,,სოციალურად დაუცველი ოჯახების მონაცემთა ერთიან ბაზაში რეგისტრაციასთან, რეგისტრაციის გაუქმებასთან და სოციალურ-ეკონომიკური მდგომარეობის განმეორებით შეფასებასთან (გადამოწმებასთან) დაკავშირებული განაცხადის ფორმის, მისი მიღებისა და აღრიცხვის წესის დამტკიცების თაობაზე” საქართველოს შრომის, ჯანმრთელობისა და სოციალური დაცვის მინისტრის 2010 წლის 20 მაისის №140/ნ ბრძანებაში ცვლილების შეტანის შესახებ

    ,,5. არასრულყოფილია განაცხადი, თუ მასში გამოტოვებულია სავალდებულო შევსებას დაქვემდებარებული რომელიმე გრაფა (მაგ.: აკლია განმცხადებლის და/ან მისი ოჯახის  რომელიმე წევრის პირადი ნომერი, არ არის აღნიშნული მისამართი, აკლია ხელმოწერა და სხვა).”.

     ,,4. განაცხადის მიღების შემდეგ განმცხადებელზე, მისი მოთხოვნის შემთხვევაში გაიცემა განაცხადის ჩაბარების დამადასტურებელი ცნობა (გარდა იმ შემთხვევისა, როდესაც ოჯახი ითხოვს მონაცემთა ბაზაში რეგისტრაციის გაუქმებას), რომელშიც აღინიშნება განაცხადის ნომერი, ჩაბარების თარიღი, განაცხადის მიმღები პასუხისმგებელი პირის ხელმოწერა.”.

„2¹. განაცხადში დაფიქსირებული პირის რეკვიზიტების საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირის – სახელმწიფო სერვისების განვითარების სააგენტოს (შემდგომში – სსიპ – სახელმწიფო სერვისების განვითარების სააგენტო)  მონაცემთა ბაზასთან შედარებისას აღმოჩენილი ტექნიკური უზუსტობის შემთხვევაში, ავტომატურად ხორციელდება ,,სოციალურად დაუცველი ოჯახების მონაცემთა ერთიან ბაზაში” პირის რეკვიზიტების (სახელი, გვარი, დაბადების თარიღი)  კორექტირება.";

 „5¹. ამ მუხლის მე-3 პუნქტის „ბ“ ქვეპუნქტით გათვალისწინებული გადაწყვეტილების მიღების ერთ-ერთ საფუძველს წარმოადგენს, განაცხადში მაძიებლის მიერ მუდმივ საცხოვრებელ ადგილად დაფიქსირებული სახელმწიფო საკუთრებაში არსებული ფართი, რომელშიც ოჯახი იმყოფება უკანონოდ და ამ ფართის კანონიერი მესაკუთრე არ ეთანხმება ამ ფაქტს, რაც სააგენტოსთვის ცნობილი გახდა კანონიერი მესაკუთრის მომართვის საფუძველზე.

 5². ამ მუხლის 5¹ პუნქტის შესაბამისად, მონაცემთა ბაზაში რეგისტრაციისათვის მაძიებლის მიერ შემოტანილ განაცხადზე სააგენტო რეაგირებას არ ახდენს (უარი მონაცემთა ბაზაში რეგისტრაციაზე), კანონიერი მესაკუთრის მიერ სააგენტოში მონაცემების წარმოდგენის თვის მომდევნო თვის პირველი რიცხვიდან. კანონიერი მესაკუთრე პასუხისმგებელია მის მიერ წარდგენილი მონაცემების (სახელმწიფო საკუთრებაში არსებული ფართების მისამართები) სისწორეზე, რასაც აწვდის სააგენტოს შეთანხმებული ფორმატით.“.