„საქართველოს ფინანსთა სამინისტროს საგამოძიებო სამსახურის თანამშრომელთა კონკურსისა და ატესტაციის ჩატარების წესის დამტკიცების შესახებ“ საქართველოს ფინანსთა მინისტრის 2009 წლის 27 ნოემბრის N782 ბრძანებაში ცვლილების შეტანის თაობაზე

1. მე-2 მუხლის მე-2 პუნქტი ამოღებულ იქნეს.

2. მე-14 მუხლის:

ა) პირველ პუნქტს დაემატოს შემდეგი შინაარსის „ბ¹“ ქვეპუნქტი:

„ბ¹) სამსახურის თანამშრომელი, რომელიც სამსახურში მიიღება განსაზღვრული ვადით;“;

ბ) მე-2 პუნქტის „ბ“ ქვეპუნქტი ამოღებულ იქნეს.

3. 43-ე მუხლის პირველი პუნქტის „ა“ ქვეპუნქტი ჩამოყალიბდეს შემდეგი რედაქციით:

„ა) შეეფერება დაკავებულ თანამდებობას (სამსახურში განსაზღვრული ვადით მიღებული თანამშრომლის ატესტაციის შემთხვევაში - შეეფერება დაკავებულ თანამდებობას და  უნდა დაინიშნოს ამავე  ვაკანტურ თანამდებობაზე);“.