თელავის მუნიციპალიტეტის საკრებულოს 2010 წლის 14 სექტემბრის N12 დადგენილებაში „თელავის მუნიციპალიტეტის საკრებულოს დებულების დამტკიცების შესახებ“ ცვლილებების შეტანის თაობაზე

შეტანილ იქნეს ცვლილება „თელავის მუნიციპალიტეტის საკრებულოს დებულების  დამტკიცების შესახებ“ თელავის მუნიციპალიტეტის საკრებულოს 2010 წლის 14 სექტემბრის №12 დადგენილებაში და 85-ე მუხლის პირველი და მეორე პუნქტები ჩამოყალიბდეს შემდეგი რედაქციით:

„1. რეგისტრაციის შემდეგ თვითმმართველი ერთეულის პრიორიტეტების დოკუმენტი და ბიუჯეტის პროექტი წინასწარი განხილვისათვის გადაეცემა საკრებულოს კომისიებს და ფრაქციებს, ხოლო საჯარო განხილვების ორგანიზებისათვის – თვითმმართველი ერთეულის რწმუნებულებს, რომლებიც მუნიციპალიტეტის ადმინისტრაციული ერთეულიდან არჩეული საკრებულოს წევრებისა და  მუნიციპალიტეტის გამგეობის საფინანსო-საბიუჯეტო სამსახურის წარმომადგელების მონაწილეობით უზრუნველყოფენ მუნიციპალიტეტის დასახლებებში საჯარო განხილვების ჩატარებას. 

  2.  საკრებულოს საფინანსო-საბიუჯეტო კომისიის დასკვნა, საკრებულოს სხვა კომისიების, ფრაქციების და  საკრებულოს წევრების მიერ გამოთქმული წინადადებები, შენიშვნები და შეფასებები თვითმმართველი ერთეულის პრიორიტეტების დოკუმენტსა და ბიუჯეტის პროექტზე არაუგვიანეს 25 ნოემბრისა ბარდება საკრებულოს აპარატს“.