპალიტეტის საკრებულოს დებულების (რეგლამენტის) დამტკიცების შესახებ“ ახმეტის მუნიციპალიტეტის საკრებულოს 2010 წლის 13 აგვისტოს №10 დადგენილებაში ცვლილების შეტანის თაობაზე

    ,,მუხლი 9. საკრებულოს სხდომაზე დასწრების წესი

   1. საკრებულოს ღია სხდომებზე დასწრების უფლება აქვს ნებისმიერ ქმედუნარიან პირს.

   2. საკრებულოს სხდომაზე დასწრების მიზნით, დასწრების მსურველი პირები საკრებულოს აპარატში განცხადების წარდგენის გზით გადიან რეგისტრაციას საკრებულოს სხდომის ჩატარების დღემდე არა უგვიანეს ორი დღით ადრე.

   3. რეგისტრაციის გარეშე, აგრეთვე საკრებულოს დახურულ სხდომაზე დასწრების უფლება აქვთ:

   ა) საქართველოს პრეზიდენტს;

   ბ) საქართველოს პარლამენტის წევრს;

   გ) საქართველოს მთავრობის წევრს;

   დ) სახელმწიფო რწმუნებულს - გუბერნატორს;

   ე) ამ პუნქტის ,,ა“, ,,ბ“, ,,გ“, ,,დ“ ქვეპუნქტებში მითითებული პირების წარმომადგენლებს;

   ვ) სხდომაზე სპეციალურად მოწვეულ პირებს.

   4. საკრებულოს დახურულ სხდომაზე საკითხის განხილვისას სხდომათა დარბაზის კარი იკეტება.

  5. საკრებულოს სხდომაზე დამსწრე პირებს უფლება არა აქვთ დაიკავონ საკრებულოს წევრისათვის გამოყოფილი ადგილები.

   6. საკრებულოს სხდომის დროს საკრებულოს წევრები და სხვა დამსწრე პირები ვალდებულნი არიან დაიცვან ამ დებულებით (რეგლამენტით) დადგენილი წესები.“.

  ,,2. ფარული კენჭისყრა უნდა ჩატარდეს მხოლოდ ამ დებულების (რეგლამენტის) მე-13 მუხლის მე-7 პუნქტით, 98-ე, მე-100, 102-ე და 104-ე მუხლებით გათვალისწინებულ საკითხებზე, აგრეთვე საქართველოს კანონმდებლობით პირდაპირ განსაზღვრულ შემთხვევებში.“.