„ახალგაზრდა მეცნიერთათვის პრეზიდენტის სამეცნიერო გრანტების გაცემის წესისა და საგრანტო პროექტის შეფასების კრიტერიუმების დამტკიცების შესახებ“ საქართველოს განათლებისა და მეცნიერების მინისტრის 2007 წლის 30 აგვისტოს №772 ბრძანებაში ცვლილების შეტანის შესახებ

1. მე-4 მუხლი ჩამოყალიბდეს შემდეგი რედაქციით:

,,მუხლი 4. სუბიექტები

1. კონკურსში მონაწილეობისათვის ფონდში პროექტის შეტანა შეუძლია:

ა) პირს, რომელიც არის საქართველოს მოქალაქე და რომელსაც კონკურსის გამოცხადებისათვის არ შესრულებია 30 წელი, კონკურსის გამოცხადებიდან ბოლო 3 წელიწადში მინიჭებული აქვს მაგისტრის ან მასთან გათანაბრებული აკადემიური ხარისხი და კონკურსის გამოცხადების მომენტში დასაქმებულია საქართველოში (შემდგომში - მაგისტრი);

ბ) პირს, რომელიც არის საქართველოს მოქალაქე და რომელსაც კონკურსის გამოცხადებისათვის არ შესრულებია 35 წელი, მინიჭებული აქვს დოქტორის ან მასთან გათანაბრებული აკადემიური ხარისხი და კონკურსის გამოცხადების მომენტში დასაქმებულია საქართველოში (შემდგომში - დოქტორი).

2. კონკურსზე არ განიხილება იმ მაგისტრების მიერ წარდგენილი პროექტები, რომლებიც მოიპოვებენ დოქტორანტურის საგანმანათლებლო პროგრამის  სახელმწიფო დაფინანსებას კანონმდებლობით დადგენილი წესით ან მონაწილეობენ დოქტორანტურის საგანმანათლებლო პროგრამის დასაფინანსებლად წარმართულ საგრანტო კონკურსში.

3. მაგისტრს, რომელმაც კონკურსში გამარჯვების შემდეგ კანონმდებლობით დადგენილი წესით მოიპოვა დოქტორანტურის საგანმანათლებლო პროგრამის სახელმწიფო დაფინანსება ,,შეუწყდება ამ წესით გათვალისწინებული საგრანტო დაფინანსება.“.

2. მე-5 მუხლის მე-3 პუნქტი ჩამოყალიბდეს შემდეგი რედაქციით:

„3. პროექტისათვის ფონდიდან მოთხოვნილი საგრანტო დაფინანსება არ უნდა აღემატებოდეს 12 000 ლარს მაგისტრებისათვის, ხოლო 15 000 ლარს დოქტორებისათვის.“

3. მე-9 მუხლის მე-4 პუნქტი ჩამოყალიბდეს შემდეგი რედაქციით:

„4. ექსპერტების შეფასების საფუძველზე ფონდი ადგენს პროექტების რანჟირებულ ნუსხას  ცალ-ცალკე მაგისტრებისა და დოქტორებისათვის, რომელებსაც დასაფინანსებელი კონკურსანტების გამოსავლენად წარუდგენს სამეცნიერო საბჭოს. სამეცნიერო საბჭო უფლებამოსილია, განსაზღვროს საკონკურსოდ გამოყოფილი თანხის განაწილება ცალ-ცალკე მაგისტრებისა და დოქტორებისათვის და მე-5 მუხლის პირველი პუნქტით გათვალისწინებულ სამეცნიერო მიმართულებებს შორის.“.