„საქართველოს შეიარაღებული ძალების გაერთიანებული შტაბის სამხედრო პოლიციის დეპარტამენტის დებულების დამტკიცების შესახებ“ საქართველოს თავდაცვის მინისტრის 2012 წლის 6 დეკემბრის №951 ბრძანებაში ცვლილების შეტანის თაობაზე

 1. მე-7 მუხლის ,,პ“ ქვეპუნქტი ჩამოყალიბდეს შემდეგი რედაქციით:

,,პ) კანონმდებლობით დადგენილი წესით, სამინისტროს სტრუქტურული ქვედანაყოფების (მათ შორის, ჯარის სახეობის ქვედანაყოფების)  დისლოკაციის ადგილებზე, სამხედრო ობიექტებზე/დაწესებულებებში და/ან მათ მიმდებარე ტერიტორიებზე, აგრეთვე საომარი ან/და საგანგებო მდგომარეობის და სხვა განსაკუთრებული სიტუაციების პირობებში გზებზე საკონტროლო-გამშვები პუნქტების მოწყობა და მათი ფუნქციონირების უზრუნველყოფა;“.

 2. მე-7 მუხლის ,,ს“ ქვეპუნქტი ჩამოყალიბდეს შემდეგი რედაქციით:

,,ს) კომპეტენციის ფარგლებში, დაკავებულ და დაპატიმრებულ პირთა გადაყვანა, აგრეთვე სამხედრო პოლიციის შესაბამისი დანაყოფების მიერ საგამოძიებო მოქმედებების ჩატარებისას დანაშაულის ადგილებისა და მტკიცებულებების დაცვა;“.

3. მე-7 მუხლს დაემატოს ,,ფ¹’’, ,,ფ²’’ და ,,ფ³’’ პუნქტები შემდეგი რედაქციით;

,,ფ¹) კომპეტენციის ფარგლებში ჩასატარებელი სპეციალური ღონისძიებების განხორციელება;

ფ²) იარაღისა და საბრძოლო მასალების ესკორტირება საგანგებო მდგომარეობის დროს;

 ფ³) მინისტრის ან/და გაერთიანებული შტაბის უფროსის მიერ განსაზღვრული ცალკეული ობიექტების დაცვა.’’. 

4. მე-11 მუხლის პირველი პუნქტის:

 ა) „ზ“ ქვეპუნქტი ჩამოყალიბდეს შემდეგი რედაქციით:

,,ზ) დაცვის მთავარი სამმართველო;“;

 ბ) „თ“ და ,,ი’’ ქვეპუნქტები ამოღებულ იქნეს.

5. მე-12 მუხლის:

 ა) მე-3 პუნქტის „თ“ ქვეპუნქტი ამოღებულ იქნეს;

ბ) მე-6 პუნქტს დაემატოს ,,ბ¹“ ქვეპუნქტი შემდეგი რედაქციით:

 ,,ბ¹) კანონმდებლობით დადგენილი წესით, კომპეტენციის ფარგლებში,  განახორციელოს ბრალდებულის ან/და ამოუცნობი გვამის რეგისტრაცია, დაქტილოსკოპირება, ფოტო-, კინო-, ვიდეო- და  აუდიოგადაღება, შედარებითი გამოკვლევისათვის ნიმუშების აღება, შემთხვევის ადგილზე კვალთა ფიქსირება-ამოღება, აგრეთვე ჩაატაროს საექსპერტო გამოკვლევები სისხლის სამართლისა და ადმინისტრაციულ სამართალდარღვევათა საქმეებზე;’’;

გ)  მე-7 პუნქტი ჩამოყალიბდეს შემდეგი რედაქციით:

,,7. დაცვის მთავარი სამმართველოს ფუნქციებია:

ა) მინისტრისა და მინისტრის მიერ განსაზღვრულ პირთა დაცვისა და პირადი უსაფრთხოების ღონისძიებების უზრუნველყოფა;

ბ) სამინისტროში ოფიციალური ვიზიტით მყოფი უცხო ქვეყნის თავდაცვის სისტემის (სამოქალაქო და სამხედრო) თანამდებობის პირთა დაცვითი ღონისძიებების უზრუნველყოფა;

გ) დაცვის და უსაფრთხოების ღონისძიებების წარმატებით განსახორციელებლად, დასაცავ პირთა გადაადგილების მარშრუტებზე, მონახულების ობიექტებსა და გასამგზავრებელ რეგიონებში არსებული ვითარების შესახებ ინფორმაციის მოძიება და შესწავლა;

დ) გაერთიანებული შტაბის ადმინისტრაციულ შენობასა და კონტროლირებად ტერიტორიაზე ავტომანქანების, სამხედრო მოსამსახურეებისა და სამოქალაქო პირების დაშვების რეჟიმის განხორციელება-კონტროლი;

ე) სამინისტროსა და გაერთიანებული შტაბის კონტროლირებად  ტერიტორიაზე და  საკონტროლო-გამშვებ პუნქტებზე დაცვის ღონისძიებების განხორციელება და საყარაულო წესდების შესრულება;

ვ) გაერთიანებული შტაბის ქვედანაყოფების პირად შემადგენლობაზე გაპიროვნებული სამსახურებრივ-საშტატო იარაღისა და საბრძოლო მასალების სწორი შენახვა და მიღება-გაცემის უზრუნველყოფა.’’;

დ) მე-12 მუხლის მე-8 და მე-9 პუნქტები ამოღებულ იქნეს.