,,ცაგერის მუნიციპალიტეტის ადგილობრივი თვითმმართველობის ორგანოებისა და სამსახურების დოკუმენტების უნიფიცირებული ფორმების ტაბელი‘‘ ცაგერის მუნიციპალიტეტის საკრებულოს 2013 წლის 29 მარტის №24 დადგენილებაში ცვლილების შეტანის შესახებ

ა) დადგენილებით დამტკიცებული დებულების მე-3 მუხლში ამოღებულ იქნეს ,,საქმისწარმოების ერთიანი წესების” დამტკიცებისა და ამოქმედების შესახებ” საქართველოს პრეზიდენტის 1999 წლის 1 ივლისის №414 ბრძანებულება;

ბ) დადგენილებით დამტკიცებული დებულების მე-6 მუხლი ჩამოყალიბდეს შემდეგი რედაქციით: „თვითმმართველი ერთეულის ტერიტორიული ორგანოს ხელმძღვანელი – თვითმმართველი ერთეულის რწმუნებული (შემდგომ – რწმუნებული) სანოტარო აქტების სახეები და მათი გაფორმების სტანდარტები განისაზღვრება საქართველოს კანონით ,,ნოტარიატის შესახებ” და ,,სანოტარო მოქმედებათა შესრულების წესის შესახებ ინსტრუქციის დამტკიცების თაობაზე” საქართველოს იუსტიციის მინისტრის 2005 წლის 22 დეკემბრის №2359 ბრძანებით.";

გ) დადგენილებით დამტკიცებული დებულების 32-ე მუხლი ჩამოყალიბდეს შემდეგი რედაქციით:

,,1. თვითმმართველი ერთეულის ტერიტორიული ორგანოს ხელმძღვანელი – თვითმმართველი ერთეულის რწმუნებული (შემდგომ – რწმუნებული) იმ დასახლებულ პუნქტში, სადაც არ არის სანოტარო ბიურო ასრულებს ,,ნოტარიატის შესახებ” საქართველოს კანონის 42-ე მუხლით გათვალისწინებულ სანოტარო მოქმედებებს.

2. თვითმმართველი ერთეულის ტერიტორიული ორგანოს ხელმძღვანელი – თვითმმართველი ერთეულის რწმუნებული (შემდგომ რწმუნებული) სანოტარო მოქმედებას ასრულებს და შესაბამის სანოტარო აქტს ადგენს საქართველოს იუსტიციის მინისტრის 2005 წლის 25 ივლისის №2359 ბრძანებით დამტკიცებული დებულებით ,,სანოტარო მოქმედებათა შესრულების წესის შესახებ” და 2000 წლის 25 ივლისის №158 ბრძანებით დამტკიცებული ინსტრუქციით ,,ადგილობრივი თვითმმართველობის აღმასრულებელი ორგანოების მიერ სანოტარო მოქმედებათა შესრულების წესის შესახებ.”;

დ) დადგენილებით დამტკიცებული დებულების 33–34-ე მუხლებში ამოღებულ იქნეს აღნიშნული დადგენილებები ,,მუნიციპალიტეტის სამსახურებში ადმინისტრაციულ სამართალდარღვევათა საქმისწარმოების წესის შესახებ‘‘ და ,,მუნიციპალიტეტის სამსახურებში საჯარო სახსრების მიღება-გამოყენების დოკუმენტირების შესახებ.‘‘.