დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „გადასახადების ადმინისტრირების შესახებ“ საქართველოს ფინანსთა მინისტრის 2010 წლის 31 დეკემბრის N996 ბრძანებაში ცვლილების შეტანის თაობაზე | |
|---|---|
| დოკუმენტის ნომერი | 128 |
| დოკუმენტის მიმღები | საქართველოს ფინანსთა მინისტრი |
| მიღების თარიღი | 30/04/2013 |
| დოკუმენტის ტიპი | საქართველოს მინისტრის ბრძანება |
| გამოქვეყნების წყარო, თარიღი | ვებგვერდი, 08/05/2013 |
| ძალაში შესვლის თარიღი | 01/06/2013 |
| სარეგისტრაციო კოდი | 200090000.22.033.016532 |
|
„გადასახადების ადმინისტრირების შესახებ“ საქართველოს ფინანსთა მინისტრის 2010 წლის 31 დეკემბრის №996 ბრძანებაში ცვლილების შეტანის თაობაზე
|
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად,
|
| მუხლი 1 |
„გადასახადების ადმინისტრირების შესახებ“ საქართველოს ფინანსთა მინისტრის 2010 წლის 31 დეკემბრის №996 ბრძანებით (200090000.22.033.016112, ვებგვერდი, 060111, 03/01/2011) დამტკიცებულ ინსტრუქციაში შეტანილ იქნეს შემდეგი ცვლილება: |
1.
63-ე მუხლის მე-5 პუნქტი ამოღებულ იქნეს. |
2.
64-ე მუხლის: |
ა)
სათაური ჩამოყალიბდეს შემდეგი რედაქციით:
„მუხლი 64. იმპორტის დღგ-ით დაბეგვრის სპეციალური წესის გამოყენებაზე უარი და სტატუსის გაუქმება“ |
ბ)
მე-3 პუნქტის შემდეგ დაემატოს შემდეგი შინაარსის მე-4 -მე-6 პუნქტები:
„4. პირს, რომელსაც სტატუსი მიენიჭა საქართველოს საგადასახადო კოდექსის 162-ე მუხლის მე-2 ნაწილის საფუძველზე, უუქმდება მინიჭებული სტატუსი, თუ სტატუსის მინიჭებიდან ნებიმიერი მომდევნო უწყვეტი 12 კალენდარული თვის განმავლობაში დასაბეგრი ოპერაციების მიხედვით მის მიერ დეკლარირებული და ბიუჯეტში გადახდილი დღგ-ის თანხა 200 000 ლარზე ნაკლებია. 5. პირს, რომელსაც სტატუსი მიენიჭა საქართველოს საგადასახადო კოდექსის 162-ე მუხლის 21 ნაწილის საფუძველზე, უუქმდება მინიჭებული სტატუსი, თუ იმპორტის დღგ-ით დაბეგვრის სპეციალურ წესზე გადასვლიდან მომდევნო უწყვეტი 12 კალენდარული თვის განმავლობაში არ განუხორციელებია საწარმოს ძირითად საშუალებად გამოსაყენებელი ან/და საწარმოს ძირითადი საშუალებისათვის განკუთვნილი, არანაკლებ 5,0 მლნ ლარის საბაჟო ღირებულების საქონლის იმპორტი. 6. ამ მუხლის მე-4 და მე-5 პუნქტებით გათვალისწინებულ შემთხვევებში, პირს სტატუსი უუქმდება სტატუსის გაუქმების საფუძვლის დადგომის თვის მომდევნო თვის პირველი რიცხვიდან." |
3.
112-ე მუხლს დაემატოს შემდეგი შინაარსის მე-4 და მე-5 პუნქტები:
„4. პირებს, რომლებსაც საქართველოს საგადასახადო კოდექსის 162-ე მუხლის მე-2 ნაწილის საფუძველზე სტატუსი მინიჭებული აქვთ 2013 წლის 1 ივნისამდე და სტატუსის მინიჭებიდან გასულია 12 კალენდარული თვე, სტატუსი უუქმდებათ იმ შემთხვევაში, თუ 2013 წლის 1 ივნისამდე წინა 12 უწვეტი კალენდარული თვის განმავლობაში მათ მიერ დასაბეგრი ოპერაციების მიხედვით დეკლარირებული და ბიუჯეტში გადახდილი დღგ-ის თანხა 200 000 ლარზე ნაკლებია. ამ შემთხვევაში, პირს სტატუსი უუქმდება 2013 წლის 1 ივნისიდან. 5. პირებს, რომლებსაც საქართველოს საგადასახადო კოდექსის 162-ე მუხლის 21 ნაწილის საფუძველზე სტატუსი მინიჭებული აქვთ 2013 წლის 1 ივნისამდე და სტატუსის მინიჭებიდან გასულია 12 კალენდარული თვე, სტატუსი უუქმდებათ იმ შემთხვევაში, თუ სტატუსის მინიჭებიდან მომდევნო უწყვეტი 12 კალენდარული თვის განმავლობაში არ განუხორციელებიათ საწარმოს ძირითად საშუალებად გამოსაყენებელი ან/და საწარმოს ძირითადი საშუალებისათვის განკუთვნილი, არანაკლებ 5,0 მლნ ლარის საბაჟო ღირებულების საქონლის იმპორტი. ამ შემთხვევაში, პირს სტატუსი უუქმდება 2013 წლის 1 ივნისიდან.”. |
| მუხლი 2 |
ეს ბრძანება ამოქმედდეს 2013 წლის 1 ივნისიდან. |
|
დოკუმენტის კომენტარები