დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | 2015-2017 წლების საქართველოს რეგიონული განვითარების პროგრამის მომზადების თაობაზე | |
|---|---|
| დოკუმენტის ნომერი | 1315 |
| დოკუმენტის მიმღები | საქართველოს მთავრობა |
| მიღების თარიღი | 10/09/2013 |
| დოკუმენტის ტიპი | საქართველოს მთავრობის განკარგულება |
| გამოქვეყნების წყარო, თარიღი | ვებგვერდი, 20/09/2013 |
| სარეგისტრაციო კოდი | 000000000.00.003.016012 |
საქართველოს მთავრობის
განკარგულება # 13 15
2013 წლის 10 სექტემბერი
ქ. თბილისი
2015-2017 წლების საქართველოს რეგიონული განვითარების
პროგრამის მომზადების თაობაზე
1. მიღებულ იქნეს ცნობად საქართველოს რეგიონული განვითარებისა და ინფრასტრუქტურის სამინისტროს მიერ, საქართველოს ფინანსთა სამინისტროსთან, საქართველოს სოფლის მეურნეობის სამინისტროსთან, საქართველოს განათლებისა და მეცნიერების სამინისტროსთან და საქართველოს ეკონომიკისა და მდგრადი განვითარების სამინისტროსთან კოორდინაციით მომზადებული და საქართველოში ევროპის კავშირის წარმომადგენლობისთვის წარდგენილი 2015-2017 წლების საქართველოს რეგიონული განვითარების პროგრამის ძირითადი მიმართულებები.
2. საქართველოს რეგიონული განვითარებისა და ინფრასტრუქტურის სამინისტრომ, ამ განკარგულების პირველ პუნქტში მითითებული სამინისტროების მონაწილეობით, ამა წლის 20 სექტემბრამდე უზრუნველყოს 2015-2017 წლების საქართველოს რეგიონული განვითარების პროგრამის სტრუქტურის შემუშავება.
3. 2015-2017 წლების რეგიონული განვითარების პროგრამის შემუშავებული სტრუქტურის გათვალისწინებით, საქართველოს რეგიონული განვითარებისა და ინფრასტრუქტურის სამინისტრომ, საქართველოს ფინანსთა სამინისტრომ, საქართველოს სოფლის მეურნეობის სამინისტრომ, საქართველოს განათლებისა და მეცნიერების სამინისტრომ და საქართველოს ეკონომიკისა და მდგრადი განვითარების სამინისტრომ, კომპეტენციის ფარგლებში,2014 წლის პირველ ივნისამდე, უზრუნველყონ 2015-2017 წლების რეგიონული განვითარების პროგრამის დოკუმენტისათვის შესაბამისი პროგრამული ნაწილებისშემუშავება .
4. საქართველოს რეგიონული განვითარებისა და ინფრასტრუქტურის სამინისტრომ, ამ განკარგულების მე-3 პუნქტში მითითებული სამინისტროების მიერ მომზადებული პროგრამული ნაწილების საფუძველზე,2014 წლის30 ივნისამდე, უზრუნველყოს 2015-2017 წლებისთვის საქართველოს რეგიონული განვითარების პროგრამის პროექტის მომზადება და საქართველოს მთავრობისთვის წარდგენა.
პრემიერ-მინისტრი ბიძინა ივანიშვილი
დოკუმენტის კომენტარები