„საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს ეკონომიკური დეპარტამენტის დებულების დამტკიცების შესახებ“ საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2011 წლის 19 ივლისის №133 ბრძანებაში ცვლილების შეტანის თაობაზე

 „მუხლი 10¹

1. საბუღალტრო აღრიცხვის სამმართველოს მრჩეველი:

ა) ამოწმებს შემოსული სასაქონლო ზედნადებების,  საგადასახადო ანგარიშ-ფაქტურების და მიღება-ჩაბარების აქტებისა და ხელშეკრულებების ურთიერთშესაბამისობის სისწორეს;

ბ) აწარმოებს სასაქონლო ზედნადებების,  საგადასახადო ანგარიშ-ფაქტურებისა და მიღება ჩაბარების აქტების რეესტრს;

გ) აკონტროლებს გაწეული ხარჯების შესაბამისობას ხელშეკრულებების თანხების ზღვრულ ოდენობასთან;

დ) არეგისტრირებს ხელშეკრულებებს ელექტრონული ხაზინის პროგრამაში;

ე) ამზადებს შესაბამის საბუთებზე ვალდებულების დოკუმენტებს;

ვ) ამზადებს შესაბამის საბუთებზე საგადასახადო მოთხოვნას;

ზ) ამზადებს სამინისტროს აპარატის თანამშრომელთა სამსახურებრივ მივლინებასთან დაკავშირებულ საბუთებს და საგადასახადო მოთხოვნებს;

თ) უზრუნველყოფს საკასო ხარჯებისა და მივლინებების ფაქტობრივი ხარჯების გატარებას საბუღალტრო პროგრამაში (Oris Softweare);

ი) ამზადებს მინდობილობების პროექტებს;

კ) უზრუნველყოფს ხელფასების დარიცხვას და დროულად გაცემას;

ლ) ამზადებს შრომის სტატისტიკის ყოველთვიურ და კვარტალურ ფორმას;

მ) ამზადებს საშემოსავლო დეკლარაციას  ყოველთვიურად და ყოველწლიურად;

ნ) უზრუნველყოფს თანამშრომლებისათვის სახელფასო ანგარიშების გახსნას ბანკში;

ო) ახდენს სადაზღვეო მომსახურებისათვის  ხელშეკრულებით გათვალისწინებული თანხის ხელფასიდან ჩამოჭრას და გადარიცხვას სადაზღვევო კომპანიის ანგარიშზე;

პ) ამზადებს დეკრეტული შვებულების საბუთებს და წარადგენს სოციალური მომსახურების სააგენტოში;

ჟ) ახორციელებს სამინისტროს მიერ შეძენილი მედიკამენტებისა და სხვა სამკურნალო საშუალებების, ასევე ბრალდებულთა/მსჯავრდებულთა მკურნალობასთან დაკავშირებული საბუღალტრო ინფორმაციის საბუღალტრო პროგრამაში (Oris Softweare) ასახვას;

რ) მონაწილეობს ინვენტარიზაციის პროცესებში და ახდენს ინვენტარიზაციის შედეგების და ბუღალტრული მონაცემების ერთმანეთთან შედარებას;

ს) ასრულებს სამსახურის ხელმძღვანელობის სხვა დავალებებსა და მითითებებს.

2. საბუღალტრო აღრიცხვის სამმართველოს მთავარი სპეციალისტი:

ა) ამუშავებს ცენტრალურ აპარატში შემოსულ სასაქონლო ზედნადებებს და მიღება-ჩაბარების აქტებს საბუღალტრო პროგრამაში (Oris Softweare);

ბ) აღრიცხავს  საკანცელარიო და სამეურნეო საქონლის, საწვავისა და სამინისტროს რეცხვის ტალონების ხარჯვას დაშვებული ლიმიტების შესაბამისად საბუღალტრო პროგრამაში (Oris Softweare);

გ) აღრიცხავს აპარატის თანამშრომლებზე გაცემული ინვენტარს და უზრუნველყოფს ინფორმაციის შეყვანას საბუღალტრო პროგრამაში (Oris Softweare);

დ) მონაწილეობს ბრძანებით გათვალისწინებულ ინვენტარიზაციის განხორციელებაში;

ე) ახორციელებს წარმომადგენლობითი ხარჯებისა და სხვა მარაგების ხარჯვის დამადასტურებელ დოკუმენტაციის საბუღალტრო პროგრამაში (Oris Softweare) ასახვას;

ვ) არეგისტრირებს ელექტრონული ხაზინის პროგრამაში ხელშეკრულებებს;

ზ) ამზადებს შესაბამის საბუთებზე ვალდებულების დოკუმენტებს;

თ) ამზადებს შესაბამის საბუთებზე საგადასახადო მოთხოვნას;

ი) ასრულებს სამსახურის ხელმძღვანელობის სხვა დავალებებსა და მითითებებს.

3. ბიუჯეტის დაგეგმვისა და შესყიდვების სამმართველოს მრჩეველი:

ა) ამზადებს სახელმწიფო შესყიდვების ხელშეკრულებების პროექტებს  და მათში განსახორციელებელ ცვლილებებს;

ბ) უზრუნველყოფს შესყიდვების სააგენტოს ელექტრონულ ვებ-გვერდზე წლიური გეგმის განთავსებას, სატენდერო და სხვა ტიპის დოკუმენტაციის ატვირთვას;

გ) ასრულებს სამსახურის ხელმძღვანელობის სხვა დავალებებსა და მითითებებს.

4. ბიუჯეტის დაგეგმვისა და შესყიდვების სამმართველოს მთავარი სპეციალისტი:

ა) მონაწილეობს ბიუჯეტის პროექტის შემუშავებაში;

ბ) მონაწილეობს სამინისტროსათვის გათვალისწინებული ასიგნებების ხარჯვის შესახებ ყოველკვარტალური და ყოველწლიური ანგარიშების მომზადებაში;

გ) მონაწილეობს სამინისტროს სისტემაში შემავალი დაწესებულებების დამტკიცებულ გეგმებში საჭიროების მიხედვით ცვლილებების მომზადებაში;

დ) ასრულებს სამსახურის ხელმძღვანელობის სხვა დავალებებსა და მითითებებს.

5. ბიუჯეტის დაგეგმვისა და შესყიდვების სამმართველოს სპეციალისტი:

ა) მონაწილეობს სამინისტროსათვის გათვალისწინებული ასიგნებების ხარჯვის შესახებ ყოველკვარტალური და ყოველწლიური ანგარიშების მომზადებაში;

ბ) მონაწილეობს სატენდერო და სხვა ტიპის დოკუმენტაციის მომზადებაში;

გ) ასრულებს სამსახურის ხელმძღვანელობის სხვა დავალებებსა და მითითებებს.

6. მატერიალურ-ტექნიკური უზრუნველყოფის სამმართველოს მთავარი სპეციალისტი:

ა) უზრუნველყოფს სამინისტროსათვის საჭირო საქონლის და მომსახურების მოძიებას;

ბ) ამზადებს განაცხადს სამინისტროს ბალანსზე რიცხული ავტომანქანების საწვავ-საპოხი და სათადარიგო ნაწილებით მომარაგებისათვის;

გ) უზრუნველყოფს შენობაში არსებული ელექტროტექნიკისა და ავეჯის გამართულ ფუნქციონირებას;

დ) აკონტროლებს სამინისტროს ბალანსზე რიცხული ავტომანქანების ტექნიკურ მომსახურებას;

ე) უზრუნველყოფს შენობის გათბობა-კონდიცირების საკითხების მოგვარებას;

ვ) ასრულებს სამსახურის ხელმძღვანელობის სხვა დავალებებსა და მითითებებს.

7. მატერიალურ-ტექნიკური უზრუნველყოფის სამმართველოს სპეციალისტი:

ა) ახორციელებს მომწოდებლისგან საქონლის მიღება-ჩაბარების აქტების გაფორმებას და მოწოდებული საქონლის დასაწყობებას;

ბ) უზრუნველყოფს მოწოდებული საქონლის მოთხოვნის მიხედვით თანამშრომლებზე განაწილებას და აღრიცხვას;

გ) უზრუნველყოფს სამინისტროს სტუმრებისთვის წარმომადგენლობითი ხასიათის მომსახურების გაწევას;

დ) უზრუნველყოფს ხანძარსაწინააღმდეგო წესების დაცვას და პერიოდულად აახლებს სახანძრო ინვენტარს;

ე) ასრულებს სამსახურის ხელმძღვანელობის სხვა დავალებებსა და მითითებებს.“.

„ზ) უზრუნველყოფს შესყიდვების სააგენტოს ელექტრონულ ვებ-გვერდზე წლიური გეგმის განთავსებას, სატენდერო და სხვა ტიპის დოკუმენტაციის ატვირთვას;“.

„კ) უზრუნველყოფს სახელმწიფო შესყიდვასთან დაკავშირებული საკითხების შეთანხმებას საჯარო სამართლის იურიდიულ პირ – კონკურენციისა და სახელმწიფო შესყიდვების სააგენტოსთან;“.

„თ) კონტროლს აწესებს საწვავის ხარჯვასა და რეცხვის ტალონების გაცემაზე სამინისტროში დაშვებული ლიმიტების შესაბამისად;“.