არასამეწარმეო (არაკომერციული) იურიდიული პირის − გორის სახელმწიფო სასწავლო უნივერსიტეტის რეორგანიზაციის შესახებ

1. არასამეწარმეო (არაკომერციული) იურიდიული პირი –  გორის სახელმწიფო სასწავლო უნივერსიტეტი (საიდენტიფიკაციო კოდი – 218076542) 2013 წლის 15 სექტემბრამდე გარდაიქმნას (რეორ­განიზებულ იქნეს) საჯარო სამართლის იურიდი­ულ პირად −  გორის სახელმწიფო სასწავლო უნი­ვერ­სიტეტად და მისი მართვის ორგანოებს (მმართველ სუბიექტებს) (აკადემიურ საბჭოს, წარმომადგენლობით საბჭოს, რექტორს, ადმინისტრაციის ხელმძღვანელს და ხარისხის უზრუნველყოფის სამსახურს), ასევე, ძირითადი საგანმანათლებლო ერთეულის მართვის ორგანოებს (მმართველ სუბიექტებს) (ძირითადი საგანმანათლებლო ერთეულის საბჭოს, ძირითადი საგანმანათლებლო ერთეულის დეკანს, ძირითადი საგანმანათლებლო ერთეულის ხარისხის უზრუნველყოფის სამსახურს) უფლებამოსილება განესაზღვროს დარჩენილი ვადით.

2. საჯარო სამართლის იურიდიული პირი – გორის სახელმწიფო სასწავლო უნივერსიტეტი ჩაით­ვალოს არასამეწარმეო (არაკომერციული) იურიდიული პირის –  გორის სახელმწიფო სასწავლო უნივერსიტეტის (საიდენტიფიკაციო კოდი – 218076542)   სამართალმემკვიდრედ.

 3. საქართველოს განათლებისა და მეცნიერების სამინისტრომ უზრუნველყოს საჯარო სამართლის იურიდიული პირის –  გორის სახელმწიფო სასწავლო უნივერსიტეტის წესდების დამტკიცება.

4. საჯარო სამართლის იურიდი­ული პირის −  გორის სახელმწიფო სასწავლო უნივერსიტეტის დამ­ფუძ­­ნებ­­ლად განისაზღვროს  სახელმწიფო,  რომელსაც  წარმოადგენს საქარ­­თვე­ლოს განათლებისა და მეცნიერების სამინისტრო.

 5. საჯარო სამართლის იურიდი­ულ პირს −  გორის სახელმწიფო სასწავლო უნი­ვერ­სი­ტე­ტს ქონება გადაცეს  კანონმდებლობით  დადგენილი წესით.

6. ძალადაკარგულად გამოცხადდეს ,,საჯარო სამართლის იურიდიული პირის – გორის სასწავლო უნივერსიტეტის რეორგანიზაციის შესახებ“ საქართველოს მთავრობის 2011 წლის პირველი დეკემბრის №458 დადგენილება.

7. ამ მუხლის მე-6 პუნქტის საფუძველზე ეთხოვოს საჯარო რეესტრს არასამეწარმეო (არაკომერციული) იურიდიული პირის – გორის სახელმწიფო სასწავლო უნივერსიტეტის (საიდენტიფიკაციო კოდი – 218076542)   რეგისტრაციის ძალადაკარგულად გამოცხადება.