,,საქართველოს განათლებისა და მეცნიერების სამინისტროს დებულების დამტკიცების შესახებ” საქართველოს მთავრობის 2004 წლის 21 მაისის №37 დადგენილებაში ცვლილების შეტანის თაობაზე

1.  მე-2 მუხლის:

ა) მე-2 პუნქტის ,,შ“ ქვეპუნქტი ჩამოყალიბდეს შემდეგი რედაქციით:

,,შ) საქართველოს პრემიერ-მინისტრთან შეთანხმებით, თანამ­დებო­ბა­­ზე ნიშნავს და თანამდებობიდან ათავისუფლებს ამ დებულების მე-4 მუხლის „გ.ა“, „გ.ბ“, „გ.დ“ და „გ.ზ“  ქვეპუნქტებით გათვალისწინებული საჯარო სამართლის იურიდიული პირების დი­რექ­ტო­რებს; კანონმდებლობით დადგენილი წესით თანამდე­ბო­ბა­ზე ნიშნავს და თანამდებობიდან ათავისუფლებს ამ დებულების მე-4 მუხლის „გ.ე“, „გ.ვ“ და „გ.თ“ ქვეპუნქტებით გათვა­ლისწი­ნე­ბუ­ლი დაწესებულებების ხელმძღვანელებსა და პროფესიული საგან­მა­ნათ­­­ლებლო დაწესებულებების ხელმძღვანელებს;“;

ბ) მე-2 პუნქტის ,,ჰ⁸“ ქვეპუნქტი ჩამოყალიბდეს შემდეგი რედაქ­ციით:

,,ჰ⁸) საჯარო სამართლის იურიდიული პირის – გამოცდების ეროვ­ნუ­ლი ცენტრის წარდგინებით ამტკიცებს სკოლის გამოსაშვები გამოც­დე­ბის პროგრამებს;“;

გ) მე-2 პუნქტს დაემატოს შემდეგი შინაარსის ,,ჰ¹⁰“ და ,,ჰ¹¹“ ქვე­პუნქ­ტე­ბი:

,,ჰ¹⁰) ადგენს სკოლის სახელმძღვანელოს შესაბამისობას ეროვნულ სას­წავ­ლო გეგმასთან, ახორციელებს მის შეფასებასა და სახელ­მძღვა­ნე­ლოს გრიფის მინიჭებას;

ჰ¹¹) ამოწმებს მკაცრი აღიცხვის დოკუმენტების ენობრივ სისწორეს, გარ­და განათლების დამადასტურებელი სახელმწიფო დოკუმენტისა.“.

2. მე-3 მუხლის მე-2 პუნქტს დაემატოს შემდეგი შინაარსის ,,შ¹“ ქვეპუნქტი:

,,შ¹) ამტკიცებს სამინისტროს სისტემაში დასაქმებულ თანამ­შრო­მელ­­­თათვის სამინისტროს ჯილდოს გაცემის წესს;“.

3. მე-4 მუხლის ,,გ“ პუნქტის ,,გ.ი“ ქვეპუნქტი ამოღებულ იქნეს.

4. 4¹ მუხლის:

ა) პირველ პუნქტს დაემატოს შემდეგი შინაარსის ,,ქ“ ქვეპუნქტი:

,,ქ) სკოლის სახელმძღვანელოს შესაბამისობის დადგენა ეროვნულ სას­წავლო გეგმასთან, მისი შეფასება და სახელმძღვანელოს გრიფის მინი­ჭება.“;

ბ) მე-2 პუნქტს დაემატოს შემდეგი შინაარსის ,,თ“ ქვეპუნქტი:

,,თ) სამინისტროს შესახებ პერიოდული გამოცემების, ინტერნეტ გამო­ცე­მებისა და სატელევიზიო სიუჟეტების მონიტორინგის საფუძ­ველ­ზე ყოველდღიური დაიჯესტის მომზადება.“;

გ) მე-6 პუნქტის ,,ი“ ქვეპუნქტი ჩამოყალიბდეს შემდეგი რედაქციით:

,,ი) ამოწმებს, სცილდება თუ არა ეროვნულ სასწავლო გეგმას სსიპ - გამოცდების ეროვნული ცენტრის მიერ წარდგენილი სკოლის გამოსაშვები გამოცდების პროგრამები;“;

დ) მე-9 პუნქტის:

დ.ა) ,,ა“ ქვეპუნქტი ჩამოყალიბდეს შემდეგი რედაქციით:

,,ა) სტუდენტთა სოციალური ხელშეწყობის პროგრამების დაგეგმვა და განხორციელება;“;

დ.ბ) ,,ლ“ ქვეპუნქტის შემდეგ დაემატოს შემდეგი შინაარსის ,,მ“ ქვეპუნქტი:

,,მ)  მკაცრი აღრიცხვის დოკუმენტების, გარდა განათლების დამა­დას­­ტურებელი სახელმწიფო დოკუმენტისა, ენობრივი სისწორის შე­მოწ­მება.“.