2013 წლის გამოშვების 20 ლარის ნომინალის ბანკნოტების მიმოქცევაში გაშვების თაობაზე

,,საქართველოს ეროვნული ბანკის შესახებ“ საქართველოს ორგანული კანონის მე-9 მუხლის „ვ“ და „ი” ქვეპუნქტების, 35-ე მუხლის პირველი, მე-2 და მე-3 პუნქტების შესაბამისად, საქართველოს ეროვნული ბანკის საბჭო   ადგენს:

2013 წლის 23 სექტემბრიდან მიმოქცევაში გაშვებულ იქნეს 2013 წლის გამოშვების 20 ლარის ნომინალის ბანკნოტები, როგორც კანონიერი საგადამხდელო საშუალება 2011 წლის გამოშვების იგივე ნომინალის ბანკნოტების იდენტური დიზაინისა და სხვა მახასიათებლების მიხედვით, გამოშვების წლით „2013“, საქართველოს ფინანსთა მინისტრის ხელმოწერის ცვლილების გათვალისწინებით.

2013 წლის გამოშვების 20 ლარის ნომინალის ბანკნოტები მიმოიქცევა წინა წლების გამოშვების იგივე ნომინალის ბანკნოტების პარალელურად.

საქართველოს ტერიტორიაზე 2013 წლის გამოშვების 20 ლარის ნომინალის ბანკნოტებით ანგარიშსწორება უნდა განხორციელდეს შეუფერხებლად.

ეს დადგენილება ამოქმედდეს 2013 წლის 23 სექტემბრიდან.