შპს „სახელმწიფო სამშენებლო კომპანიის“ სახსრებით საქონლისა და მომსახურების შესყიდვების სპეციალური წესის დამტკიცების შესახებ“ საქართველოს მთავრობის 2012 წლის 28 დეკემბრის #481 დადგენილებაში ცვლილების შეტანის თაობაზე

1. მე-5 მუხლის მე-3 პუნქტს დაემატოს შემდეგი შინაარსის „ვ“ ქვე­პუნქტი:

„ვ) კომისიის გადაწყვეტილებით, თუ ამგვარი გადაწყვეტილება გა­მოწვეულია ობიექტური გარემოებებით ან/და გამართლებულია დროის, ტექნიკურ-ეკონომიკური და ფინანსური თვალსაზრისით.“.

2. მე-5 მუხლს დაემატოს შემდეგი შინაარსის მე-7 პუნქტი:

„7. შესყიდვის განხორციელებისას შესყიდვის ობიექტის ღირებუ­ლება არ უჯამდება ამ წესის №1 დანართით განსაზღვრული შესყიდული ან/და შესასყიდი საქონლისა და მომსახურების ღირებულებას, თუ:

ა) შესყიდვა ხორციელდება ამ მუხლის მე-3 პუნქტის „ბ“-„დ“ ქვე­პუნქტებით და ამ მუხლის მე-5 პუნქტით გათვალისწინებული შემთხვე­ვებით;

ბ) შესყიდვის განხორციელება გამოწვეულია გეოგრაფიული ფაქტო­რით ან/და გამართლებულია სახსრების რაციონალური ხარჯვის თვალ­საზ­რისით;

გ) შესყიდვის განხორციელება გამოწვეულია ობიექტური პირო­ბებით, რომლებსაც შემსყიდველი ორგანიზაცია წინასწარ ვერ გაითვა­ლის­წინებდა.“.

3. მე-11 მუხლის პირველი პუნქტი ჩამოყალიბდეს შემდეგი რედაქ­ციით:

„1. ზეპირი ვაჭრობა გაიმართება შემსყიდველი ორგანიზაციის მიერ დოკუმენტაციაში მითითებულ ადგილზე და დროს.“.

4. მე-11 მუხლის მე-2 პუნქტი ჩამოყალიბდეს შემდეგი რედაქციით:

„2. შემსყიდველი ორგანიზაცია უფლებამოსილია დოკუმენტაციაში არ მიუთითოს ზეპირი ვაჭრობის დაწყების კონკრეტული დრო. ასეთ შემ­თხვევაში შემსყიდველი ორგანიზაცია ვალდებულია შერჩევის პროცე­დუ­რის დასრულებისთანავე დაადგინოს დოკუმენტაციაში მითითებულ დღეს ზეპირი ვაჭრობის დაწყების კონკრეტული დრო და ამის შესახებ აცნობოს შეფასებაზე დაშვებულ პრეტენდენტებს.“.

5. მე-11 მუხლის მე-4 პუნქტი ჩამოყალიბდეს შემდეგი რედაქციით:

„4. ზეპირ ვაჭრობაზე გამოუცხადებლობა ან/და ზეპირ ვაჭრობაში მონაწილეობაზე უარი არ გამოიწვევს პრეტენდენტის დისკვალიფი­კა­ციას. ასეთ შემთხვევაში ძალაში რჩება და ფიქსირდება პრეტენდენტის მი­ერ წარდგენილი წინადადების პირვანდელი ფასი.“.

6. მე-15 მუხლის მე-4 პუნქტი ჩამოყალიბდეს შემდეგი რედაქციით:

„4. ხელშეკრულების შესრულების უზრუნველყოფის გარანტიის მე­ქანიზმის მოთხოვნა სავალდებულოა, თუ ხელშეკრულების საერთო ღი­რებულება საქონლის ან/და მომსახურების შესყიდვის შემთხვევაში შეად­გენს ან აღემატება 200 000 ლარს, გარდა ამ მუხლის 4⁴ პუნქტით გათვა­ლისწინებული შემთხვევებისა.“.

7. მე-15 მუხლს დაემატოს შემდეგი შინაარსის 4¹ პუნქტი:

„4¹. ავანსის უზრუნველყოფის გარანტიის მოთხოვნა სავალდებუ­ლოა თუ ხელშეკრულებით გათვალისწინებულია წინასწარი ანგარიშსწო­რება (ავანსი) და მისი ოდენობა აღემატება ხელშეკრულების საერთო ღი­რებულების 50%-ს, გარდა ამ მუხლის 4² პუნქტით გათვალისწინებული შემთხვევებისა.“.

8. მე-15 მუხლს დაემატოს შემდეგი შინაარსის 4² პუნქტი:

„4². შესყიდვის განხორციელებისას დასაშვებია წინასწარი ანგარიშ­სწორება ავანსის უზრუნველყოფის გარანტიის მოთხოვნის გარეშე, თუ შესყიდვის ობიექტის ღირებულება არ აღემატება 5 000 ლარს.“.

9. მე-15 მუხლს დაემატოს შემდეგი შინაარსის 4³ პუნქტი:

„4³. ამ მუხლის მე-4 პუნქტში გათვალისწინებულ შემთხვევაში ხელ­შეკრულების შესრულების გარანტია შეიძლება მოთხოვნილ იქნეს ხელ­შეკ­რულების ღირებულების 1%-იდან 5%-მდე ოდენობით.“.

10. მე-15 მუხლს დაემატოს შემდეგი შინაარსის 4⁴ პუნქტი:

„4⁴. ობიექტური პირობების არსებობისას, კომისიის გადაწყვეტილე­ბით ხელშეკრულების შესრულების უზრუნველყოფის გარანტია შეიძ­ლება არ იქნეს მოთხოვნილი.“.

11. სპეციალური წესის №1 დანართს დაემატოს შემდეგი პო­ზი­ცი­ები:

„392¹ ფრაქციული ღორღი 0-5

392² ფრაქციული ღორღი 0-20

392³ ფრაქციული ღორღი 0-40

392⁴ ფრაქციული ღორღი 0-80

392⁵ ფლეთილი ქვა

392⁶ საგზაო ზღუდარები და მათი ცალკეული ელემენტები

392⁷ ადგეზიური დანამატი

392⁸ ასფალტობეტონის ქარხანა

392⁹ ასფალტობეტონის ქარხნის მალცვეთადი ნაწილები

392¹⁰ ასფალტობეტონის ქარხნის ელ. ნაწილები და აგრეგატები

392¹¹ ასფალტობეტონის ქარხნის სათადარიგო ნაწილები

392¹² სხვადასხვა ქიმიური დანამატები ასფალტის წარმოებისთვის

392¹³ მობილური ქვის სამსხვრევი აგრეგატები

392¹⁴ სტაციონარული ქვის სამსხვრევი აგრეგატები

506 ასფალტობეტონის ქარხნის კვანძების რემონტი

507 ქვის სამსხვრევი აგრეგატების იჯარა

508 ასფალტობეტონის ქარხნის იჯარა

509 ქვის სამსხვრევი აგრეგატებით მომსახურება

510 ასფალტობეტონის ქარხნით მომსახურება.“.