„საჯარო სამართლის იურიდიული პირის – ბათუმის შოთა რუსთაველის სახელმწიფო უნივერსიტეტის წესდების დამტკიცების შესახებ“ საქართველოს განათლებისა და მეცნიერების მინისტრის 2007 წლის 14 ნოემბრის №1106 ბრძანებაში ცვლილების შეტანის თაობაზე

ა) მე-10 მუხლის მე-5 პუნქტი ამოღებულ იქნეს;

ბ)  62-ე  მუხლის  მეორე პუნქტი ჩამოყალიბდეს შემდეგი რედაქციით:

,,2. ემერიტუსის წოდების მინიჭების შესახებ უნივერსიტეტის აკადემიური საბჭოს დადგენილების  საფუძველზე, წარმომადგენლობითი საბჭოს გადაწყვეტილებით,  ემერიტუსის წოდების მქონე პირს მიეცემა ანაზღაურება, რაც  მთავარი მეცნიერ-თანამშრომლის თანამდებობიდან გასული ემერიტუსისათვის  შეადგენს 625 ლარს, ხოლო სრული პროფესორის თანამდებობიდან გასული ემერიტუსისათვის  – 1250 ლარს.”;

გ) 62-ე  მუხლის  მე-9 პუნქტი  ჩამოყალიბდეს შემდეგი რედაქციით:

,,9. უნივერსიტეტის ემერიტუსის წოდების მქონე პირის მიერ სხვა უმაღლეს საგანმანათლებლო დაწესებულებაში აკადემიური თანამდებობის დაკავების შემთხვევაში უნივერსიტეტი უფლებამოსილია შეწყვიტოს ამ მუხლის მე-2 პუნქტით გათვალისწინებული თანხის გადახდა.”;

დ) 65-ე მუხლის მე-4 პუნქტი ჩამოყალიბდეს შემდეგი რედაქციით:

,,4. უნივერსიტეტის პერსონალის სამსახურებრივი შეუთავსებლობა განისაზღვრება წარმომადგენლობითი საბჭოს მიერ დამტკიცებული აკადემიური პერსონალის სამსახურში მიღების წესით, უნივერსიტეტის შინაგანაწესით, წესდებითა და საქართველოს კანონმდებლობით.”;

ე)  66-ე მუხლის მე-6 პუნქტის ,,ა“ ქვეპუნქტი ჩამოყალიბდეს შემდეგი რედაქციით:

,,ა) ადმინისტრაციული ან/და აკადემიური რეგისტრაციის გაუვლელობა;”;

ვ)  66-ე მუხლის მე-8 პუნქტის ,,ზ“ ქვეპუნქტი ჩამოყალიბდეს შემდეგი რედაქციით:

,,ზ) ერთი და იმავე სასწავლო კურსის სამჯერ მოსმენა და კრედიტის ვერ მიღება;”.