დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
საქართველოს სამოქალაქო კოდექსში ცვლილებების შეტანის შესახებ | |
---|---|
დოკუმენტის ნომერი | 5278 |
დოკუმენტის მიმღები | საქართველოს პარლამენტი |
მიღების თარიღი | 11/07/2007 |
დოკუმენტის ტიპი | საქართველოს კანონი |
გამოქვეყნების წყარო, თარიღი | სსმ, 29, 27/07/2007 |
ძალაში შესვლის თარიღი | 01/08/2007 |
სარეგისტრაციო კოდი | 040.000.000.05.001.003.007 |
საქართველოს კანონი
საქართველოს სამოქალაქო კოდექსში ცვლილებების შეტანის შესახებ
მუხლი 1
საქართველოს სამოქალაქო კოდექსში (პარლამენტის უწყებანი, №31, 24 ივლისი, 1997, გვ. 1) შეტანილ იქნეს შემდეგი ცვლილებები:
1. მეორე წიგნის მესამე კარის მეოთხე თავის სათაური ჩამოყალიბდეს შემდეგი რედაქციით:
„ბინის საკუთრება მრავალბინიან სახლში“.
2. 208-ე და 209-ე მუხლები ჩამოყალიბდეს შემდეგი რედაქციით:
„მუხლი 208. მრავალბინიან სახლში ინდივიდუალური საკუთრების საგნის (ბინის ან/და არასაცხოვრებელი ფართობის) შეძენის საფუძვლები
ინდივიდუალური საკუთრების საგნის (ბინის ან/და არასაცხოვრებელი ფართობის) შესაძენად აუცილებელია გარიგების წერილობითი ფორმით დადება და შემძენზე ამ გარიგებით განსაზღვრული საკუთრების უფლების რეგისტრაცია საჯარო რეესტრში.
მუხლი 209. გაქირავებული ბინის შეძენა
თუ პირი შეიძენს გაქირავებულ ბინას, მაშინ იგი იკავებს გამქირავებლის ადგილს.“.
3. 210-ე–213-ე მუხლები ამოღებულ იქნეს.
4. 214-ე მუხლის შემდეგ ამოღებულ იქნეს სიტყვები:
„II. ურთიერთობანი ბინის მესაკუთრეთა შორის“.
5. 215-ე–232-ე მუხლები ამოღებულ იქნეს.
მუხლი 2
ეს კანონი ამოქმედდეს 2007 წლის 1 აგვისტოდან.
საქართველოს პრეზიდენტი მ. სააკაშვილი
თბილისი,
2007 წლის 11 ივლისი.
№5278–რს
დოკუმენტის კომენტარები