„საქართველოს ფინანსთა სამინისტროს დებულების დამტკიცების შესახებ“ საქართველოს მთავრობის 2004 წლის 21 მაისის №39 დადგენილებაში ცვლილების შეტანის თაობაზე

1. მე-3 მუხლის „ჰ.კ“-„ჰ.პ“ ქვეპუნქტები ამოღებულ იქნეს.

2. მე-8 მუხლში:

ა) „პ“ და „ჟ“  ქვეპუნქტები ამოღებულ იქნეს;

ბ) დაემატოს  შემდეგი შინაარსის „ს“, „ტ“ და „უ“ ქვეპუნქტები:

„ს) ადამიანური რესურსების მართვის სამსახური;

ტ) ანალიტიკური დეპარტამენტი;

უ) ინფორმაციული უსაფრთხოების სამსახური.“.

3. 23-ე მუხლის „ჟ-რ“ ქვეპუნქტები ამოღებულ იქნეს.

4. 44-ე და 45-ე მუხლები ამოღებულ იქნეს.

5. დაემატოს შემდეგი შინაარსის 47- 49 მუხლები:

„მუხლი 47. ადამიანური რესურსების მართვის სამსახურის  ძირითადი ფუნქციებია:

ა) ადამიანური რესურსების მართვის უზრუნველყოფა;

ბ) კომპეტენციის ფარგლებში, ადამიანური რესურსების მართვის ანალიზის უზრუნველყოფა;

გ) ვაკანტურ თანამდებობათა დასაკავებლად კონკურსის ორგა­ნი­ზება და გამართვა;

დ) საჯარო მოსამსახურეთა ატესტაციების ორგანიზება და გამართ­ვა;

ე) საჯარო მოსამსახურეთა პირადი საქმეების წარმოება;

ვ) სამინისტროს თანამდებობის პირთა მიერ ქონებრივი მდგომ­ა­რეო­ბის დეკლარაციების შესაბამის ორგანოში წარდგენის ორგანი­ზა­ციუ­ლი უზრუნველყოფა;

ზ) მოსამსახურეთა პროფესიული მომზადების დონის ანალიზი, მოსამ­სახურეთა  გადამზადების (კვალიფიკაციის შეცვლის) და კვალი­ფი­კაციის ამაღლების ორგანიზება;

თ) თავისი კომპეტენციის ფარგლებში, საქართველოს ფინანსთა მი­ნისტ­რის ნორმატიული და ინდივიდუალური სამართლებრივი აქტე­ბის პროექტების  მომზადება;

ი) სამინისტროს კომპეტენციას მიკუთვნებულ სხვადასხვა სა­კით­­ხებზე მუშაობა.

მუხლი 48. ანალიტიკური დეპარტამენტის ძირითადი ფუნქციებია:

ა) საჯარო ფინანსების სექტორში შედეგზე ორიენტირებული მართ­ვის სისტემის გაუმჯობესება და მისი სტანდარტიზაცია;

ბ) საჯარო ფინანსების სექტორში პოლიტიკის ანალიზის სის­ტე­მის დანერგვა და მისი სტანდარტიზაცია.

მუხლი 49. ინფორმაციული უსაფრთხოების სამსახურის ძირი­თა­დი ფუნქციებია:

ა) სამინისტროს ინფორმაციული აქტივების აღწერა და შესაბამის სტრუქტურულ ერთეულებთან ერთად მათზე წვდომის წესების განსაზღვრა;

ბ)  სამინისტროს ინფორმაციული აქტივების დაცვა;

გ) ინფორმაციის დამუშავების ინფრასტრუქტურაში  არსებული სი­სუს­ტეების მართვა;

დ) საფრთხეების და ინციდენტების მართვა, რომლებსაც გავლენა შეუძლიათ მოახდინონ სამინისტროს ინფორმაციულ რესურსებზე;

ე) უსაფრთხოების პოლიტიკის, პროცედურების და სტანდარტების მომზადება და მათი მეშვეობით სამინისტროს საინფორმაციო რესურსების სათანადო გამოყენების უზრუნველყოფა;

ვ) ინფორმაციის დაცვის სფეროში თანამშრომლებისათვის მათი ვალდებულებების გაცნობა;

ზ) ინფორმაციული უსაფრთხოების საბჭოსათვის ანგარიშების, სხდომების ოქმებისა და დღის წესრიგის  მომზადება.“.