„ხაშურის მუნიციპალიტეტის 2013 წლის ადგილობრივი ბიუჯეტიდან სოციალური დახმარების გაცემის წესის დამტკიცების შესახებ“ ხაშურის მუნიციპალიტეტის საკრებულოს 2012 წლის 28 დეკემბრის №53 დადგენილებაში ცვლილების შეტანის თაობაზე

,,მუხლი 10. ზოგიერთი კატეგორიის მოსახლეობის სოციალური დახმარება

1. ამ მუხლით გათვალისწინებული სოციალური დახმარების მიმღებნი არიან:

ა) სოციალურად დაუცველი ოჯახების მონაცემთა ერთიან ბაზაში რეგისტრირებული ოჯახის წევრები (0-70 000 სარეიტინგო ქულა), რომელთა სადაზღვევო პოლისი არ არის გააქტიურებული ან/და სამედიცინო მომსახურების ხარჯები არ იფარება დაზღვევით;

ბ) სოციალურად დაუცველი ოჯახის წევრები (70 000-100 000 სარეიტინგო ქულა), რომელთა სამედიცინო მომსახურების ხარჯები სრულად არ ფინანსდება საყოველთაო ჯანდაცვის სახელმწიფო პროგრამით;

გ) სოციალურად მოწყვლადი მოსახლეობა ( 0-57 000 სარეიტინგო ქულა).

2. დასკვნას ამ მუხლით გათვალისწინებული დახმარების გაცემის შესაძლებლობის, მიზანშეწონილებისა და მოცულობის (არაუმეტეს 300 ლარისა) შესახებ შეიმუშავებს მუნიციპალიტეტის საკრებულოს განკარგულებით შექმნილი სპეციალური კომისია, რომელსაც განცხადებასთან ერთად უნდა წარედგინოს :

ა) მაძიებლის/წარმომადგენლის პირადობის დამადასტურებელი დოკუმენტის ასლი;

ბ) ცნობა ჯანმრთელობის მდგომარეობის შესახებ (ფორმა №IV-100/ა);

გ) სამედიცინო მომსახურების (საჭირო მედიკამენტების) ხარჯების ანგარიშ-ფაქტურა;

დ) კომუნალური, საწვავის და ა.შ. ხარჯების გაშიფრვა/დასაბუთება განცხადებაში მითითებული დახმარების სახის შესაბამისად;

ე) სოციალურ კატეგორიას (დევნილი, შშმ პირი, ომის ვეტერანი, პენსიონერი და სხვა) მიკუთვნების დამადასტურებელი მოწმობის ასლები (ასეთის არსებობის შემთხვევაში);

ვ) ამონაწერი სოციალურად დაუცველი ოჯახების მონაცემთა ერთიანი ბაზიდან (ასეთის არსებობის შემთხვევაში);

ზ) მაძიებლის ოჯახის სოციალურ-ეკონომიკური მდგომარეობის თაობაზე შესაბამის დასახლებაში მუნიციპალიტეტის რწმუნებულის  (წარმომადგენლის) წერილობითი ინფორმაცია ( იმ შემთხვევაში, თუ მაძიებლის ოჯახი არ ირიცხება სოციალურად დაუცველთა ერთიან ბაზაში).

3. კომისია დასკვნის შემუშავებისას მხედველობაში იღებს პირის შემოსავლებსა და ქონებრივ მდგომარეობასთან დაკავშირებულ ინფორმაციას.“.

,,1. ამ მუხლით გათვალისწინებული დახმარება ვრცელდება მუნიციპალიტეტის ტერიტორიაზე მცხოვრებ:

ა) უმაღლესი სასწავლებლებისა და კოლეჯების/პროფესიულ საგანმანათლებლო დაწესებულებების ხელმოკლე სტუდენტებზე/მოსწავლეებზე, რომლებიც არიან საქართველოს დამოუკიდებლობისა და ტერიტორიული მთლიანობისათვის ბრძოლებში, აგრეთვე, საქართველოს შეიარაღებულ ძალებსა და შინაგან საქმეთა ორგანოებში   სამსახურებრივი მოვალეობის შესრულების დროს დაღუპულთა შვილები;

ბ) სოციალურად დაუცველი ოჯახებიდან, რომელთა რეიტინგი სოციალურად დაუცველი ოჯახების მონაცემთა ერთიან ბაზაში 0-70 000 ქულის ფარგლებშია.“.