„ბორჯომის მუნიციპალიტეტის 2013 წლის ბიუჯეტის დამტკიცების შესახებ“ ბორჯომის მუნიციპალიტეტის საკრებულოს 2012 წლის 28 დეკემბრის №27 დადგენილებაში ცვლილების შეტანის თაობაზე

'მუხლი1. ბორჯომის ბიუჯეტის ბალანსი

განისაზღვროს ბორჯომის ბიუჯეტის ბალანსი თანდართული რედაქციით:

".

'მუხლი 2. ბორჯომის ბიუჯეტის შემოსულობები, გადასახდელები და ნაშთის ცვლილება   

 განისაზღვროს ბორჯომის ბიუჯეტის შემოსულობები 8.761.8 ათ, ლარით, გადასახდელები  10.537.5 ათ, ლარით და ნაშთის ცვლილება -1.775.7 ათ. ლარით თანდართული რედაქციით:

'მუხლი 3.   ბორჯომის   ბიუჯეტის   შემოსავლები

განისაზღვროს ბორჯომის მუნიციპალიტეტის ბიუჯეტის შემოსავლები 8.701.8 ათასი ლარის ოდენობით:

".

'მუხლი  5.         ბორჯომის    ბიუჯეტის     გრანტები

განისაზღვროს ბორჯომის მუნიციპალიტეტის ბიუჯეტის გრანტები 3.625.8  ათასი ლარის ოდენობით:

".

'მუხლი 7. ბორჯომის  ბიუჯეტის   ხარჯები

განისაზღვროს ბორჯომის მუნიციპალიტეტის ბიუჯეტის ხარჯები 7.079.6 ათასი ლარის ოდენობით, თანდართული რედაქციით:

".

'მუხლი 8.   ბორჯომის  მუნიციპალიტეტის ბიუჯეტის  არაფინანსური აქტივების ცვლილება

ა)  განისაზღვროს ბორჯომის მუნიციპალიტეტის ბიუჯეტის არაფინანსური აქტივების ცვლილება 3.308.3   ლარის ოდენობით, მათ შორის:

ბ) განისაზღვროს ბორჯომის მუნიციპალიტეტის ბიუჯეტის არაფინანსური აქტივების ზრდა 3.368.3  ლარის ოდენობით,

გ) განისაზღვროს ბორჯომის მუნიციპალიტეტის არაფინანსური აქტივების კლება 60.0 ათასი ლარის ოდენობით   თანდართული რედაქციით:

".

'მუხლი 9. ბორჯომის მუნიციპალიტეტის ბიუჯეტის ხარჯებისა და არაფინანსური  აქტივების ზრდის ფუნქციონალური კლასიფიკაცია

განისაზღვროს ბორჯომის მუნიციპალიტეტის  ბიუჯეტის ხარჯებისა და არაფინანსური აქტივების ზრდა 3.368.3  ლარით ფუნქციონალურ ჭრილში, თანდართული რედაქციით:

".

მუხლი 10. ბორჯომის მუნიციპალიტეტის ბიუჯეტის მთლიანი სალდო

განისაზღვროს ბორჯომის მუნიციპალიტეტის ბიუჯეტის მთლიანი სალდო -1.686.0  ათასი ლარის ოდენობით.'.

'მუხლი 13. ბორჯომის  მუნიციპალიტეტის  ბიუჯეტის  სარეზერვო  ფონდი

ბორჯომის მუნიციპალიტეტის ბიუჯეტით გაუთვალისწინებელი გადასახდელების დაფინანსების მიზნით ბორჯომის           მუნიციპალიტეტის  ბიუჯეტში შეიქმნას სარეზერვო ფონდი 27.8 ათასი ლარის ოდენობით. '.

'მუხლი 15. მოსახლეობის სოციალური უზრუნველყოფა

      მოსახლეობის სოციალური უზრუნველყოფის პროგრამისათვის გამოყოფილი ასიგნებების 1.339.8 ათასი ლარის განკარგვა ხორციელდება მუნიციპალიტეტის საკრებულოს მიერ დადგენილი წესის და საქართველოს კანონმდებლობის შესაბამისად.'

„მუხლი 16. მუნიციპალიტეტის ბიუჯეტის პრიორიტეტები და პროგრამები

1. თავდაცვა  და უსაფრთხოება

ქვეყნის თავდაცვისუნარიანობის ხარისხის ამაღლების ხელშეწყობის მიზნით ქ. ბორჯომში ხორციელდება სამხედრო აღრიცხვის და გაწვევის, წვევამდელთა სამედიცინო შემოწმებისა და ტრანსპორტირების ღონისძიებები.

მოსახლეობის სტიქიური მოვლენების, უბედური შემთხვევების და სხვა საგანგებო სიტუაციების შემთხვევაში დახმარების გასაწევად სულ უფრო დიდ მნიშვნელობას იძენს სამაშველო სამსახურის ოპერატიული მოქმედება, მათი მზადყოფნა დროული და სათანადო დახმარების აღმოსაჩენად. აუცილებელია პერსონალის სახანძრო და სამაშველო ტექნიკური ინვენტარით უზრუნველყოფა. პერსონალისათვის სათანადო ხარისხის ინდივიდუალური და ჯგუფური წვრთნების ჩატარება და პროფესიული დონის ამაღლება.

1.1. საგანგებო სიტუაციების მართვა (პროგრამული კოდი 02 01)

      უსაფრთხოების უზრუნველყოფის ხარისხის გაუმჯობესების მიზნით საჭიროა არსებული ტექნიკური ბაზის განახლება და საჭირო სამაშველო და სახანძრო ტექნიკის აღჭურვილობის შეძენა, მეხანძრე-მაშველთათვის სოციალური პირობების გაუმჯობესება.

1.3. ქვეყნის თავდაცვისუნარიანობის ამაღლების ხელშეწყობა (პროგრამული კოდი 02 03)

საქართველოს შეიარაღებული ძალების საბრძოლო მზადყოფნის ამაღლებისათვის ქ. ბორჯომში ხორციელდება წვევამდელთა ჯანმრთელობის მდგომარეობის გამოკვლევა და მათი გაწვევის პუნქტებამდე ტრანსპორტირების უზრუნველყოფა.

2. ინფრასტრუქტურის მშენებლობა, რეაბილიტაცია და ექსპლოატაცია (პროგრამული კოდი 03 00)

    ბორჯომის მუნიციპალიტეტის ეკონომიკური განვითარებისათვის აუცილებელ პირობას წარმოადგენს მუნიციპალური ინფრასტრუქტურის შემდგომი გაუმჯობესება. ბიუჯეტის ერთ-ერთ მთავარ პრიორიტეტს წარმოადგენს კეთილმოწყობის ღონისძიებები. მუნიციპალური ინფრასტრუქტურის მშენებლობისა და რეაბილიტაციის გარდა განხორციელდება არსებული ინფრასტრუქტურის მოვლა შენახვა და  მის ექსპლოატაციასთან დაკავშირებული ხარჯები.

2.1.  საგზაო ინფრასტრუქტურის მშენებლობა-რეაბილიტაცია და მოვლა-შენახვა (პროგრამული კოდი 03 01)

        პროგრამით გათვალისწინებულია მუნიციპალიტეტის ტერიტორიაზე გზების,  ხიდების, ქუჩის ფეხით სავალი ნაწილების  რეაბილიტაცია, ცენტრალური და შიგასაქალაქო გზების მოწესრიგება.   

2.1.1 მუნიციპალიტეტის ტერიტორიაზე გზების რეაბილიტაცია   (პროგრამული კოდი 03 01 01)

ქვეპროგრამის ფარგლებში განხორციელდება მუნიციპალიტეტში არსებული რეაბილიტირებული ცენტრალური გზების მდგომარეობის შენარჩუნება და ახალი, მეორე მნიშვნელობის გზებისა და შიგა საქალაქო გზების რეაბილიტაცია, კერძოდ: განხორვიელდება სოფელ მზეთამზის გზის რეაბილიტაცია.  ქ. ბორჯომში სააკაძის, გამარჯვების, გოგიას ციხის და მიმდებარე ჩიხების და  დაბა ახალდაბაში რუსთაველისა და ყაზბეგის ქუჩების რეაბილიტაცია

2.1.2.  მუნიციპალიტეტის ტერიტორიაზე ხიდების რეაბილიტაცია (პროგრამული კოდი 03 01 03)

    ქვეპროგრამით განხორციელდება მუნიციპალიტეტის ტერიტორიაზე არსებული ხიდების აღდგენა, კერძოდ განხორციელდება სოფელ ყვიბისში საფეხმავლო ხიდის  და ცენტრალური პარკის ტერიტორიაზე ხიდების რეაბილიტაცია.

2.2.3. ქუჩების გაწმენდა თოვლისა და ყინულის საფარისაგან (პროგრამული კოდი  03 01 05)

ქვეპროგრამის ფარგლებში ზამთრის პერიოდში განხორციელდება გზების ტექნიკური მარილით დამუშავება და გაწმენდა, ხოლო დიდთოვლიანობის შემთხვევაში ჭარბი თოვლისაგან გათავისუფლება.

2.2.  კომუნალური ინფრასტრუქტურის მშენებლობა-რეაბილიტაცია და ექსპლოატაცია (პროგრამული კოდი 03 02)

პროგრამის ფარგლებში განხორციელდება გარე განათების არსებული ქსელის მოვლა-შენახვა და დაფინანსდება მის ექსპლოატაციასთან დაკავშირებული ხარჯები. უზრუნველყოფილი იქნება ქ. ბორჯომის დასუფთავება და მაწანწალა ცხოველებისგან დაცვა.

2.2.1. ბორჯომის შემოსასვლელში სტელის აღდგენა და საყრდენი კედლების რეაბილიტაცია (პროგრამული კოდი 03 02 01)

ქვეპროგრამით განხორციელდება მუნიციპალიტეტის ტერიტორიაზე საყდენი კედლების მოწყობა. კერძოდ: ბორჯომის მუნიციპალიტეტში ნიკოლაძის, საბარგოს, სააკაძის ქუჩებზე,  სოფლებში: ყვიბისსა და რველში.

2.2.2.   მრავალსართულიანი  ბინების სახურავების ლიფტების, ფასადების და სარდაფებში არსებული კომუნიკაციების   რეაბილიტაცია (პროგრამული კოდი 03 02 02)

მუნიციპალიტეტის საკუთრებაში საკმაოდ ბევრი მრავალსართულიანი კორპუსია, რომლებიც საჭიროებენ სახურავების, ლიფტების და ფასადების და სარდაფებში არსებული კომუნიკაციების რეაბილიტაციას. შენობების ექსპლუატაციის პერიოდის გათვალისწინებით, ხშირად დგება დღის წესრიგში მათზე მიმდინარე სხვადასხვა სახის სარემონტო სამუშაოების შესრულება. ქვეპროგრამის ფარგლებში განხორციელდება მრავალსართულიანი კორპუსების  სახურავების რეაბილიტაცია, კერძოდ: რეაბილიტაცია ჩაუტარდება სოფელ ბალანთაში ტერიტორიული ორგანოს სახურავს.

  2.2.2. ნარჩენების  შეგროვება, გატანა კეთილმოწყობის ობიექტების დასუფთავება, ნაგავმზიდი სპეც. მანქანის და სანაგვე ურნების შესყიდვა (პროგრამული კოდი 03 02 03)

      ქვეპროგრამის ფარგლებში გათვალისწინებულია ქალაქის ყოველდღიური დაგვა-დასუფთავება და ნარჩენების გატანა, ასევე საცხოვრებელი კორპუსების შიდა ბუნკერების და გარე ქსელის ბუნკერების საყოფაცხოვრებო ნარჩენებისგან გათავისუფლება. ექსპლოატაციაში შევა ახალი ნაგავსაყრელი სრული დატვირთვით, რაც გააუმჯობესებს ქალაქის სანიტარულ და ეკოლოგიურ მდგომარეობას. ზამთრის პერიოდში განხორციელდება გზების ტენიკური მარილით დამუშავება, ხოლო დიდთოვლიანობის შემთხვევაში ჭარბი თოვლისგან გათავისუფლება.

    2.2.3. წყალსადენებისა და საკანალიზაციო სისტემების მოწყობა რეაბილიტაცია და მოვლა-პატრონობა (პროგრამის კოდი   03 02 04)

       ქვეპროგრამის ფარგლებში გათვალისწინებულია მუნიციპალიტეტის ტერიტორიაზე წყალსადენის სისტემის რეაბილიტაცია, მოსახლეობის 24 საათიანი, სუფთა წყლით უზრუნველყოფა, ასევე საკანალიზაციო სისტემების რეაბილიტაცია და მოვლა-პატრონობა. განხორციელდება საკანალიზაციო სისტემის მოწყობა ლიკანში გოგებაშვილისა და რაზმაძის ქუჩაზე. განხორციელდება ინაურის, გამარჯვების, გიორგი ბრწყინვალის, მაჩაბელის, იყალთოელის ქუჩებზე საკანალიზაციო სისტემის ახალ ქსელზე დაერთება.

    2.2.4. გარე განათების მოწყობა, რეაბილიტაცია და ექსპლოატაცია (პროგრამული კოდი 03 02 05)

      დღე-ღამის ნებისმიერ დროს მოსახლეობის კომფორტული და უსაფრთხო გადაადგილებისათვის აუცილებელ პირობას წარმოადგენს ქალაქის განათება, რისი გათვალისწინებითაც ქვეპროგრამის ფარგლებში დაფინანსდება გარე განათების არსებული ქსელის ექსპლოატაცია, რეაბილიტირებულ გზებზე და შიდა კვარტალურ ეზოებში ახალი სანათი წერტილების მოწყობა, კერძოდ ქ.ბორჯომში შიგა ქუჩების, დაბა ბაკურიანსა და ახალდაბაში მოეწყობა გარე განათება ასევე განხორციელდება  სოფლების ცემის, დიდი მიტარბის, ჭობისხევის, ქვაბისხევის, ბალანთის და ტაბაწყურის გარე განათების დაერთების სამუშაოები.

2.2.5. სარიტუალო დარბაზების კეთილმოწყობა და ჭურჭლის შეძენა სასაფლაოებისა და ეკლესიების შემოღობვა (პროგრამული კოდი 03 02 06)

ქვეპროგრამის ფარგლებში განხორციელდება სარიტუალო დარბაზების მშენებლობა, რეაბილიტაცია და დარბაზებისთვის ინვენტარის და ჭურჭლის შეძენა. აგრეთვე, ქალაქ ბორჯომის სასაფლაოების შემოღობვა, კერძოდ დაგეგმილია  დაბა ახალდაბაში სარიტუალო სახლის მშენებლობა.

2.2.6   სტიქიის შედეგად მიყენებული  ზიანის  აღმოფხვრის ღონისძიებები (პროგრამული კოდი 03 02 07)

ქვეპროგრამით განხორციელდება  სტიქიის შედეგად  მიყენებული ზიანის აღმოფხვრა, დაზიანებული შენობების გაწმენდა რეაბილიტაცია. დაზარალებული მოსახლეობის დახმარება. ტყის მასივში გაჩენილი ხანძრის სალიკვიდაციო  სამუშაოები. ორბელიანის ქუჩაზე საყრდენი კედლის რეაბილიტაცია.

     2.3. ქალაქის კეთილმოწყობის ღონისძიებები (პროგრამული კოდი 03 03)

პროგრამის ფარგლებში განხორციელდება არსებული სკვერებისა და პარკების კეთილმოწყობის სამუშაოები, შადრევნების მოწყობა, მოვლა-შენახვა და ექსპლოატაცია, საგზაო ნიშნების გადასასვლელებისა და ფეხით მოსიარულეთა ტროტუარების მოწყობა, სადღესასწაულო დღეებისათვის ქალაქის გაფორმება, ქალაქის საკუთრებაში არსებული სხვადასხვა შენობების რეაბილიტაცია და სხვა ღონისძიებები.

      2.3.1 სანიაღვრე და სარწყავი არხების გაწმენდა და კეთილმოწყობა  (პროგრამული კოდი 03 03 01)

     ქვეპროგრამის ფარგლებში განხორციელდება არსებული სანიაღვრე და სარწყავი არხების ექსპლოატაცია, გაწმენდა და საჭიროების შემთხვევაში მათი რეაბილიტაცია. ასევე განხოციელდება ქალაქში საჭიროების შემთხვევაში ახალი სანიაღვრეების მიერთება ცენტრალურ სისტემებთან.

       2.3.2. ხეების   გადაბელვა, შეწამლვა  ქუჩების გამწვანება და სკვერების კეთილმოწყობა (პროგრამული კოდი 03 03 02)

    ქვეპროგრამის ფარგლებში განხორციელდება არსებული გამწვანების მოვლა-პატრონობა, ახალი ხეების დარგვა და გამწვანების ზოლებში ყვავილებისა და სხვა დეკორატიული მცენარეების განაშენიანება. განხორციელდება არსებული სკვერებისა და პარკების მოვლა–პატრონობა და მათი კეთილმოწყობა, მოწესრიგდება გამწვანების ზოლები.

      2.4.  ეკონომიკური საქმიანობა  (პროგრამული კოდი 03  04)

   ფიზიკური პირებისა და ფერმერების უზრუნველყოფა ვეტერინარების ხარისხიანი მომსახურებით და კონსულტაციით, ასევე აცრების ჩატარება.

2.4.1. ვეტერინალური მომსახურეობის პროგრამა ( პროგრამული კოდი 03 04 01)

      პროგრამის ფარგლებში განხორციელდება მუნიციპალიტეტის სოფლებში და საძოვრებზე ვეტერინარული მომსახურება. ბიოლოგიური და ქიმიურ-ფარმაცევტული საშუალებებით ცხოველთა დაავადებების პროფილაქტიკა და დიაგნოსტიკა. საძოვრებზე მიევლინებიან ვეტერინარი სპეციალისტები, რომლებიც უზრუნველყოფენ ცხოველებისთვის საშიში გადამდები სნეულებების   კერების ლოკალიზებას. 

  2.5. გამწვანება (პროგრამული კოდი 03  05)

     ქვეპროგრამის ფარგლებში განხორციელდება ქალაქის ტერიტორიაზე არსებული გამწვანების მოვლა–პატრონობა, ახალი ხეების დარგვა და გამწვანების ზოლებში ყვავილებისა და სხვა დეკორატიული მცენარეების განაშენიანება.

2.6.    სოფლის მხარდაჭერის პროგრამა (პროგრამული კოდი 03  06)

      ქვეპროგრამის ფარგლებში განხორციელდება სოფლებისთვის პრიორიტეტული სოციალ-ეკონომიკური პროექტები. აღნიშნულ სამუშაოებში ჩართული იქნება სოფლის მოსახლეობა. პროგრამით გათვალიწინებული თანხა წარიმართება სოფლის პირველი რიგის სოციალ-ეკონომიკური საჭიროებათა დასაფინანსებლად.

 2.7.   სამშენებლო სარემონტო, სახარჯთაღრიცხვო და საპროექტო დოკუმენტაციის შედგენა (პროგრამული კოდი 03 07)

ქალაქში დაგეგმილი სამშენებლო-სარეაბილიტაციო სამუშაოების საფუძველს მოქმედი სამშენებლო ნორმებითა და წესების გათვალისწინებით შესაბამისი საპროექტო-სახარჯთაღრიცხვო დოკუმენტაცია წარმოადგენს, ხოლო საჭიროების შემთვევებში აუცილებელია შესაბამისი გეოლოგიური კვლევების წარმოებაც, ასევე აუცილებელია სამშენებლო-სარეაბილიტაციო სამუშაოების  ტექნიკური ზედამხედველობა და შესრულებულ სამუშაოებზე შესაბამისი ექსპერტიზის ჩატარება, რომლის ფარგლებშიც ხორციელდება შესრულებული სამუშაოების საპროექტო-სახარჯთაღრიცხვო დოკუმენტაციასთან შესაბამისობის დადგენა. ქვეპროგრამის ფარგლებში გათვალისწინებულია ზემოღნიშნული ღონისძიებების განხორციელებისათვის საჭირო ხარჯების დაფინანსება.

2.8.    საცხოვრებელი და არასაცხოვრებელი   შენობების  რეაბილიტაცია (პროგრამული კოდი 03 08)

      ქვეპროგრამის ფარგლებში განსაზღვრულია  დაბა წაღვერში  დაბის სახლის შენობის გაზიფიცირება, რაც უზრუნველყოფს შენობაში განთავსებული სხვადასხვა სამსახურებისათვის კომფორტული გარემოს შექმნას. 

3. განათლება (პროგრამული კოდი 04 00)

მომავალი თაობების აღზრდის მიმართულებით დაწყებითი და ზოგადი განათლების გარდა მნიშვნელოვანი როლი ენიჭება ასევე სკოლამდელ განათლებას, რაც თვითმმართველი ერთეულის საკუთარ უფლებამოსილებებს განეკუთვნება და შესაბამისად თვითმმართველობის ერთ-ერთ პრიორიტეტს წარმოადგენს, რომლის ფარგლებში მომდევნო წლებში განხორციელდება საბავშვო ბაღების ფუნქციონირებისათვის საჭირო ხარჯების დაფინანსება, სკოლამდელი განათლების  ხელშეწყობა.

3.1 ააიპ  “ბორჯომის ჯანმრთელი მომავალი“(პროგრამული კოდი 04 01)

ბორჯომის მუნიციპალიტეტში ამ ეტაპზე ფუნქციონირებს 10 საბავშვო ბაღი, სადაც დაწყებით განათლებას იღებს 628  ბავშვი. საბავშვო ბაღებში ერთი ბავშვის სწავლის ღირებულება შეადგენს 20  ლარს და აღნიშნული თანხით ძირითადად ფინანსდება ბავშვების კვების ხარჯები. სწავლის საფასურის 50%-ს გადაიხდიან დევნილი, სოციალურად დაუცველი,  და-ძმა და ობოლი ბავშვების კატეგორია. პროგრამის ფარგლებში ქალაქის ბიუჯეტი აფინანსებს ბაღების ფუნქციონირებასთან დაკავშირებულ ყველა სხვა ხარჯს, მათ შორის მასწავლებელთა და აღმზრდელთა ხელფასებს და ბაღების სხვა მიმდინარე ხარჯებს. ასევე  განხორციელდება არსებული ბაღების რეაბილიტაცია.

3.2.საჯარო სკოლების ფინანსური დახმარება (პროგრამული კოდი 04 02)

პროგრამის ფარგლებში ფინანსდება ბორჯომის მუნიციპალიტეტის საჯარო სკოლებში მოსწავლეთა ტრანსპორტირების ხარჯები.

4.კულტურა, რელიგია ახალგაზრდობის ხელშეწყობა და სპორტი (პროგრამული კოდი 05 00)

ინფრასტრუქტურული და ეკონომიკური განვითარების პარალერულად აუცილებელია ხელი შეეწყოს კულტურული ტრადიციების დაცვას და ღირსეულ გაგრძელებას. ამასთანავე, ერთ-ერთი პრიორიტეტია ახალგაზრდების მრავალმხრივი (როგორც სულიერი, ისე ფიზიკური თვალსაზრისით) განვითარების ხელშეწყობა და მათში ცხოვრების ჯანსაღი წესის დამკვიდრება. შესაბამისად, თვითმმართველობა განაგრძობს კულტურული ობიექტების ფინანსურ მხარდაჭერას, წარმატებული სპორტსმენების ხელშეწყობას და შესაბამისი პირობების შექმნას, რათა ნიჭიერმა ბავშვებმა და ახალგაზრდებმა შეძლონ მათი სპორტული შესაძლებლობების გამოვლინება. ასევე ახალგაზრდებში ცხოვრების ჯანსაღი წესის წახალისების მიზნით გასატარებელ ღონისძიებებს.

1. სპორტის განვითარების ხელშეწყობა (პროგრამული კოდი 05 01)

პროგრამის ფარგლებში განხორციელდება სხვადასხვა სპორტული ორგანიზაციების და კლუბების ფინანსური მხარდაჭერა, რათა მათ ჰქონდეთ შესაძლებლობა უზრუნველყონ სპორტსმენებისათვის სავარჯიშოდ შესაბამისი პირობების შექმნა და ნიჭიერი სპორტსმენების წახალისება. ქვეპროგრამის მოიცავს სკოლის მოსწავლეთა ჩართულობას სპორტულს შეჯიბრებებში.

4.1.1 ააიპ „ბორჯომის სკოლისგარეშე სასპორტო გაერთიანება“(პროგრამული კოდი 05 01 01)

ქვეპროგრამა მოიცავს ააიპ „ბორჯომის სკოლისგარეშე სასპორტო გაერთიანების“ 392-მდე სპორტსმენის დაფინანსებას, გაერთიანება მოიცავს სპორტის 15 სახეობას და უზრუნველყოფს ამ სახეობების განვითარებას, მოზარდთა მაქსიმალური რაოდენობის ჩაბმას და მათთვის საწვრთნელი პირობების შექმნას.

4.1.2. სპორტული ღონისძიებები (პროგრამული კოდი 05 01 02)

ქვეპროგრამით განხორციელდება მუნიციპალიტეტში სხვადასხვა სპორტული ღონისძიებები,  ტურნირები კალათბურთში, ფრენბურთში სკოლის მოსწავლეთა შორის, მხიარული სტარტები  და მინიფეხბურთი მოსწავლეთა შორის, რესპუბლიკური ტურნირები ძიუდოში, ბერძნულ-რომაულ ჭიდაობაში, მოხდება წარმატებული სპორტსმენების დაჯილდოება წახალისება მიღწეული შედეგებისათვის.

4.2 კულტურის განვითარების ხელშეწყობა (პროგრამული კოდი 05 02)

კულტურული ტრადიციების დაცვის მიზნით პროგრამის ფარგლებში გაგრძელდება სხვადასხვა კულტურული ობიექტების ფინანსური მხარდაჭერა, ასევე განხორციელდება სხვადასხვა კულტურული ღონისძიებები, მათ შორის სადღესასწაულო დღეებში სხვადასხვა გასართობი და სანახაობრივი ღონისძიებები.

4.2.1.  სამუსიკო სკოლა (ქვეპროგრამის კოდი 05 02 01)

ქვეპროგრამის ფარგლებში ფინანსდება  მუსიკალური სკოლა, სადაც სწავლობს 230-მდე მოსწავლე; პროგრამის მიზანია მისცეს მოსწავლეებს დაწყებითი სამუსიკო განათლება და აზიაროს მუსიკალური ხელოვნების საფუძვლებს.

4.2.2. საბიბილიოთეკო გაერთიანება (ქვეპროგრამის კოდი 05 02 02)

      ქვეპროგრამის ფარგლებში ფინანსდება ააიპ „ბორჯომის საბიბლიოთეკო გაერთიანება“, სადაც ხდება ბიბლიოგრაფიული და საინფორმაციო მუშაობის ხელშეწყობა, წიგნადი ფონდების შევსება დაკომპლექტება და სრული აღრიცხვა, ყველა ასაკის მკითხველის მომსახურება საჭირო ინფორმაციით და საბიბლიოთეკო დოკუმენტებით.

4.2.3. კულტურისა და ხელოვნების ცენტრი (ქვეპროგრამის კოდი 05 02 03)

    ქვეპროგრამა ითვალისწინებს: ააიპ „კულტურისა და ხელოვნების ცენტრის“ მიერ ორგანიზებული ღონისძიებების დაფინანსებას, როგორებიცაა: ხელოვნების დარგების განვითარების ხელშეწყობა, თეატრის აღორძინება, ნიჭიერი ინდივიდუალური შემსრულებლებისა და შემოქმედებითი კოლექტივების საქმიანობის ხელშეწყობა, სამუსიკო და ქორეოგრაფიული ნიმუშების შესწავლისა და პოპულარიზაციისათვის სათანადო პირობების შექმნა.

4.2.4.  თოჯინების თეატრი (პროგრამული კოდი 05 02 04)

    პროგრამის ფარგლებში დაფინანსდება ააიპ “ბორჯომის თოჯინების თეატრი”, რომელიც უზრუნველყოფს სხვადასხვა ღონისძიებების გამართვას, რომლებიც ხელს შეუწყობს ახალგაზრდა თაობის მეტ ჩართულობას ქალაქის ყოველდღიურ საქმიანობასა და მის განვითარებაში. სსიპ თოჯინების თეატრის მიერ ორგანიზებული ღონისძიებების დაფინანსებას, როგორებიცაა: მხატვრული აღზრდის პროპაგანდა, ეროვნული თეატრალური ხელოვნების განვითარება, სასცენო ხელოვნების განმტკიცება, ტრადიციების აღორძინება და განვითარება, ზოგადსაკაცობრიო იდეალების ბავშვებში ზნეობრივი და სულიერი სამყაროს გამდიდრება და პატრიოტული სულისკვეთების განმტკიცება. 2013 წელს თეატრი გეგმავს სამი ახალი სპექტაკლის დადგმას.

   4.2.5.  ეროვნული და ადგილობრივი დღესასწაულები (პროგრამული კოდი 05 02 05)

       ქვეპროგრამის ფარგლებში ხორციელდება სხვადასხვა კულტურული ღონისძიებების ორგანიზება და სადღესასწაულო ღონისძიებების მოწყობა.

• ბაკურიანობა
• დედის დღე
• ინტელექტუალური თამაშები ( რა? სად? როდის?)
• 1 აპრილი -„სიცილის დღე“ - მხიარულთა და საზრიანთა ფესტივალი
• შეხვედრა კინორეჟისორ რეზო ჩხეიძესთან
• 26 მაისი - დამოუკიდებლობის დღე
• ბავშვთა დაცვის საერთაშორისო დღე - 1ივნისი
• ბორჯომ-ქალაქობა - 2013
• საახალწლო ღონისძიებები
• სხვა კულტურული ღონისძიებები

4.2.6.  ბორჯომის ცენტრალური ისტორიული პარკის მოვლა-პატრონობა  (პროგრამული კოდი 05 02 06)   

    ქვეპროგრამით განხორციელდება  ა (ა) იპ „ბორჯომის ცენტრალური პარკის“ დაფინანსება ბორჯომის ცენტრალური პარკის მოვლა-პატრონობა და იერსახის შენარჩუნება. განხორციელდება ბორჯომის ცენტრალური პარკის მიმდებარე ტერიტორიის, კერძოდ 9 აპრილის ქუჩის რეაბილიტაცია.

4.3. ბორჯომ-ბაკურიანის ეპარქია (პროგრამული კოდი 05 03 01)

ქვეპროპროგრამის ფარგლებში განხორციელდება თვითმმართველობის ტერიტორიაზე არსებული ეკლესია-მონასტრების ფინანსური მხარდაჭერა, ასევე ზოგიერთ ტაძარსა და მის მიმდებარე ტერიტორიაზე განხორციელდება მცირე სარეაბილიტაციო სამუშაოები.

4.4 საინფორმაციო მომსახურება  (პროგრამული კოდი 05 04)

     პროგრამით განხორციელდება განცხადებებისა და ინფორმაციის გამოქვეყნება პრესასა და ტელევიზიაში, რაც უზრუნველყოფს მოსახლეობისათვის ინფორმაციის მიწოდებას.

5.  მოსახლეობის ჯანმრთელობის დაცვა და სოციალური უზრუნველყოფა (პროგრამული კოდი 06 00)

  მოსახლეობის ჯანმრთელობის დაცვის ხელშეწყობა და მათი სოციალური დაცვა ერთ-ერთ მთავარ პრიორიტეტს წარმოადგენს. თვითმმართველობა არსებული რესურსების ფარგლებში განაგრძობს სოციალურად დაუცველი მოსახლეობის სხვადასხვა დახმარებებითა და შეღავათებით უზრუნველყოფას. ერთიანი სახელმწიფო პოლიტიკის ფარგლებში გაგრძელდება საზოგადოებრივი ჯანმრთელობის დაცვის მიზნით ადგილობრივ დონეზე სხვადასხვა ღონისძიებების განხორციელება, რაც უზრუნველყოფს არა მხოლოდ მუნიციპალიტეტის, არამედ მთელი ქვეყნის მოსახლეობის ჯანმრთელობის დაცვას სხვადასხვა გადამდები და ინფექციური დაავადებებისაგან. 

5.1. საზოგადოებრივი ჯანდაცვის მომსახურება (პროგრამული კოდი 06 01)

პროგრამა ითვალისწინებს სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში „საზოგადოებრივი ჯანმრთელობის შესახებ“ საქართველოს კანონით განსაზღვრული ფუნქციების დაფინანსებას, კერძოდ:

• არსებობის შემთხვევაში ცოფის კერის ლიკვიდაცია და დაკბენილი მოსახლეობის ზუსტი აღრიცხავა, სასწრაფო შეტყობინების სისტემის დახვეწა და გაუმჯობესება;
• დაავადებათა გავრცელების ეტაპობრივი შემცირება მისი კონტროლის გზით. ეპიდსიტუაციის გამწვავების დროული გამოვლენის ხელშეწყობა და მათზე სწრაფი რეაგირება, პროფილაქტიკურ ღონისძიებათა გატარება;
• მუნიციპალიტეტის მოსახლეობაში არაგადამდებ დაავადებათა პრევენციის და ჯანმრთელობაზე მავნე ფაქტორების ზემოქმედებაზე მოსახლეობის ინფორმირების გზით ჯანმრთელობის დაცვის ხელშეწყობა;
• ჯანმრთელობისათვის მნიშვნელოვანი ინფექციური და არაგადამდები დაავადებებისა და მასობრივი მოშხამვების, აგრეთვე პროფესიული დაავადებების თავიდან აცილება;
• მუნიციპალიტეტში არსებული სანიტარულ-ჰიგიენური მგომარეობის მონიტორინგი, მოსახლეობისათვის ჯანსაღი გარემოს შექმნის ხელშეწყობის მიზნით ბორჯომის მუნიციპალიტეტის დასახლებულ ტერიტორიებზე ადამიანისათვის საშიში და შხამიანი ცხოველების ცხოველმყოფელობის დადგენისა და გაუვნებელყოფის ღონისძიებები.

5.1.1. ჯანდაცვის ცენტრი (პროგრამული კოდი 06 01 01)

ქვეპროგრამის ფარგლებში ზედამხედველობის სისტემით მიღებული მონაცემების რეგისტრაცია, შეფასება, დაზუსტება, სტატისტიკური ანგარიშგება და გადაცემა დადგენილი წესის მიხედვით, პირველადი ეპიდკვლევის განხორციელება და ეპიდსაწინააღმდეგო ღონისძიებების დაგეგმვა-ანგარიშგება. მუნიციპალიტეტის ტერიტორიაზე  გადამდებ დაავადებებზე ინფორმაციის დამუშავება და მათი პრევენცია. იმუნოპროფილაქტიკის ლოჯისტიკის უზრუნველყოფა. მუნიციპალიტეტის ტერიტორიაზე გადამტანების ფაუნის გავრცელების შესწავლა, დადგენა პარაზიტული დაავადებების პირველადი ეპიდკვლევა, საგანმანათლებლო სააღმზრდელო მნიშვნელობის დაწესებულებებში სანიტარული და ჰიგიენური ნორმების ზედამხედველობა.

5.1.2. დერატიზაციის ღონისძიებები (პროგრამული კოდი 06 01 02)

 ქვეეპროგრამის ფარგლებში განხორციელდება მღრღნელების და ინფექციის გადამტანი ცხოველების ლიკვიდაცია. ნაგვის ბუნკერების, ნაგვის შემკრები კონტეინერების,  ნაგავსაყრელზე სადეზინფექციო დერატიზაციის და დეზინსექციის  სამუშაოების ჩატარება.  მუნიციპალიტეტის ტერიტორიაზე ეპიდსიტუაციის გაუმჯობესება; ჯანმრთელობისათვის უსაფრთხო გარემოს   უზრუნველყოფა.

5. 2. მოსახლეობის სოციალური უზრუნველყოფა (პროგრამული კოდი 06 02)

პროგრამა ითვალისწინებს ბორჯომის მუნიციპალიტეტის  ტერიტორიაზე მცხოვრები მოსახლეობის სხვადასხვა ფენებისათვის გარკვეული შეღავათებითა და სოციალური დახმარებებით უზრუნველყოფას. სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში კანონმდებლობით გათვალისწინებული სარიტუალო მომსახურების ხარჯების ანაზღაურებას, მოხუცებულთა, მიუსაფართა და სოციალურად დაუცველთა კვებით და საცხოვრებელი ფართით უზრუნველყოფას, დემოგრაფიული მდგომარეობის გაუმჯობესების მიზნით მრავალშვილიანი ოჯახების დახმარებას და სხვა სოციალურ ღონისძიებებს, რომლებიც მთლიანობაში უზრუნველყოფენ ბორჯომის მუნიციპალიტეტის მოსახლეობის სოციალური მდგომარეობის გაუმჯობესებას.

5.2.1.  სოციალურად დაუცველი  ფენის სტაციონარული სამედიცინო მომსახურება (პროგრამული კოდი 06 02 01)

აღნიშნული ქვეპროგრამით  დაფინანსდებიან  სოციალურად დაუცველი პირები, რომლებიც რეგისტრირებულნი არიან ,,სოციალურად დაუცველი ოჯახების მონაცემთა ერთიან ბაზაში“ და მინიჭებული აქვთ 70001-დან 160000 ქულამდე სოციალურ ეკონომიკური მდგომარეობის ამსახველი სარეიტინგო ქულა და აგრეთვე გამონაკლის შემთხვევაში ის პირები, რომელთა სარეიტინგო ქულა არის 70001-ზე ნაკლები და სამედიცინო დახმარების პოლისის მიღებამდე საჭიროებენ სასწრაფო სამედიცინო დახმარებას. აგრეთვე  იმ სოციალურად დაუცველი ოჯახის წევრი, რომელსაც ესაჭიროება ფიზიოლოგიური მშობიარობა დაფინანსდება 400 ლარით. ამ პროგრამით დაფინანსდებიან ჰემოდიალეზზე მყოფი  პირები, რომლებიც არ არიან ჰემოდიალეზის სახელმწიფო პროგრამაში  ჩართული. ჰემოდიალიზით მკურნალობის მაქსიმალური თანხა განისაზღვრა 4000 (ოთხი ათასი) ლარით. ამ შემთხვევაში არ იქნება გათვალისწინებული ქულათა რაოდენობა. 

მოსახლეობის სტაციონარული სამედიცინო დახმარების ხელშეწყობის პროგრამის ფარგლებში მოქალაქის დაფინანსების მაქსიმალური თანხა გარდა ჰემოდიალეზისა განისაზღვრა 2000  ლარით.  

200 ლარამდე ღირებულების სამედიცინო მომსახურება  დაფინანსდება სრულად.

1000 ლარამდე ღირებულების სამედიცინო მომსახურება დაფინანსდება     50%_ით;

 1000 ლარიდან 3000 ლარამდე _  განისაზღვრება ფორმულით.

 3000 ლარის ზევით დაფინანსდება 2000 ლარით.

გამონაკლის შემთხვევაში ასევე ის პირები, რომლებიც არ არიან რეგისტრირებული „სოციალურად დაუცველი ოჯახების  ერთიან ბაზაში“, მაგრამ საჭიროებენ გადაუდებელ სამედიცინო სტაციონარულ მომსახურებას, რომელიც დადასტურებული იქნება ჩანაწერით ცნობაში ჯანმრთელობის მდგომარეობის შესახებ, დაფინანსდებიან შემდეგნაირად:

1000 ლარამდე მომსახურება დაფინანსდება -50%-ით,

1000 ლარიდან  3000 ლარამდე სამედიცინო მომსახურება დაფინანსდება - 800 ლარით,

3000 ლარს ზევით -  2000 ლარით.

5.2.2.  უფასო სასადილოს დაფინანსება (პროგრამული კოდი 06 02 02)

ქვეპროგრამის ფარგლებში გათვალისწინებულია სოციალურად დაუცველი მოსახლეობისა და სხვა უმწეო მდგომარეობაში მყოფი 220  ბენეფიციარის ყოველდღიურად კვებით უზრუნველყოფა.

1. ვეტერანთა დაკრძალვის ხარჯები (პროგრამული კოდი 06 02 03)

ქვეპროგრამის ფარგლებში გათვალისწინებულია  მიზნობრივი ტრანსფერის ფარგლებში სამშობლოს დაცვისას დაღუპულთა და ომის შემდეგ გარდაცვლილ მეომართა დაკრძალვის ხარჯების ანაზღაურება, თითოეულ ბენეფიციარზე 250 ლარის ოდენობით იძულებით გადაადგილებულ პირთა – დევნილთა დაკრძალვის ხარჯების ანაზღაურება, თითოეულ ბენეფიციარზე 100 ლარის ოდენობით.

1. საქართველოს ტერიტორიული მთლიანობისათვის ომში დაღუპულთა ოჯახების დახმარება  (პროგრამული კოდი 06 02 04)

      ქვეპროგრამის ფარგლებში გათვალისწინებულია აფხაზეთსა და სამაჩაბლოში საქართველოს ტერიტორიული მთლიანობისთვის დაღუპულ  ჯარისკაცთა ოჯახების მატერიალური დახმარება   თითოეულზე 50 ლარის ოდენობით (37 ბენეფიციარი).

1. მეორე მსოფლიო ომის მონაწილეთა ერთჯერადი დახმარება. (პროგრამული კოდი 06 02 05)

    ქვეპროგრამით გათვალისწინებულია ვეტერანებისათვის  ერთჯერადი ფულადი დახმარების გაწევა 50 ლარის ოდენობით თითოეულ ვეტერანზე.  აღნიშნული ღონისძიება არის   მატერიალური და მორალური მხარდაჭერა ვეტერანების მიმართ.  (49 ბენეფიციარი).

5.2.6.   ახალდაბადებული ბავშვიანი ოჯახების დახმარება (პროგრამული კოდი 06 02 06)

    ქვეპროგრამის ფარგლებში დახმარებას მიიღებს მუნიციპალიტეტში მცხოვრები 300-მდე ბენეფიციარი, თითო 100 ლარის ოდენობით, პროგრამის განხორციელება გავლენას იქონიებს დემოგრაფიული მდგომარეობის გაუმჯობესებაზე.

1. 16  წლამდე ასაკის დედ-მამით ობოლი ბავშვების დახმარება (პროგრამული კოდი 06 02 07)

   ქვეპროგრამით გათვალისწინებულია დედ-მამით ობოლ ბავშვთა კვებისა და განათლების მიღებისათვის  ყოველთვიური ფულადი დახმარება 100  ლარის ოდენობით (4 ბენეფიციარი).

5.2.8.    სტიქიის შედეგად დაზარალებული ოჯახების ბინით უზრუნველყოფა (06 02 08)

ქვეპროგრამის ფარგლებში ხორციელდება ხანძრის შედეგად უბინაოდ დარჩენილი ოჯახების  ბინის ქირით უზრუნველყოფა სულ (14  ოჯახი)

1. მუნიციპალიტეტის მოსახლეობის პროგრამული ხარჯი საქალაქო ტრანსპორტზე ტარიფის შესანარჩუნებლად    (პროგრამული კოდი 06 02 11)

                   კვლავ აქტუალური რჩება შიდა საქალაქო ტრანსპორტის გამართული მუშაობის უზრუნველყოფა. საწვავისა და მარაგ ნაწილების სულ უფრო მზარდი ფასები ასახვას პოულობს მგზავრობის საფასურზე. პროგრამის ძირითადი დანიშნულებაა შიდასაქალაქო ტრანსპორტით მოსარგებლე მოსახლეობისათვის  არსებული ტარიფის შენარჩუნება შესაბამისი ორგანიზაციის სუბსიდირების გზით, რასაც მნიშვნელოვანი სოციალური დატვირთვაც გააჩნია.

5.2.11.  განსაკუთრებით გამოჩენილი ადამიანების დახმარება (პროგრამული კოდი 06 02 12)

      ქვეპროგრამით გაიცემა ყოველთვიური მატერიალური დახმარება 100 ლარის ოდენობით, რაც წარმოადგენს განსაკუთრებით გამოჩენილი ადამიანების სოციალური პირობების გაუმჯობესებას, მათ მატერიალურ და მორალურ მხარდაჭერას (5 ბენეფიციარი).

5.2.12.     16  წლამდე  ასაკის ოთხი და მეტშვილიანი  ოჯახების დახმარება (პროგრამული კოდი 06 02 13)

     ქვეპროგრამის ფარგლებში 16 წლამდე ასაკის ოთხი და მეტშვილიანი ოჯახები მიიღებენ ყოველთვიურ ფულად დახმარებას, ოთხშვილიანი ოჯახი მიიღებს ყოველთვიურად 100 ლარს, ხოლო ყოველ მომდევნო შვილზე 50 ლარს. მუნიციპალიტეტში 31 ოთხშვილიანი, 8 ხუთშვილიანი, 1 ექვსშვილიანი, 1 რვაშვილიანი ბენეფიციარია.

5.2.13.   სტიქიის შედეგად დაზარალებული მოსახლეობის დახმარება და შეშით უზრუნველყოფა (პროგრამული კოდი 06 02 14)

• ქვეპროგრამით გათვალისწინებულია სოციალურად დაუცველი 0-დან 27000 ქულის მქონე ოჯახების უზრუნველყოფა საშეშე მერქნით.
• ბორჯომის მუნიციპალიტეტში სოფელ დგვარში მეწყრის შედეგად დაზარალებული ოჯახების დახმარება 1300 ლარით სულ 115 ოჯახი.   სტიქიის შედეგად დაღუპულის  და სტიქიის შედეგად დაზარალებული ოჯახების ფინანსური დახმარება.

5.2.14.     სოციალურად დაუცველი მოსახლეობის მედიკამენტებით უზრუნველყოფა (პროგრამული კოდი 06 02 15)

           ქვეპროგრამის ფარგლებში გათვალისწინებულია ბორჯომის მუნიციპალიტეტში მცხოვრები  სოციალურად დაუცველი მოსახლეობის  დახმარება: კერძოდ 0-დან  160 000-მდე სოციალ-ეკონომიკური მდგომარეობის ამსახველი სარეიტინგო ქულის მქონე სოციალურად დაუცველი ოჯახების მედიკამენტებით დახმარება ერთჯერადად 100 ლარის ფარგლებში პოსტ ჰოსპიტალიზაციის შემდგომი მკურნალობის მიზნით. ასევე აღნიშნული ქვეპროგრამით დაფინანსდებიან ის მოქალაქეები, რომლებსაც სოციალური მომსახურების სააგენტოს 12.02.2013 წლის #04-49/ო ბრძანებით შეუწყდათ რეგისტრაცია  სოციალურად  დაუცველი ოჯახების ერთიან  ბაზაში.

5.2.15.      ერთჯერადი მატერიალური დახმარება (პროგრამული კოდი 06 02 16)

• ქვეპროგრამით დაფინანსდებიან საქართველოს ოკუპირებული ტერიტორიებიდან იძულებით გადაადგილებული პირები 100 ლარით ერთჯერადად სულ (2052 ბენეფიციარი).
• 18 წლამდე ინვალიდი ბავშვები 1000 ლარით სულ (65 ბენეფიციარი).
• პოლიტპატიმრების ფინანსური დახმარება 1000 ლარით (5 ბენეფიციარი).
• ტრაგიკულად დაღუპულის ოჯახის დახმარება 2000 ლარით (1 ბენეფიციარი).

    'მუხლი 17. ბორჯომის ბიუჯეტის ხარჯებისა და არაფინანსური აქტივების ზრდის ფუნქციონალური კლასიფიკაცია

"მუხლი 18.      მუნიციპალიტეტის ბიუჯეტის ასიგნებები