„საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს მმართველობის სფეროში მოქმედი საჯარო სამართლის იურიდიული პირის – სასჯელაღსრულებისა და პრობაციის სასწავლო ცენტრის წესდების დამტკიცების თაობაზე“ საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2009 წლის 25 თებერვლის №59 ბრძანებაში ცვლილების შეტანის თაობაზე

„2. დირექტორის არყოფნის შემთხვევაში მის მოვალეობას ასრულებს დირექტორის მოადგილე“.

„მუხლი 5¹.  დირექტორის  მოადგილე

1. დირექტორს ჰყავს მოადგილე, რომელსაც მინისტრთან შეთანხმებით თანამდებობაზე ნიშნავს და თანამდებობიდან ათავისუფლებს დირექტორი.

2. დირექტორის მოადგილე:

ა) ხელს უწყობს დირექტორს მასზე დაკისრებული მოვალეობების განხორციელებაში;

ბ) ზედამხედველობს და კონტროლს უწევს სასწავლო ცენტრის სტრუქტურული ქვედანაყოფების ხელმძღვანელების მიერ სამსახურებრივი მოვალეობის შესრულებას, ანაწილებს ფუნქცია-მოვალეობებს, აძლევს მათ შესაბამის მითითებებსა და დავალებებს;

გ) ახდენს სასწავლო ცენტრში მომზადებული დოკუმენტების ვიზირებას;

დ) დირექტორის დავალებით ახორციელებს სხვა უფლება-მოვალეობებს.

3. დირექტორის მოადგილე, კანონმდებლობით დადგენილი წესით, მასზე დაკისრებული სამსახურებრივი ამოცანების შესრულებისათვის ანგარიშვალდებულია დირექტორის წინაშე.“.

„2. სასწავლო ცენტრის სტრუქტურული ქვედანაყოფებია:

ა) სასწავლო პროცესის მართვის სამსახური;

ბ) ადმინისტრაციული სამსახური;

გ) ეკონომიკური სამსახური.“.

„მუხლი 7. სასწავლო ცენტრის სტრუქტურული ქვედანაყოფების ამოცანები

1. სასწავლო პროცესის მართვის სამსახურის ძირითადი ამოცანებია:

ა) სამინისტოს სისტემის თანამშრომელთათვის სასწავლო და კვალიფიკაციის ასამაღლებელი პროგრამების შემუშავება, დაგეგმვა და განხორციელება;

ბ) სასწავლო და კვალიფიკაციის ასამაღლებელი პროგრამების განრიგის შემუშავება;

გ) სასწავლო და კვალიფიკაციის ასამაღლებელი პროგრამების განხორციელებისათვის მეთოდიკის შერჩევა-გაანალიზება;

დ) ტრენერთა ჯგუფის ორგანიზება და მათი საქმიანობის კოორდინირება;

ე) ტრენერთა პერიოდული გადამზადების კურსების ორგანიზება;

ვ) სასწავლო და კვალიფიკაციის ასამაღლებელი პროგრამების მონაწილეთათვის ატესტაცია;  

ზ) სასწავლო ცენტრის ბიბლიოთეკის ფუნქციონირების უზრუნველყოფა.

2. ადმინისტრაციული სამსახურის ძირითადი ამოცანებია:

ა) სასწავლო ცენტრის ორგანიზაციული, ინფორმაციულ-სტატისტიკური და ანალიტიკური უზრუნველყოფა;

ბ) სამართლებრივი საკითხების კოორდინირება;

გ) შეხვედრების გამართვის, მასზე განსახილველი საკითხებისა და დღის წესრიგის პროექტების მომზადების ორგანიზება;

დ) დირექტორის ცალკეული დავალებების შესრულება;

ე) სასწავლო ცენტრში შემოსული კორესპონდენციის დამუშავება;

ვ) საჯარო ინფორმაციის ხელმისაწვდომობის უზრუნველყოფა;

ზ) დირექტორთან მოქალაქეთა მიღების ორგანიზება;

თ) საზოგადოების ინფორმირება სასწავლო ცენტრის უფლებამოსილებას მიკუთვნებული საქმიანობის განხორციელების მიმდინარეობისა და მდგომარეობის შესახებ;

ი) საერთაშორისო და დონორ ორგანიზაციებთან ურთიერთობების დამყარება და თანამშრომლობა.

3. ეკონომიკური სამსახურის ძირითადი ამოცანებია:

ა) სასწავლო ცენტრის ბიუჯეტის და ხარჯთა ნუსხის პროექტის შემუშავება;

ბ) სასწავლო ცენტრის  ოპერატიული მართვა;

გ) ძირითადი საშუალებების, ფულადი სახსრებისა და საფინანსო-მატერიალური ფასეულობების ინვენტარიზაციის ჩატარება;

დ) ბუღალტრული აღრიცხვის ორგანიზაცია და წარმართვა;

ე) კრებსითი ბალანსებისა და ანგარიშების მომზადება;

ვ) სასწავლო ცენტრის კომუნალური და მიმდინარე გადასახადების გადახდის უზრუნველყოფა;

ზ) სასწავლო ცენტრის მატერიალურ-ტექნიკური უზრუნველყოფა.“.

„მუხლი 7¹.  სამსახურის უფროსი

1. სასწავლო ცენტრის სტრუქტურულ ქვედანაყოფს ხელმძღვანელობს სამსახურის უფროსი.

2. სამსახურის უფროსი უზრუნველყოფს მის დაქვემდებარებაში არსებული სამსახურის ძირითადი ამოცანების და ფუნქცია-მოვალეობების შესრულებას.

 3. სამსახურის უფროსი ზედამხედველობს და კონტროლს უწევს სასწავლო ცენტრის თანამშრომლების მიერ სამსახურებრივი მოვალეობის შესრულებას, ანაწილებს ფუნქცია-მოვალეობებს, აძლევს მათ შესაბამის მითითებებსა და დავალებებს.

4. სამსახურის უფროსი კანონით დადგენილი წესით დაკისრებული სამსახურებრივი ამოცანების შესრულებისათვის ანგარიშვალდებულია დირექტორისა და დირექტორის მოადგილის წინაშე.”.